Êsêkiêl 17:3 - Nau Brah Ndu Ngơi 2023

³ Lah hom pô aơ: ‘Kôranh Brah Yêhôva lah: Geh du mlâm klang lêl, tĭng năr huy, rsau nting năr jong, săk bêng ma rsau âk ntil dak, tât ma n'gor bri Liban jêh ri nkê̆ch chiông tơm si sêdar.

Êsêkiêl 17:3 ပူးပေါင်းရင်းမြစ်များ

Yêrêmi 24:1

Brah Yêhôva ăn gâp saơ bar mlâm bĭ play rvi dơm panăp ngih Brah Yêhôva. Nau aơ tât geh jêh Nêbukatnetsar, hađăch Babilôn, nhŭp Y-Jêkônia kon bu klâu Y-Jêhôjakim, hađăch Yuđa, ndrel ma phung kôranh bri Yuđa, phung blau rhăk jêh ri phung chiăr luh bơh Yêrusalem, njŭn leo ma bri Babilôn ƀư jêng bu nă.

Yêrêmi 4:13

Aơ, păng văch tât nâm bu ndâr tŭk, Ndeh seh păng nâm bu phŭt chuănh đô̆, Seh ndơ tâm lơh păng prăl lơn nâm bu klang ƀŭng. Rêh ni ăn ma hên yorlah phung hên roh rai jêh!

Yêrêmi 48:40

Brah Yêhôva lah: “Aơ, phung rlăng Môap Gâp nter vơl seng nâm bu klang ƀŭng, Lĭ nting năr nkŭm lam bri Môap.

Yêrêmi 49:16

Hơi nơm gŭ tâm trôm nđa lŭ, Dơi gŭ ta klơ n'gơn yôk prêh, May ƀư jêh nau krit toyh, Jêh ri nuih n'hâm sưr may, hŏ ndơm jêh may. Nđâp lah may ƀư rsuăn ta klơ ntŭk prêh nâm bu klang, Gâp mra ƀư may tŭp tă bơh ntŭk nây.” Brah Yêhôva lah pônây.

Nau Nhĭm Vơl 4:19

Phung groi tĭng hên Prăl lơn ma klang ƀŭng tâm trôk ta klơ. Khân păng hăn tĭng hên ta klơ lĕ yôk, Grem kâp hên tâm bri rdah.

Êsêkiêl 17:4

Păng nkê̆ch n'gĭng nse prêh klơ leo tât ma du n'gor bri tăch rgâl jêh ri dơm tâm du ƀon ma phung tăch drăp.

Êsêkiêl 17:7

Ƀiălah geh đŏng du mlâm klang toyh êng, geh nting năr toyh, rsau âk. Jêh ri tơm krăk ƀâu sŏr reh rlet păng nơm jêh ri n'gĭng vơr rlet ma păng gay ma păng dơi djrah dak.

Êsêkiêl 31:3

Uănh hom bri Asiri: Nar saơm păng tâm ban ma du tơm si sêdar tâm bri Liban, N'gĭng ueh reh, n'hâm nâm bu si krŏng, Tơm toyh prêh Jêh ri chiông prêh kŏ ban tŭk.

Daniel 2:38

Păng jao jêh tâm ti may phung kon bunuyh, mpô mpa tâm bri jêh ri sĭm tâm trôk; nđâp lah ta ntŭk khân păng ăt păng ăn may chiă uănh lĕ rngôch. Pônây, May jêng bôk nây ƀư ma mah.

Daniel 4:22

Ơ hađăch, tơm si nây jêng may yơh. Hađăch hŏ jêng toyh ktang jêh ri ndrŏng kuăng; nau dŭt prêh may n'hao tât ta klơ trôk, nau may dơi chiă uănh lăk dĭ tât ta nglĕ dŭt rplay neh.

Daniel 7:4

Mpa bri rơh nguay tâm ban ma yau mŭr ƀiălah geh năr klang ƀŭng. Gâp uănh kŏ tât lĕ năr păng bu nkê̆ch pă, bu pư păng bơh neh jêh ri ăn păng dâk râng ma bar mlâm jâng tâm ban ma bunuyh; bu ăn ma păng nau mĭn bunuyh.

Ndrom Samƀŭt bơh Ôsê 8:1

Ăn hom nŭng ta trôm mbung may gay uh! Phung rlăng nâm bu du mlâm klang jŭr pah ngih Brah Yêhôva; Yorlah khân păng hŏ tâm rdâng đah nau tâm rnglăp Gâp, Ƀư tih đah nau vay Gâp.

Habakuk 1:8

Seh hăn tâm lơh khân păng prăl rlau lơn phung yau brăch, Jêh ri janh ngăn rlau so bri dôl bri măng. Phung tahan ncho seh khân păng nchuăt ngăch ngăn văch tă bơh bri ngai; Khân păng mpăr ngăch nâm bu klang jŭr kăp mpa sa.

Mathay 24:28

Ta ntŭk geh săk jăn khĭt, klang grât rgum ta nây.

Mathay 4:24

Lư n'găr ma Păng lam n'gor Siri. Bu njŭn leo ma Păng lĕ phung bunuyh ji kuet, geh nau ji kuet êng êng, bunuyh brah mhĭk lơh, phung brŭt rluk, phung rvĕn, jêh ri Păng ƀư bah lĕ rngôch.

Nau Vay Nkah Tay 28:49

Brah Yêhôva mra njŭn leo du ndŭl mpôl bơh ntŭk dŭt ngai tât, bơh dŭt bri dŭt neh, tâm ban klang ƀŭng mpăr ngăch ngăn jŭr gay nhŭp khân may, du phung ƀon lan khân may mâu gĭt rbăng ôh nau ngơi khân păng,