Êsêkiêl 19:7 - Nau Brah Ndu Ngơi 2023

⁷ Păng ƀư rlâm pôih nâp khân păng Jêh ri ƀư rai lĕ ƀon toyh khân păng; Bri jêh ri lĕ rngôch mpô mpa gŭ tâm nây jêng rngol da dê, Yor tăng bâr păng rđuh ngrông khân păng.

Êsêkiêl 19:7 ပူးပေါင်းရင်းမြစ်များ

II Phung Hađăch 23:33

Pharaôn Nêkô nhŭp krŭng Y-Jôacha ta ƀon Ribla, tâm n'gor Hamat, gay ma păng mâu dơi ƀư hađăch tâm ƀon Yêrusalem đŏng ôh, jêh ri păng nchâp n'gor Yuđa chê̆ pi pe rbăn kilô prăk jêh ri pe jât kilô mah.

Nau Hôr 19:12

Nau hađăch nuih nâm bu ngrông yau mŭr, Bi nau yô̆ hađăch nâm bu dak ngom klơ gơ̆ nđĭr.

Nau Hôr 28:3

Bunuyh o ach tŭn jot phung rêh ni Nâm bu dak mih ntâng pih kloh lĕ yan kăch roih.

Yêrêmi 22:17

Ƀiălah măt jêh ri nuih n'hâm may Knŏng ŭch sŏk drăp nkhôm ma nau mâu sŏng, Ƀư pling mham nơm mâu geh tih ôh, Ƀư nau tŭn jot jêh ri djơh mhĭk.’”

Êsêkiêl 12:19

May mbơh hom ma ƀon lan tâm n'gor pô aơ: ‘Aơ jêng nau Brah Yêhôva lah ma phung gŭ tâm ƀon Yêrusalem, jêh ri tâm bri Israel: Khân păng sa piăng let khân păng ma nau klach jêh ri nhêt dak tâm nau klach krit, yorlah bri aơ geh ndơ sông sa mra jêng rngot njăp yor nau ƀai lĕ rngôch phung gŭ ta nây.

Êsêkiêl 19:6

Păng hăn nsong ta nklang phung yau mŭr, Jêng du mlâm yau mŭr rah, Nti kăp mpa Jêh ri sa puăch bu.

Êsêkiêl 19:8

Lĕ rngôch bri dak gŭ ăp ntŭk jŭm păng Hao tâm rdâng đah păng, Drăng nhuăl ta klơ păng; Bu nhŭp păng tâm trôm ntu.

Êsêkiêl 22:25

Phung kôranh mbơh lor păng njêng nchră ta nklang păng nâm bu du mlâm yau mŭr gŭ ngrông dôl grang hêk mpa păng kăp; khân păng sa rvăn lĕ huêng, sŏk ntŭng drăp ndơ jêh ri ndơ khlay; ƀư ăn phung ndrô ntop âk tâm ƀon.

Êsêkiêl 30:12

Gâp mra ƀư suăt lơi dak krong Nil, Jêh ri tăch lơi bri dak nây tâm ti phung djơh. Gâp mra ăn ti phung bu năch Ƀư rai bri dak nây jêh ri nđâp ma lĕ rngôch ntil ndơ tâm nây. Gâp jêng Brah Yêhôva hŏ lah jêh.’

Êsêkiêl 34:4

Khân may mâu ƀư ôh ma phung kon biăp kuet rôi ăn dơi jêng ktang, mâu ŭch săm ăn bah phung ji, mâu ŭch put ôh ma dak si phung sôt rmanh; mâu ŭch njŭn sĭt ôh phung tă bu mprơh du plơ̆ sĭt, mâu ŭch joi ôh phung lĕ nhhơt roh, ƀiălah khân may ƀư nau janh ƀai, nchâp nđâl chiă uănh khân păng.

Êsêkiêl 45:8

Kô̆ neh nây mra jêng drăp ndơn hađăch bri Israel. Phung hađăch Gâp mâu mra tŭn jot phung ƀon lan Gâp đŏng ôh, ƀiălah mra tâm pă kô̆ neh hôm e ăn lĕ mpôl băl Israel.

Amôt 6:8

Kôranh Brah Yêhôva jêng Brah Ndu ma phung tahan; Kôranh Brah Yêhôva sơm ton Păng Nơm lah pô aơ, “Gâp tâm rmot ma phung Yakôb sưr jêh ri tâm rmot ma ngih nâp păng. Gâp mra jao ƀon toyh aơ jêh ri lĕ rngôch ndơ tâm păng ma phung rlăng.”

Mika 1:2

Hơi lĕ rngôch phung ƀon lan, iăt hom! Hơi neh ntu jêh ri lĕ rngôch ndô ndơ ta klơ neh, rkêng tôr iăt hom! Kôranh Brah Yêhôva tă bơh ngih kloh ueh Păng, Dăn Kôranh Brah mbơh nau tâm rdâng đah khân may!