Êsêkiêl 17:4 - Nau Brah Ndu Ngơi 2023

⁴ Păng nkê̆ch n'gĭng nse prêh klơ leo tât ma du n'gor bri tăch rgâl jêh ri dơm tâm du ƀon ma phung tăch drăp.

Êsêkiêl 17:4 ပူးပေါင်းရင်းမြစ်များ

II Phung Hađăch 24:12

Y-Jêhôjakin, hađăch Yuđa, nđâp mê̆ păng, phung oh mon păng, phung kôranh tahan păng, jêh ri phung kôranh bu char, jao săk khân păng nơm ma hađăch Babilôn. Hađăch Babilôn nhŭp Y-Jêhôjakin tâm năm rơh pham bri hađăch Babilôn.

Êsai 43:14

Brah Yêhôva, Nơm Tâm Chuai khân may, Nơm Kloh Ueh Israel lah pô aơ: “Yor khân may, Gâp hŏ njuăl bu hăn lơh Babilôn, Mprơh lĕ rngôch khân păng, jêng phung Kaldê, Tâm ban ma phung nchuăt du, Trŭnh tâm kumpăn khân păng jêng ntŭk khân păng hŏ tă troh nteh huy ngăn.

Êsai 47:15

Lĕ nau khân păng ƀư jâk jêr hŏ jêng kơt aơ; Phung tăch rgâl jêh ndrel ma ay ntơm rnôk mom ndăm Ăp nơm khân păng nsong mblêng tĭng nâm trong tih păng nơm, Mâu dơi geh nơm tâm rklaih ay ôh!

Yêrêmi 24:1

Brah Yêhôva ăn gâp saơ bar mlâm bĭ play rvi dơm panăp ngih Brah Yêhôva. Nau aơ tât geh jêh Nêbukatnetsar, hađăch Babilôn, nhŭp Y-Jêkônia kon bu klâu Y-Jêhôjakim, hađăch Yuđa, ndrel ma phung kôranh bri Yuđa, phung blau rhăk jêh ri phung chiăr luh bơh Yêrusalem, njŭn leo ma bri Babilôn ƀư jêng bu nă.

Yêrêmi 51:13

Hơi ƀon toyh gŭ kêng n'hong dak krong toyh, Geh âk ngih bun drăp ndơ khlay, Nau dăch dŭt may hŏ tât jêh, Mông ăn ma may mâu hôm geh ôh!

Êsêkiêl 17:3

Lah hom pô aơ: ‘Kôranh Brah Yêhôva lah: Geh du mlâm klang lêl, tĭng năr huy, rsau nting năr jong, săk bêng ma rsau âk ntil dak, tât ma n'gor bri Liban jêh ri nkê̆ch chiông tơm si sêdar.

Êsêkiêl 17:5

Jêh nây, păng sŏk ntil bơh bri nây djôt tăm tâm neh ueh, dơm dăch ntŭk âk dak jêh ri tăm nâm bu tơm si yôr.

Êsêkiêl 31:3

Uănh hom bri Asiri: Nar saơm păng tâm ban ma du tơm si sêdar tâm bri Liban, N'gĭng ueh reh, n'hâm nâm bu si krŏng, Tơm toyh prêh Jêh ri chiông prêh kŏ ban tŭk.

Nau Tâm Mpơl 18:3

Yorlah lĕ ntil mpôl bunuyh nhêt ndrănh pâl rlưn rlau keh păng mâu jan tĭng nau vay, Phung hađăch ta neh ntu ƀư tih văng tĭr đah păng jêh, Phung tăch rgâl ta neh ntu jêng ndrŏng yor tă bơh nau păng gŭ rêh dŭt mpŭng.”