Êsêkiêl 18:30 - Nau Brah Ndu Ngơi 2023

³⁰ Yor nây, Kôranh Brah Yêhôva lah: ‘Hơi ngih Israel, Gâp mra phat dôih khân may, ăp nơm tĭng nâm kan păng ƀư. Rmal hom jêh ri chalơi lĕ rngôch nau tih khân may! Tâm ban pônây, nau nây mâu mra jêng ndơ chêh prah ăn ma khân may.

Êsêkiêl 18:30 ပူးပေါင်းရင်းမြစ်များ

Êsra 10:11

Pôri aƀaơ, mbơh hom nau tih khân may ma Yêhôva Brah Ndu chô yau khân may, jêh ri ƀư tĭng nâm nau mĭn ŭch Păng: Tâm nkhah hom khân may nơm bơh lĕ ntil mpôl bunuyh gŭ tâm n'gor jêh ri bơh phung ur bu năch.”

Nơm Nti 12:14

Yorlah Brah Ndu mra djôt leo phat dôih lĕ rngôch kan, Ndrel ma lĕ rngôch nau ndâp, nđâp lah ueh mâu lah mhĭk.

Nơm Nti 3:17

Gâp mĭn êng: “Brah Ndu mra phat dôih bunuyh sŏng srăng jêh ri phung djơh mhĭk, yorlah geh năng tâm nal ăn lĕ ntil nau, lĕ rngôch kan.”

Êsai 21:12

Bunuyh tahan gak nsĭt lah: “Ôi tât, măng tât đŏng. Tơlah ŭch ôp, ôp hom; Ƀiălah plơ̆ tay hom, văch hom ta aơ.”

Êsai 59:20

“Nơm Tâm Chuai mra văch ma ƀon Siôn, Văch ma phung tâm ngih Yakôb hŏ chalơi nau tih.” Brah Yêhôva lah kơt nĕ.

Yêrêmi 25:5

Khân păng lah: ‘Plơ̆ sĭt hom, ăn ăp nơm tâm phung khân may chalơi hom tă bơh trong nau mhĭk jêh ri nau păng ƀư tih, jêh nây khân may mra dơi gŭ tâm bri Brah Yêhôva hŏ ăn jêh ma khân may jêh ri phung chô yau khân may bơh rnôk saơm kŏ tât ƀaƀơ n'ho ro.

Yêrêmi 3:22

“Hơi phung kon mâu răp jăp, plơ̆ sĭt hom! Gâp mra ƀư bah nau mâu răp jăp khân may.” Khân may plơ̆ lah: “Aơ, phung hên tât ma May, Yorlah May jêng Yêhôva Brah Ndu hên.

Yêrêmi 35:15

Gâp ƀaƀơ prơh hăn jêh lĕ rngôch phung oh mon Gâp, jêng phung nơm mbơh lor, hăn tât lah ma khân may: “Ăp nơm tâm khân may mra chalơi trong mhĭk jêh ri tâm rgâl nau khân may ƀư. Lơi ta tĭng ôh gay pah kan ma lĕ brah êng, ri mơ khân may mra gŭ tâm bri Gâp hŏ ăn jêh ma khân may jêh ri ma phung chô yau khân may.” Ƀiălah khân may mâu mâp rkêng tôr, jêh ri mâu iăt ôh nau Gâp.

Yêrêmi 7:3

Brah Yêhôva ma phung tahan, Brah Ndu Israel, lah pô aơ: Nkra hom trong jêh ri nau khân may ƀư pôri Gâp mra ăn khân may gŭ tay ntŭk aơ.

Êsêkiêl 14:6

Yor nây, lah hom ma ngih Israel pô aơ: ‘Kôranh Brah Yêhôva lah: Plơ̆ sĭt hom, chalơi rup brah khân may, rle muh măt du tă bơh lĕ nau mhĭk Gâp tâm rmot khân may.

Êsêkiêl 18:21

Ƀiălah tơlah bunuyh ƀai chalơi lĕ rngôch nau tih păng hŏ ƀư jêh, djôt prăp lĕ rngôch nau vay Gâp; tơlah păng ƀư nau sŏng, nau di, păng mra rêh mâu khĭt ôh.

Êsêkiêl 18:29

Ƀiălah ngih Israel lah: ‘Trong Kôranh Brah mâu sŏng ôh.’ Hơi ngih Israel, di lĕ trong Gâp jêng mâu sŏng ôh hĕ? Mâu di trong khân may hĕ jêng mâu sŏng ƀơh?

Êsêkiêl 24:14

Gâp, Brah Yêhôva, hŏ lah jêh nau nây mra geh tât. Gâp mra ƀư, Gâp mâu mra plơ̆ rŭch ôh, mâu yô̆ ôh, mâu tâm rgâl nau mĭn ôh. Bu mra phat dôih may tĭng nâm trong jêh ri kan may pah,’ Kôranh Brah Yêhôva lah pônây.”

Êsêkiêl 33:11

Lah hom ma khân păng pô aơ: ‘Kôranh Brah Yêhôva lah: Tĭng nâm Gâp gŭ rêh mro mrăng, Gâp mâu maak ôh ma nau khĭt nơm mhĭk, ƀiălah maak yor nau păng chalơi trong păng jêh ri dơi rêh. Khân may chalơi hom, chalơi trong djơh mhĭk khân may! Mâm ƀư khân may ŭch khĭt, hơi ngih Israel?’

Êsêkiêl 33:20

Ƀiălah khân may lah pô aơ: ‘Trong Kôranh Brah mâu sŏng ôh!’ Hơi ngih Israel, Gâp mra phat dôih khân may, ăp nơm tĭng nâm kan păng ƀư.”

Êsêkiêl 33:9

Ƀiălah, tơlah may hŏ mbơh jêh ma phung mhĭk chalơi lĕ trong djơh mhĭk păng ƀiălah păng mâu ŭch lơi ôh, păng mra khĭt tâm nau djơh mhĭk păng ƀiălah may hŏ rklaih jêh nau rêh may nơm.

Êsêkiêl 34:20

Yor nây, Kôranh Brah Yêhôva lah: ‘Aơ, Gâp nơm yơh mra phat dôih ndrăng biăp lay jêh ri biăp rgay.

Êsêkiêl 36:19

Gâp hŏ ƀư nchah rai nhhơt jêh khân păng tâm phung ƀon lan jêh ri khân păng lĕ pru pra lam bri dak êng; Gâp hŏ phat dôih khân păng tĭng trong jêh ri kan khân păng pah.

Êsêkiêl 43:9

Aƀaơ ri, ăn khân păng chalơi lĕ nau văng tĭr jêh ri mƀăr săk jăn khĭt khân păng ngai đah Gâp ri mơ Gâp mra gŭ ta nklang khân păng n'ho ro.

Êsêkiêl 7:27

Hađăch mra nhĭm vơl, phung kôranh chiă uănh mra nsoh nau klach, ti phung ƀon lan tâm n'gor bri râm sâr da dê. Gâp mra ƀư ma khân păng tĭng nâm nau khân păng gŭ ngao; Gâp mra phat dôih khân păng tĭng nâm khân păng hŏ ƀư tih. Rnôk nây, khân păng mra gĭt ma Gâp jêng Brah Yêhôva.’”

Êsêkiêl 7:3

Aƀaơ aơ, nau tât nglĕ dŭt ma may. Gâp mra nkhŭt nau Gâp ji nuih ta may; Gâp mra phat dôih may tĭng nâm trong may hăn jêh ri mra tâm rmal may yor lĕ nau ƀơ̆ ƀơch may.

Daniel 9:13

Lĕ rngôch nau mhĭk aơ ăn tât jêh ta klơ hên di nâm bu nchih jêh tâm nau vay Y-Môis. Nđâp tơlah pônây, hên ăt mâu vơl dăn ôh nau yô̆ bơh Yêhôva Brah Ndu hên gay chalơi nau djơh mhĭk jêh ri rle nuih n'hâm ma nau răp jăp May.

Ndrom Samƀŭt bơh Ôsê 12:6

“Păng jêng Yêhôva Brah Ndu ma phung tahan; Amoh Păng jêng Brah Yêhôva.

Sakari 1:4

Lơi ta ƀư nâm bu phung chô yau khân may, phung nơm mbơh lor kăl e hŏ kuăl jêh khân păng, Brah Yêhôva ma phung tahan lah: ‘Chalơi hom trong mhĭk jêh ri nau djơh janh khân may ƀư.’ Ƀiălah khân păng mâu iăt ôh, mâu lĕ ŭch gŭ mĭn ma Gâp. Pôri Brah Yêhôva lah.

Malachi 3:18

Nôk nây, khân may mra plơ̆ sĭt jêh ri saơ nau êng ngăn tâm phung sŏng srăng jêh ri phung djơh mhĭk, tâm phung pah kan ma Brah Ndu jêh ri đah phung mâu pah kan ma Păng.”

Mathay 16:27

Yorlah Kon Bunuyh mra văch tâm nau chrêk rmah Mbơ̆ Păng ndrel ma phung tông mpăr. Nôk nây, Păng mra ăn nau nkhôm ma ăp nơm, tĭng nâm nau kan păng hŏ pah jêh.

Mathay 25:32

Lĕ rngôch ntil mpôl bunuyh mra rgum tanăp Păng; jêh ri Păng mra tâm nkhah khân păng nâm bu bunuyh rmăk biăp tâm nkhah biăp đah be:

Mathay 3:2

“Rmal hom nau tih, yorlah ƀon bri hađăch klơ trôk dăch tât jêh!”

Mathay 3:8

Pôri ăn play hom tâm di jêh ma nau tâm rmal nau tih,

Luka 13:3

Gâp lah ma khân may, mâu di; ƀiălah tơlah khân may mâu tâm rmal nau tih, khân may mra roh rai tâm ban lĕ.

Luka 13:5

Gâp lah ma khân may, mâu di; ƀiălah tơlah khân may mâu rmal nau tih, khân may mra rai roh tâm ban lĕ.”

Kôranh Oh Mon 26:20

ƀiălah lor lơn, gâp mbơh nkoch ma phung bunuyh ta ƀon Đamas, jêh ta nây ta ƀon Yêrusalem jêh ri lĕ n'gor Yuđa, jêh nây tât ma phung bu năch, ăn khân păng rmal nau tih jêh ri plơ̆ sĭt ma Brah Ndu, pah kan tâm di đah nau tâm rmal ma nau tih.

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

Yakơ 1:15

Jêh nôk kơnh păng ntreo jêh, păng deh nau tih; nau tih văch ma toyh, pôri păng njêng nau khĭt.

I Pêtrôs 1:17

Tơlah khân may mbơh Păng jêng Mbơ̆, Nơm mâu chrê du huê jêh ri phat dôih ăp nơm tĭng nâm nau khân păng ƀư, pôri djôt leo hom nuih n'hâm klach yơk gay gŭ rêh tâm rnôk gŭ njưh aơ.

Nau Tâm Mpơl 2:16

Pôri, rmal hom nau tih! Tơlah mâu, Gâp mra văch ma may gơnh, sŏk đao gưm bơh trôm mbung Gâp tâm lơh đah khân păng.’

Nau Tâm Mpơl 2:5

Pôri, kah gĭt tay hom bơh ntŭk may rdja! Rmal hom nau tih jêh ri ƀư tay lĕ kan ntơm saơm. Tơlah mâu rmal nau tih, Gâp mra văch ta may jêh ri sŏk lơi jâng kađen may bơh ntŭk păng.

Nau Tâm Mpơl 20:12

Gâp saơ phung khĭt, toyh jêh ri jê̆, dâk tanăp sưng hađăch nây da dê, jêh ri bu pơk jêh lĕ ndrom samƀŭt. Du ndrom samƀŭt êng jêng ndrom samƀŭt nau rêh bu pơk đŏng. Bu phat dôih phung khĭt tĭng nâm kan khân păng ƀư jêh, tĭng nâm lĕ nau bu nchih jêh tâm ndrom samƀŭt nây.

Nau Tâm Mpơl 22:12

“Aơ, Gâp văch gơnh, jêh ri djôt nau Gâp nkhôm ndrel ma Gâp, gay ăn ma ăp nơm tĭng nâm kan păng ƀư jêh.