Êsêkiêl 18:13 - Nau Brah Ndu Ngơi 2023

¹³ ăn manh gay sa kao jêh ri n'hao prăk sa kao, pôri du huê kon nây mra dơi rêh lĕ? Mâu, păng mâu mra rêh ôh! Yorlah păng ƀư jêh lĕ rngôch nau ƀơ̆; n'hêl nanê̆ păng mra khĭt jêh ri mham păng mra nkhŭt ta klơ păng nơm.

Êsêkiêl 18:13 ပူးပေါင်းရင်းမြစ်များ

I Phung Hađăch 2:37

Yorlah ăn may gĭt ta nar may du luh tă bơh ntŭk nây jêh ri rgăn dak n'hor Kidrôn, nanê̆ ngăn may mra khĭt. Mham may mra nkhŭt tay ta klơ bôk may.”

Ndrom Samƀŭt bơh Yôp 34:11

Păng mra nkhôm ăn ma kon bunuyh tĭng nâm nau kan păng hŏ pah, Mra ƀư ăn tât ma ăp nơm tĭng nâm nau khân păng gŭ rêh.

Nau Ngluh Êjipt 22:25

Tơlah khân may ăn phung o ach tâm phung ƀon lan Gâp manh prăk, lơi ƀư ôh ma khân păng nâm bu nơm tơm geh rnon, jêh ri khân may mâu đŏng dơi sa kao ma khân păng.

Êsêkiêl 18:17

rhuăt ti mâu ƀư mhĭk ôh ma phung o ach, mâu sa kao mâu lah n'hao prăk sa kao, ƀiălah djôt prăp nau vay ƀư bơh Gâp jêh ri djôt tĭng nau vay dăp Gâp, pôri du huê kon nây mâu mra khĭt ôh yor nau djơh mhĭk mbơ̆ păng, n'hêl nanê̆ păng mra rêh.

Êsêkiêl 18:24

Ƀiălah tơlah bunuyh sŏng srăng chalơi nau sŏng srăng păng jêh ri ƀư tih, ƀư nau ƀơ̆ ƀơch nâm bu phung ƀai hŏ ƀư, bunuyh nây dơi geh nau rêh lĕ? Mâu, mâu geh du ntil nau sŏng srăng păng hŏ ƀư dơi kah gĭt tay. Yor nau mâu răp jăp jêh ri nau tih păng hŏ ƀư yor nây păng mra khĭt.’

Êsêkiêl 18:28

Yorlah păng gĭt mĭn rvê jêh ri chalơi lĕ rngôch nau tih păng hŏ ƀư jêh n'hêl nanê̆ păng mra rêh, mâu khĭt ôh.

Êsêkiêl 18:32

Kôranh Brah Yêhôva lah: ‘Ngăn yơh, Gâp mâu maak djê̆ lê̆ ôh ma nau khĭt phung mra khĭt. Pôri khân may rmal hom gay ma rêh!’”

Êsêkiêl 18:8

mâu ăn bu manh prăk gay sa kao, mâu lah n'hao prăk sa kao ôh; rhuăt ti mâu ƀư nau djơh mhĭk ôh, ƀư nau di nơm aơ đah nơm ri;

Êsêkiêl 3:18

Lah Gâp lah ma bunuyh mhĭk: ‘Nanê̆ ngăn may mra khĭt!’ Tơlah may mâu mbơh ôh ma păng, mâu ngơi đah păng, jêh ri mâu buay ôh păng chalơi trong djơh mhĭk gay ma tâm rklaih nau rêh may, pôri nơm djơh mhĭk nây mra khĭt tâm nau tih păng, ƀiălah Gâp mra ăn krêp mham păng ta ti may.

Êsêkiêl 33:8

Tơlah Gâp lah ma bunuyh mhĭk pô aơ: ‘Hơi phung mhĭk, nanê̆ ngăn may mra khĭt!’ Tơlah may mâu mbơh ôh ma bunuyh mhĭk chalơi trong djơh mhĭk păng, pôri bunuyh mhĭk nây mra khĭt tâm nau djơh mhĭk păng, ƀiălah Gâp mra ăn krêp mham păng ta ti may.

Kan Lêvi 20:27

Tơlah du huê bu klâu mâu lah du huê bu ur jêng nơm ngơi ndrel đah brah mhĭk mâu lah ƀư n'hŭm pol, bu mra nkhĭt lơi păng; klŭp khân păng ma lŭ jêh ri mham khân păng mra nkhŭt tay ta khân păng nơm.’ ”

Kan Lêvi 20:9

‘Mbu nơm rak rtăp ma mê̆ mbơ̆ păng bu mra nkhĭt lơi păng. Păng hŏ rak rtăp jêh ma mê̆ mbơ̆ păng, mham păng mra nkhŭt tay ta klơ păng nơm.’

Kôranh Oh Mon 18:6

Ƀiălah yorlah khân păng tâm rdâng jêh ri ngơi sưr rlau ma păng, păng rtuh bok ao păng jêh ri lah pô aơ: “Ăn mham khân may tŭp ta bôk khân may nơm! Bi gâp mâu geh nau tih. Ntơm bơh aƀaơ aơ, gâp mra hăn ta phung bu năch.”