Êsêkiêl 19:12 - Nau Brah Ndu Ngơi 2023

¹² Ƀiălah bu rôk lơi jêh yor nau ji nuih Jêh ri bu mƀăr tâm neh. Sial tă bơh lŭ nar ƀư kro jêh păng, Play păng rŭng ƀhiau. Đơ n'gĭng dŭt toyh păng lĕ kro jêh; Ŭnh sa lơi lĕ rngôch păng!

Êsêkiêl 19:12 ပူးပေါင်းရင်းမြစ်များ

II Phung Hađăch 23:29

Tâm rnôk rô̆ Y-Jôsia, Pharaôn Nêkô, hađăch Êjipt, hăn hao lơh hađăch Asiri ta bơh dak krong Ơphrat. Hađăch Jôsia leo phung tahan păng hăn tâm lơh. Ƀiălah Pharaôn Nêkô lĕ saơ jêh Y-Jôsia, nkhĭt ro păng ta ƀon Mêgidô.

II Phung Hađăch 23:34

Pharaôn Nêkô njêng Y-Êliakim, du huê kon Y-Jôsia, gŭ ta sưng hađăch chiă uănh thoi ntrok mbơ̆ păng; Pharaôn rgâl amoh Y-Êliakim jêng Y-Jêhôjakim. Ƀiălah bu nhŭp Y-Jôacha djôt leo sĭt ma n'gor bri Êjipt jêh ri păng khĭt ta nây.

II Phung Hađăch 24:6

Y-Jêhôjakim khĭt hăn ndrel ma phung chô yau păng nơm; kon păng jêng Y-Jêhôjakin chiă uănh thoi ntrok păng.

Nau Mprơ Ơm 52:5

Brah Ndu mra ƀư rai may n'ho ro. Păng mra nhŭp may jêh ri klŭp may ngai bơh ngih bok may; Păng mra rôk may bơh neh may gŭ rêh. (Sêla)

Nau Mprơ Ơm 80:16

Tơm play krăk ƀâu nây ŭnh sa jêh ri bu koh; Yorlah nau muh măt May nduyh lah, khân păng mra rai yot.

Êsai 27:11

Lah n'gĭng păng kro jêh ri bu nkê̆ch pă, Phung bu ur sŏk gay ƀư long sŭnh ŭnh. Yorlah phung ƀon lan aơ mâu ŭch gĭt rbăng ôh, Yor nây Nơm njêng khân păng mâu yô̆ nđach ma khân păng ôh, Nơm njêng khân păng mâu ăn nau ueh ôh.

Êsai 27:8

May tâm rmal jêh khân păng tâm nau veh keh Ma nau nsot khân păng; May dŏng phŭt chuănh đô̆ ktang rdu khân păng Tâm nar geh sial bơh luh nar.

Yêrêmi 22:30

Brah Yêhôva lah pô aơ: “Nchih dơn hom bunuyh aơ jêng nâm bu nơm mâu geh kon, Du huê bunuyh lĕ nau rêh mâu geh nau jêng; Yorlah noi deh păng mâu geh du huê geh nau jêng, Dơi gŭ ta sưng hađăch Đavit Jêh ri chiă uănh tâm n'gor Yuđa đŏng ôh!”

Yêrêmi 31:28

Nâm bu Gâp uănh njrăng jêh ma khân păng gay rôk tơm, ƀư rlâm, nklơ̆ rlă, ƀư rai jêh ri ăn tât nau mhĭk tâm ban lĕ, pôri Gâp mra gak uănh khân păng gay ndâk njêng jêh ri brôi tăm nâm bu pônây lĕ,” Brah Yêhôva lah pônây.

Nau Nhĭm Vơl 2:1

Hơi, mâm dĭng Kôranh Brah hao ji nuih Nkŭm tŭk krăk klơ ta kon bu ur Siôn? Păng hŏ klŭp tă bơh trôk prêh jŭr tât ta neh Nau chrêk rmah Israel; Tâm nar ji nuih, Păng mâu hôm kah gĭt ôh ma rnơl chrong jâng Păng.

Êsêkiêl 15:2

“Hơi kon bunuyh, mâm rtau tơm krăk ƀâu tâm rđĭl đah tơm si êng geh nau ueh rlau lơn lĕ? Jêh ri n'gĭng rtau tơm krăk ƀâu tâm rđĭl đah tơm si tâm krŏng geh nau rlau lĕ?

Êsêkiêl 15:4

Mâu, bu mƀăr păng tâm ŭnh gay ƀư long, jêh ri tơlah ŭnh sa tă bơh bar đah ding chiông jêh ri ta nklang ăt ŭnh sa pôri păng hôm dơi dŏng ma du ntil ndơ lĕ?

Êsêkiêl 17:10

Ri tơlah păng dơi tăm, păng geh nau chăt nse lĕ? Tơlah sial puh tât ta păng, păng mâu kro lĕ rngôch lĕ? Di yơh, păng mra kro ro păng prêh jêh ta klơ mbon neh.’”

Êsêkiêl 19:11

Lĕ n'gĭng păng nâp ngăn, Tât jêng mâng jra ma kôranh chiă uănh. Tơm păng prêh ngăn Ta nklang tơm si pŭm. Ăp nơm saơ păng da dê, Yorlah tơm prêh, n'gĭng n'ha âk.

Êsêkiêl 28:17

Nuih n'hâm may sưr rlau yor nau ueh may, Jêh ri yor nau chrêk rmah may ƀư ăn djơh nau blau mĭn may nơm. Gâp nklơ̆ may tâm neh, Dơm may panăp măt phung hađăch, Ƀư nau pâl ăn khân păng uănh.

Ndrom Samƀŭt bơh Ôsê 13:15

Nđâp tơlah Êphraim geh bĭk rơ̆ ta nklang oh nâu păng Pôri du chiông sial tă nhâp nar mra khôm tât, Nây jêng sial Brah Yêhôva khôm tă bơh bri rdah, Ƀư suăt lĕ tu dak jêh ri ƀư sơh lĕ n'hor dak. Chiông sial nây mra sŏk ntŭng jay bun drăp prăp ăp ndơ khlay.

Yônais 4:8

Tơlah luh nar, Brah Ndu rơm ăn sial duh khôm tă mpeh luh nar jêh ri nar jŭr nđat ta klơ bôk Y-Yôna kŏ tât păng huơi jêh ri păng dăn dơi khĭt jêh ri lah pô aơ: “Bi ma gâp, khĭt ueh lơn đah hôm rêh!”

Mathay 3:10

Du mlâm sung hŏ dơm jêh ta reh tơm si, si mâu geh play ueh bu mra kăl lơi jêh ri klŭp mƀăr tâm ŭnh.

Yôhan 15:6

Lah mbu nơm mâu gŭ tâm Gâp, bu klŭp padih tâm ban ma n'gĭng krăk ƀâu jêh ri kro, bu dônh mƀăr tâm ŭnh, ăn ŭnh sa păng.

Nau Vay Nkah Tay 29:28

Tâm nau ji nuih, krit mbât jêh ri nau ji nuih lĕ dŭt n'hâm Brah Yêhôva hŏ ngluh lơi jêh phung ƀon lan aơ bơh n'gor khân păng jêh ri klŭp mƀăr khân păng tâm n'gor êng, nâm bu nau lĕ geh nar aơ.”

Nau Vay Nkah Tay 32:22

Yorlah ŭnh nau ji nuih lĕ hit jêh tâm Gâp, Ŭnh nây sa kŏ tât ta mbon ƀon phung khĭt, Ŭnh sa neh jêh ri play do, Ŭnh sa kŏ tât ta mbon phung yôk.