Êsêkiêl 18:8 - Nau Brah Ndu Ngơi 2023

⁸ mâu ăn bu manh prăk gay sa kao, mâu lah n'hao prăk sa kao ôh; rhuăt ti mâu ƀư nau djơh mhĭk ôh, ƀư nau di nơm aơ đah nơm ri;

Êsêkiêl 18:8 ပူးပေါင်းရင်းမြစ်များ

II Samuel 22:24

Gâp mâu geh nau bu nduyh ôh tanăp Păng, Jêh ri gâp njrăng mât êng săk nơm bơh nau mhĭk.

Nêhêmi 5:15

Ƀiălah phung kôranh chiă uănh hŏ tât lor ma gâp, phung nây hŏ bun kan jâk jêr klơ phung ƀon lan, kêh ăn ndơ sông sa jêh ri ndrănh êng pa meng n'gul kilô prăk. Phung oh mon khân păng tŭn jot ma phung ƀon lan đŏng. Ƀiălah gâp mâu ƀư pônây ôh, yorlah klach yơk ma Brah Ndu.

Nau Mprơ Ơm 15:5

Păng mâu ăn chan prăk sŏk kao, Mâu lĕ sŏk dơn ndơ blŏl gay ƀư mhĭk bunuyh mâu geh nau tih. Mbu nơm ƀư pônây Mâu mra mâp nau mpât n'gơ ôh.

Nau Ngluh Êjipt 22:25

Tơlah khân may ăn phung o ach tâm phung ƀon lan Gâp manh prăk, lơi ƀư ôh ma khân păng nâm bu nơm tơm geh rnon, jêh ri khân may mâu đŏng dơi sa kao ma khân păng.

Nau Hôr 28:8

Mbu nơm ăn bu manh sa kao jâk ƀiălah drăp ndơ păng gay n'hao ntop âk, Jêng prăp bun ndơ nây ăn ma bunuyh geh nuih n'hâm yô̆ nđach ma phung o ach.

Êsai 1:17

Nti hom ƀư nau ueh, Tĭng joi nau di, Kơl an bunuyh bu tŭn jot, Phat dôih nau di ma kon đơi, Ngơi n'gang nau rlăch nchră ma bu ur ndrô.”

Êsai 33:15

Nơm nhuat tĭng nau sŏng srăng jêh ri ngơi nau di, Tâm rmot ma nau sa ndơ mâu tâm di, Mât mray ti mâu sŏk dơn drăp blŏl; Nsêt tôr mâu ŭch iăt ôh nau nkhŭt mham, Nhêp măt mâu ŭch uănh ma nau mhĭk ôh.

Yêrêmi 15:10

“Mê̆ ơi, rêh ni ma gâp, yorlah ay hŏ deh jêh gâp, Gay ƀư bunuyh mâp ma nau tâm rlăch jêh ri nau tâm rlăch nchră lam n'gor. Gâp mâu ăn bu manh ôh, mâu lĕ manh ndơ bu Ƀiălah lĕ rngôch bunuyh rak rtăp gâp.”

Êsêkiêl 11:12

Rnôk nây, khân may mra gĭt Gâp jêng Brah Yêhôva, yorlah khân may mâu chuat tĭng ndô̆ ôh nau vay Gâp dăp, mâu lĕ ŭch tông ma nau vay ƀư bơh Gâp, ƀiălah ƀư tĭng nkhơng nau vay phung mpôl băl bunuyh gŭ jŭm khân may.’”

Êsêkiêl 18:13

ăn manh gay sa kao jêh ri n'hao prăk sa kao, pôri du huê kon nây mra dơi rêh lĕ? Mâu, păng mâu mra rêh ôh! Yorlah păng ƀư jêh lĕ rngôch nau ƀơ̆; n'hêl nanê̆ păng mra khĭt jêh ri mham păng mra nkhŭt ta klơ păng nơm.

Êsêkiêl 18:17

rhuăt ti mâu ƀư mhĭk ôh ma phung o ach, mâu sa kao mâu lah n'hao prăk sa kao, ƀiălah djôt prăp nau vay ƀư bơh Gâp jêh ri djôt tĭng nau vay dăp Gâp, pôri du huê kon nây mâu mra khĭt ôh yor nau djơh mhĭk mbơ̆ păng, n'hêl nanê̆ păng mra rêh.

Êsêkiêl 22:12

Ta ntŭk may, bu dơn ndơ blŏl gay ƀư pling mham, may sŏk jêh prăk sa kao jêh ri n'hao prăk sa kao, may tŭn jot phung chiau meng gay geh ndơ jêh ri lĕ chuêl jêh Gâp, Kôranh Brah Yêhôva lah pônây.

Kan Lêvi 19:15

Khân may mâu dơi ƀư nau mâu sŏng tâm nau phat dôih; mâu gŭ nding mpeh ma nơm o ach mâu lah yơk phung geh nau kan toyh, ƀiălah phat dôih hom phung chiau meng khân may ma nau sŏng.

Kan Lêvi 19:35

Khân may mâu dơi ƀư kue ôh tâm nôk khân may phat dôih tâm ban đŏng tâm nôk veh njing ndah jong, ndah jâk, mâu lah ndah kơp.

Sakari 8:16

Aơ jêng nau ăn khân may ƀư: Ăp nơm sŏk nau ngơi ngăn ma phung chiau meng păng; ta mpông ƀon khân may, phat dôih hom ăn nanê̆ ngăn, nau di jêh ri nau đăp mpăn;

Sakari 8:19

Brah Yêhôva ma phung tahan lah: “Lĕ nau ât sông sa ta khay puăn, ta khay prăm ta khay pơh, jêh ri khay jât mra jêng nau maak răm, jêh ri lĕ nar rƀŭn bêng ma nau maak ma Yuđa. Yor nây rŏng hom ma nau nanê̆ ngăn jêh ri đăp mpăn.”

Nau Vay Nkah Tay 23:21

Lah khân may ƀư du nau ton ma Yêhôva Brah Ndu khân may, lơi ta khân may ƀư mbrĕ mbrơi yorlah Yêhôva Brah Ndu nanê̆ mra ôp nau nây ta khân may, jêh ri khân may mra geh nau tih.