Êsêkiêl 18:12 - Nau Brah Ndu Ngơi 2023

¹² tŭn jot phung o ach mâu geh ndô ndơ, ntŭng ndơ bu, mâu mplơ̆ ôh ndơ nchăm ăn ma nơm geh rnon, kâp gân ma phung rup brah jêh ri ƀư ma nau ƀơ̆ ƀơch,

Êsêkiêl 18:12 ပူးပေါင်းရင်းမြစ်များ

II Phung Hađăch 21:11

“Yorlah Y-Manasê, hađăch Yuđa, hŏ ƀư tih jêh lĕ nau dŭt ƀơ̆ ƀơch nây, ƀư nau djơh mhĭk lơn ma lĕ rngôch nau phung Amôrit hŏ ƀư jêh lor ma păng, jêh ri tâm ban lĕ nsŭk nsôr jêh phung Yuđa ƀư tih mbah rup brah,

II Phung Hađăch 23:13

Hađăch ƀư ƀơ̆ lĕ ntŭk prêh klơ mpeh luh nar ƀon Yêrusalem, mpeh rđŭng ma yôk Ôm-Rai, jêng lĕ ntŭk prêh Y-Salômôn, hađăch Israel ndâk jêh gay nhhơr mbah ma brah Astarôt, rup brah dŭt ƀơ̆ ƀơch phung ƀon lan Sidôn; Chêmôs, rup brah dŭt ƀơ̆ ƀơch phung ƀon lan Môap; jêh ri Milkôm, rup brah dŭt ƀơ̆ ƀơch phung ƀon lan Ammôn.

Êsai 3:14

Brah Yêhôva mra phat dôih Phung kôranh bu ranh phung ƀon lan Păng jêh ri phung kôranh chiă uănh khân păng: “Khân may nơm jêng phung sa rvăn đang krăk ƀâu, Drăp ndơ ntŭng bơh phung o ach dôl gŭ tâm ngih khân may!

Yêrêmi 22:17

Ƀiălah măt jêh ri nuih n'hâm may Knŏng ŭch sŏk drăp nkhôm ma nau mâu sŏng, Ƀư pling mham nơm mâu geh tih ôh, Ƀư nau tŭn jot jêh ri djơh mhĭk.’”

Yêrêmi 22:3

Brah Yêhôva lah: ‘Ƀư hom nau sŏng jêh ri nau di, rklaih bunuyh bu tŭn jot bơh ti nơm mhĭk. Mâu ƀư nau tih mâu lah nau ƀai ôh ma phung bu năch, ma lĕ phung kon đơi ma phung bu ur ndrô. Lơi ƀư pling mham ma nơm mâu geh nau tih ta ntŭk aơ.

Êsêkiêl 16:49

Aơ jêng nau djơh mhĭk oh bu ur ay jêng ƀon Sôdôm: Păng jêh ri phung kon bu ur păng geh nau sưr, ndơ sông sa rlau keh, jêh ri kơr ƀlao, ƀiălah păng mâu kơl ôh phung o ach jêh ri phung mâu geh ndô ndơ.

Êsêkiêl 18:16

mâu tŭn jot bu, mâu sŏk ndơ nchăm phung geh rnon, mâu lĕ ntŭng ndơ bu, ƀiălah ăn piăng let ma phung ji ngot jêh ri sâm nsoh bok ao ma nơm rhôk;

Êsêkiêl 33:25

Yor ri, lah hom ma khân păng pô aơ: ‘Kôranh Brah Yêhôva lah: Khân may sa mham mpô mpa, muh măt n'gơr rlet mpeh ma rup brah khân may jêh ri ƀư nkhŭt mham, khân may mra dơi sŏk dơn bri neh aơ lĕ?

Êsêkiêl 7:23

Ndrăp hom rse rvăk! Yorlah neh bêng ma nau ƀư pling mham jêh ri ƀon bêng ma nau tih mhĭk.

Êsêkiêl 8:17

Păng lah ma gâp: “Hơi kon bunuyh, may saơ lĕ? Ngih Yuđa hŏ ƀư tih lĕ nau ƀơ̆ kơt nây khân păng ƀư tih kơp jêng du ntil nau jê̆ lê̆ lĕ? Khân păng ƀư nau djơh mhĭk bêng bri neh jêh ri nsônh nuih Gâp ji nuih đŏng lĕ bơh. Ri, khân păng sŏk n'gĭng tơm si ăn dăch trôm muh khân păng!

Êsêkiêl 8:6

Păng lah đŏng ma gâp, “Hơi kon bunuyh, may saơ lĕ nau khân păng dôl ƀư, nây jêng lĕ nau ƀơ̆ ngăn ma ngih Israel hŏ ƀư tih ta aơ ƀư ăn ma Gâp ngai bơh ntŭk kloh ueh Gâp bơh? Ƀiălah may mra hôm saơ lĕ nau mhĭk toyh lơn đŏng!”

Ndrom Samƀŭt bơh Ôsê 12:7

Pôri may plơ̆ sĭt hom ma Brah Ndu may; Prăp nuih n'hâm ueh jêh ri nau sŏng, Jêh ri gŭ kâp gân mro mrăng ma Brah Ndu may.”

Kan Lêvi 18:22

Lơi bê̆ch ndrel đah du huê bu klâu tâm ban ma du huê bu ur; nau nây jêng du nau dŭt ƀơ̆ ƀơch ngăn.

Amôt 4:1

Hơi phung ndrôk me phung Basan, gŭ ta klơ yôk Samari, Iăt hom! Khân may tŭn jot phung o ach jêh ri jot plên phung mâu geh mâu jêng, Jêh ri lah ma sai khân păng pô aơ: “Djôt hom ndơ nhêt tât ta aơ!”

Sakari 7:10

Lơi tŭn jot ôh phung kon đơi, bu ur ndrô, nơm gŭ njưh tâm n'gor, mâu lah nơm o ach. Lơi ta mĭn tâm nuih n'hâm ŭch ƀư nau mhĭk ma oh nâu nơm.’

Yakơ 2:6

Ƀiălah khân may mưch rmot ma phung o ach. Mâu di phung ndrŏng hĕ tŭn jot khân may, têk khân may văch tanăp ntŭk ngih phat dôih?