Êsêkiêl 17:9 - Nau Brah Ndu Ngơi 2023

⁹ Lah hom ma khân păng: ‘Kôranh Brah Yêhôva lah: Tơm krăk ƀâu chăt hao ueh lĕ? Klang nây mâu hĕ păng rôk lơi reh, grăch lơi play jêh ri ƀư kro lĕ ƀhiau n'ha nse păng mhe chăt lĕ? Mâu ŭch ôh geh nting tur dăng ktang, mâu lah âk bunuyh ri mơ ƀư rôk reh păng.

Êsêkiêl 17:9 ပူးပေါင်းရင်းမြစ်များ

II Nau Rêh Jêng 13:12

Aơ, Brah Ndu gŭ ndrel ma hên jêh ri chiă uănh ma hên. Phung kôranh ƀư brah Păng djôt nŭng ntrŭt tahan uh huy tâm rdâng đah khân may. Ơ phung Israel! Lơi ta tâm rdâng ôh đah Yêhôva Brah Ndu phung chô yau khân may, yorlah khân may mâu mra dơi ôh!”

II Nau Rêh Jêng 20:20

Ôi taơ, khân păng kah rngăl ơm ôi jêh ri luh hăn tâm bri rdah Têkôa. Dôl khân păng luh du, Y-Jôsaphat gŭ dâk jêh ri lah: “Ơ phung Yuđa jêh ri phung gŭ tâm ƀon Yêrusalem, iăt hom gâp! Rnơm nsing hom ma Yêhôva Brah Ndu khân may, jêh ri khân may mra dơi nâp; iăt hom phung nơm mbơh lor Păng, jêh ri khân may mra dơi jêng.”

Yêrêmi 32:5

Y-Sêdêkia bu mra leo nsĭt rlet Babilôn păng mra gŭ ta nây kŏ tât Gâp chop khâl păng; nđâp lah khân may tâm rdâng đah phung Kaldê mâu mra dơi ôh.’ Brah Yêhôva lah pônây?”

Yêrêmi 37:10

Nđâp lah phung khân may dơi lơh lĕ rngôch phung tahan Kaldê lah khân păng tâm lơh đah khân may kŏ tât tâm ngih bok khân păng knŏng hôm e phung sôt rmanh, pôri ăp nơm ăt dâk su ƀon aơ ma ŭnh.”

Êsêkiêl 17:10

Ri tơlah păng dơi tăm, păng geh nau chăt nse lĕ? Tơlah sial puh tât ta păng, păng mâu kro lĕ rngôch lĕ? Di yơh, păng mra kro ro păng prêh jêh ta klơ mbon neh.’”

Êsêkiêl 17:8

Tơm krăk ƀâu dơi tăm tâm neh ueh dăch ntŭk âk dak gay ma gơnh geh n'gĭng âk play, jêh ri jêng du tơm krăk ƀâu ueh reh.’

Amôt 2:9

Nđâp tơlah pônây, Gâp nơm yơh hŏ ƀư rai jêh phung Amôrit tanăp măt khân păng, Jêng phung bunuyh prêh nâm bu tơm si sêdar, Jêh ri dăng ktang nâm bu tơm si guyh. Gâp ƀư rai jêh play khân păng ta klơ n'gĭng Jêh ri reh khân păng tâm dâng neh.

Nau Kơp Bunuyh 14:41

Ƀiălah Y-Môis lah: “Mâm khân may rlau nau ntăm Brah Yêhôva? Nau nây mâu mra dơi jêng ôh.