Êsêkiêl 18:22 - Nau Brah Ndu Ngơi 2023

²² Mâu geh du ntil nau tih păng hŏ ƀư mra kah gĭt tay gay ma tâm rdâng đah păng. Păng mra rêh yor nau sŏng srăng păng hŏ ƀư jêh.

Êsêkiêl 18:22 ပူးပေါင်းရင်းမြစ်များ

I Phung Hađăch 17:18

Bu ur nây lah ma Y-Êli: “Hơi bunuyh Brah Ndu, moh nau gâp ƀư rsuak ma may? Di lĕ may hŏ văch tât ma ngih gâp gay ŭch nkah tay lĕ nau tih gâp jêh ri ƀư ăn kon bu klâu gâp khĭt?”

II Nau Rêh Jêng 6:23

rnôk nây dăn ma May klơ trôk rkêng tôr iăt jêh ri ƀư an. Dăn phat dôih ma phung oh mon May: mplơ̆ plơng ma bunuyh mhĭk tĭng nâm trong păng jêh ri ƀư ma nau tih păng nkhŭt tay klơ bôk păng nơm, kơp nau sŏng srăng ma bunuyh nơm sŏng srăng jêh ri nkhôm ma păng tĭng nâm nau sŏng srăng păng.

Nau Mprơ Ơm 103:12

Ndah nâm ngai mpeh luh nar đah mpeh nhâp nar, Pôri đŏng Păng sŏk nkhah lơi nau tih he ngai đah he dŭm âk.

Nau Mprơ Ơm 19:11

Lĕ nau nây ntĭm nti ma oh mon Kôranh Brah; Mbu nơm djôt prăp păng mra geh nau nkhôm toyh.

Nau Mprơ Ơm 25:7

Lơi ta kah gĭt lĕ nau tih gâp, dôl hôm ndăm, mâu lah nau tâm rdâng gâp; Ơ Brah Yêhôva, kah gĭt tât ma gâp tĭng nâm nau yô̆ nđach Jêh ri nuih n'hâm ueh May.

Nau Mprơ Ơm 51:1

Ơ Brah Ndu! Dăn yô̆ nđach ma gâp Tĭng nuih n'hâm ueh May; Dăn jut lơi lĕ nau gâp ƀư tih Tĭng nâm nau yô̆ toyh May.

Êsai 43:25

Gâp, Gâp yơh jêng Nơm yor Gâp nơm Jut lơi lĕ nau tih may, Gâp mâu mra kah gĭt ôh ma nau tih may.

Yêrêmi 31:34

Khân păng mâu mra sâm nti ôh ma nơm chiau meng mâu lah oh nâu păng pô aơ: ‘Gĭt năl hom Brah Yêhôva,’ yorlah lĕ rngôch khân păng gĭt năl Gâp da dê, ntơm bơh nơm jê̆ lơn tât ma nơm toyh lơn,” Brah Yêhôva lah: “Yorlah Gâp mra yô̆ an nau djơh mhĭk khân păng jêh ri mâu hôm kah gĭt ma nau tih khân păng đŏng.”

Yêrêmi 50:20

Brah Yêhôva lah: “Tâm nar nây, tâm rnôk nây, bu mra joi nau tih mhĭk tâm phung Israel ƀiălah mâu saơ ôh; bu mra joi nau tih tâm phung Yuđa ƀiălah mâu mra saơ ôh; yorlah Gâp mra yô̆ an nau tih ma phung khân păng hôm e Gâp rong.”

Êsêkiêl 18:24

Ƀiălah tơlah bunuyh sŏng srăng chalơi nau sŏng srăng păng jêh ri ƀư tih, ƀư nau ƀơ̆ ƀơch nâm bu phung ƀai hŏ ƀư, bunuyh nây dơi geh nau rêh lĕ? Mâu, mâu geh du ntil nau sŏng srăng păng hŏ ƀư dơi kah gĭt tay. Yor nau mâu răp jăp jêh ri nau tih păng hŏ ƀư yor nây păng mra khĭt.’

Êsêkiêl 33:16

Mâu geh du ntil nau tih păng hŏ ƀư mra kah gĭt tay gay ma tâm rdâng đah păng; păng hŏ ƀư nau sŏng srăng, nau di, n'hêl nanê̆ păng mra rêh.

Mika 7:19

Păng mra hôm yô̆ nđach ma hên, Jot mpet nau djơh mhĭk he tâm dâng jâng Păng Jêh ri klŭp lơi lĕ rngôch nau tih hên Jŭr tâm dâng săt dak mƀŭt.

Samƀŭt Pôl Njuăl Ăn Ma Phung Nsing Ta Ƀon Rôm 8:1

Pôri aƀaơ aơ, mbu nơm gŭ tâm Brah Yêsu Krist mâu mra hôm geh nau tâm rmal ôh;

ហេឞ្រើ 8:12

Yorlah Gâp mra mpơl nuih n'hâm yô̆ nđach đah nau djơh mhĭk khân păng, Jêh ri Gâp mâu hôm kah gĭt ôh ma nau tih khân păng đŏng.”

I Yôhan 3:7

Hơi phung kon jê̆, lơi ăn bu ndơm khân may ôh. Mbu nơm ƀư nau sŏng srăng jêng nơm sŏng srăng, nâm bu Brah Ndu jêng sŏng srăng.