Êsêkiêl 19:9 - Nau Brah Ndu Ngơi 2023

⁹ Khân păng sŏk nglĕ nklĕ mphâk păng krŭng tâm ndrung Têk leo tât ma hađăch n'gor bri Babilôn; Khân păng nklăch păng tâm ndrung Gay mâu hôm tăng bâr păng đŏng ôh, Ta klơ yôk Israel.

Êsêkiêl 19:9 ပူးပေါင်းရင်းမြစ်များ

II Phung Hađăch 19:28

Yorlah may ji nuih jêh tâm rdâng đah Gâp, Jêh ri nau ngơi ƀlăch ƀlêr may hŏ hao tât ta tôr Gâp, Pôri Gâp nklĕ ndar ta trôm muh may, Dơm kang thao tâm trôm mbung may. Gâp mra ƀư ăn ma may plơ̆ sĭt Tĭng trong may hŏ văch jêh.’

II Phung Hađăch 23:33

Pharaôn Nêkô nhŭp krŭng Y-Jôacha ta ƀon Ribla, tâm n'gor Hamat, gay ma păng mâu dơi ƀư hađăch tâm ƀon Yêrusalem đŏng ôh, jêh ri păng nchâp n'gor Yuđa chê̆ pi pe rbăn kilô prăk jêh ri pe jât kilô mah.

II Phung Hađăch 24:15

Păng njŭn leo Y-Jêhôjakin ma ƀon Babilôn ndrel ma mê̆ hađăch, phung ur hađăch, phung kôranh bu char, phung geh nau ktang lơn tâm n'gor bri,

II Nau Rêh Jêng 36:6

Y-Nêbukatnetsar, hađăch Babilôn, rduh lơh păng, bu kât păng ma rse rvăk kông jêh ri têk leo păng ma ƀon Babilôn.

Yêrêmi 22:17

Ƀiălah măt jêh ri nuih n'hâm may Knŏng ŭch sŏk drăp nkhôm ma nau mâu sŏng, Ƀư pling mham nơm mâu geh tih ôh, Ƀư nau tŭn jot jêh ri djơh mhĭk.’”

Êsêkiêl 19:7

Păng ƀư rlâm pôih nâp khân păng Jêh ri ƀư rai lĕ ƀon toyh khân păng; Bri jêh ri lĕ rngôch mpô mpa gŭ tâm nây jêng rngol da dê, Yor tăng bâr păng rđuh ngrông khân păng.

Êsêkiêl 34:4

Khân may mâu ƀư ôh ma phung kon biăp kuet rôi ăn dơi jêng ktang, mâu ŭch săm ăn bah phung ji, mâu ŭch put ôh ma dak si phung sôt rmanh; mâu ŭch njŭn sĭt ôh phung tă bu mprơh du plơ̆ sĭt, mâu ŭch joi ôh phung lĕ nhhơt roh, ƀiălah khân may ƀư nau janh ƀai, nchâp nđâl chiă uănh khân păng.

Êsêkiêl 36:1

Hơi kon bunuyh, mbơh lor hom ma phung yôk Israel pô aơ: “Hơi phung yôk Israel, iăt hom nau Brah Yêhôva!

Êsêkiêl 6:2

“Hơi kon bunuyh, rle hom muh măt may rlet phung yôk Israel jêh ri mbơh lor tâm rdâng đah khân păng,