Êsêkiêl 18:4 - Nau Brah Ndu Ngơi 2023

⁴ Aơ, lĕ rngôch huêng jêng ndơ Gâp; huêng mbơ̆ tâm ban ma huêng kon jêng ndơ Gâp da dê; moh huêng ƀư tih mra khĭt.

Êsêkiêl 18:4 ပူးပေါင်းရင်းမြစ်များ

II Phung Hađăch 14:6

Ƀiălah păng mâu nkhĭt ôh phung kon khân păng; tĭng nâm nau nchih jêh tâm ndrom samƀŭt nau vay Y-Môis; tâm nây, Brah Yêhôva ntăm jêh pô aơ: “Bu mâu mra nkhĭt ôh mbơ̆ yor ma nau tih kon, mâu mra nkhĭt đŏng kon yor ma nau tih mbơ̆, yorlah ăp nơm mra khĭt yor nau tih păng nơm.”

Ndrom Samƀŭt bơh Yôp 21:20

Ăn măt khân păng nơm saơ n'hêl nê̆ nau rai lôch, Jêh ri nhêt nau ji nuih bơh Nơm Geh Lĕ Nau Brah.

Ndrom Samƀŭt bơh Yôp 8:4

Tơlah phung kon sau may ƀư tih đah Păng Pôri Păng jao khân păng tâm nau tâm rmal ma nau tih.

Êsai 42:5

Yêhôva Brah Ndu, Nơm hŏ rhăk njêng jêh ri pơk lĕ ndâr trôk, Nơm hŏ lăk huy neh ntu, ndrel lĕ rngôch mpa luh bơh păng, Nơm ăn n'hâm rêh ma phung ƀon lan tâm klơ neh, Jêh ri ăn nau brah ma phung bunuyh hăn ta nây; Păng lah:

Êsai 57:16

Gâp mâu ndăng mro nau tih, Mâu lĕ mra nuih mro mrăng; Yorlah huêng bunuyh mra hŏt rgănh tanăp Gâp, Jêh ri lĕ huêng rêh phung Gâp rhăk jêng tâm ban lĕ.

Yêrêmi 31:30

Ƀiălah ăp nuyh mra khĭt yor nau tih mhĭk păng nơm; ăp nơm mbu moh sa play krăk ƀâu srat pôri nơm nây mra kĭr sêk.”

Êsêkiêl 18:20

Moh huêng ƀư tih mra khĭt. Kon mâu mra anh nau tih mbơ̆ păng jêh ri mbơ̆ ăt mâu lĕ anh nau tih kon păng. Nau sŏng srăng bunuyh sŏng srăng mra dơi prăp ăn ma bunuyh sŏng srăng; nau ƀai du huê bunuyh ƀai bu mra prăp ăn ma bunuyh ƀai.

Êsêkiêl 18:3

Kôranh Brah Yêhôva lah: ‘Tĭng nâm Gâp gŭ rêh mro mrăng, khân may mâu mra dŏng nau hôr nây tâm bri Israel đŏng ôh.’

Êsêkiêl 18:5

Tơlah mbu nơm rêh sŏng srăng, ƀư tĭng nau sŏng jêh ri nau di,

Êsêkiêl 3:18

Lah Gâp lah ma bunuyh mhĭk: ‘Nanê̆ ngăn may mra khĭt!’ Tơlah may mâu mbơh ôh ma păng, mâu ngơi đah păng, jêh ri mâu buay ôh păng chalơi trong djơh mhĭk gay ma tâm rklaih nau rêh may, pôri nơm djơh mhĭk nây mra khĭt tâm nau tih păng, ƀiălah Gâp mra ăn krêp mham păng ta ti may.

Êsêkiêl 33:8

Tơlah Gâp lah ma bunuyh mhĭk pô aơ: ‘Hơi phung mhĭk, nanê̆ ngăn may mra khĭt!’ Tơlah may mâu mbơh ôh ma bunuyh mhĭk chalơi trong djơh mhĭk păng, pôri bunuyh mhĭk nây mra khĭt tâm nau djơh mhĭk păng, ƀiălah Gâp mra ăn krêp mham păng ta ti may.

Sakari 12:1

Nau ngơi Brah Yêhôva mbơh lor ma phung Israel. Brah Yêhôva jêng Nơm pơk rvang lĕ ndâr trôk, ƀư mbon neh ntu, jêh ri njêng huêng tâm trôm săk bunuyh, Nơm nây lah pô aơ:

Nau Kơp Bunuyh 16:22

Bar hê khân păng chŭn muh măt ta neh jêh ri lah: “Ơ Kôranh Brah jêng Brah Ndu ăn n'hâm ma lĕ rngôch nglay săk! Knŏng geh du huê bunuyh ƀư tih, ƀiălah May ji nuih nđâp ma lĕ rngôch bunuyh tâm rƀŭn lĕ?”

Nau Kơp Bunuyh 27:16

“Ơ Brah Yêhôva jêng Brah Ndu ma phung huêng lĕ rngôch nglay săk! Dăn Kôranh Brah săch du huê bunuyh ma phung tâm rƀŭn

Samƀŭt Pôl Njuăl Ăn Ma Phung Nsing Ta Ƀon Rôm 6:23

Yorlah rnoh nkhôm bơh nau tih jêng nau khĭt, ƀiălah nau Brah Ndu ăn jêng nau rêh n'ho ro tâm Brah Yêsu Krist, Kôranh Brah he.

Galati 3:22

Ƀiălah Nau Brah Ndu Ngơi mbơh da dê lĕ ntil ndơ gŭ tâm dâng nau dơi ktang nau tih, gay ma nau chroh tâm Brah Yêsu Krist, nau ton dơi ăn ma phung chroh.

Nau Vay Nkah Tay 24:16

Bu mâu nkhĭt ôh mê̆ mbơ̆ yor nau tih phung kon, jêh ri bu mâu lĕ dơi nkhĭt phung kon yor nau tih phung mê̆ mbơ̆. Bu mra nkhĭt ăp nơm tĭng nâm nau tih păng nơm.

ហេឞ្រើ 12:9

Rlau lơn ma nĕ, mbơ̆ tâm nglay săk nduyh nkra, he hôm klach yơk, rlau lơn ma Mbơ̆ tâm huêng, mâu di hĕ he mra tông âk tơ̆ lơn gay geh nau rêh?