Êsêkiêl 17:23 - Nau Brah Ndu Ngơi 2023

²³ Nanê̆, Gâp mra tăm păng ta klơ yôk prêh Israel; păng mra chăt n'gĭng, geh play jêh ri mra jêng du tơm si sêdar ueh reh. Lĕ rngôch phung sĭm mra văch nde tâm dâng păng jêh ri lĕ rngôch ntil geh năr mra nde tâm dâng gui lĕ n'gĭng păng.

Êsêkiêl 17:23 ပူးပေါင်းရင်းမြစ်များ

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

Nau Mprơ Ơm 80:8

Ntơm bơh n'gor Êjipt, May djôt sĭt jêh du mlâm tơm krăk ƀâu; May mprơh phung mpôl băl jêh ri tăm tơm nây.

Nau Mprơ Ueh 5:15

Kôp jâng păng nâm bu kôp meh n'gâng lŭ marbrơ nglang N'gân ta klơ ndơl mah; Nau rom păng jêng nâm bu yôk Liban, Ndrêh ueh nâm bu tơm si sêdar.

Êsai 2:2

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ lĕ gôl yôk, Prêh lơn ma lĕ rngôch yôk. Lĕ rngôch bri dak mra hăn plơ̆ sĭt ta nây,

Êsai 27:6

Tât mông Yakôb mra hon reh, Israel geh rmlom jêh ri dang kao, Jêh ri khân păng mra play bêng klơ neh.

Êsai 49:18

N'gơr hom măt may uănh văr jŭm; Lĕ rngôch khân păng tâm rƀŭn ndrel văch ma may!” Brah Yêhôva lah: “Tĭng nâm Gâp gŭ rêh mro mrăng, May mra văn lĕ rngôch khân păng tâm ban ma ndơ nkrơ̆, Jêh ri may djôt khân păng tâm ban ma nse vân bŭt bu ur nđăp ma sai!

Yêrêmi 31:12

Khân păng mra tât jêh ri mprơ ta klơ ntŭk prêh yôk Siôn; Răm rhơn ma lĕ nau ueh Brah Yêhôva, Ma ba ƀlê, ndrănh mhe, dak ngi, Ma biăp kon jêh ri ndrôk kon; Nuih n'hâm khân păng nâm bu du nkual đang djrah bĕ dak, Mâu hôm rngot hŏt rgănh đŏng ôh.

Êsêkiêl 20:40

Kôranh Brah Yêhôva lah: ‘Yorlah ta klơ yôk kloh Gâp, ta klơ yôk prêh Israel, ta nây lĕ rngôch ngih Israel mra pah kan ma Gâp tâm bri nây. Ta nây, Gâp mra dơn khân păng jêh ri ta nây đŏng Gâp mra kêh ndơ ƀư brah khân may jêh ri lĕ rngôch ndơ nhhơr ma play bôk yan khân may ndrel ma lĕ rngôch ndơ nhhơr kloh ueh.

Êsêkiêl 31:6

Lĕ rngôch phung sĭm tâm trôk Ƀư rsuăn ta n'gĭng păng; Lĕ rngôch ntil mpô mpa bri Deh kon tâm dâng n'gĭng păng, Jêh ri lĕ rngôch bri dak toyh Gŭ tâm dâng n'hâm păng da dê.

Êsêkiêl 36:8

Bi khân may, hơi phung yôk Israel, mra chăt nkeh n'gĭng jêh ri luh play ăn ma phung ƀon lan Israel, yorlah khân păng bơi ma plơ̆ sĭt.

Êsêkiêl 40:2

Tâm lĕ rngôch nau tâm saơ bơh Brah Ndu, gâp saơ Păng leo gâp lăp bri Israel jêh ri dơm gâp ta klơ du gôl yôk prêh ngăn, ta klơ yôk nây, mpeh pa dâng, geh du ntil nau ndâk nkra nâm bu du rplay ƀon.

Daniel 4:8

Kêng nglĕ dŭt geh Y-Daniel, rnha jêng Y-Beltisasar tĭng nâm amoh brah gâp, hăn lăp tanăp gâp. Păng geh huêng brah Brah Ndu kloh ueh gŭ ndrel păng. Gâp nkoch nau mbơi gâp ăn ma păng:

Daniel 4:9

“Ơ, Y-Beltisasar, kôranh toyh ma phung rƀên, gâp gĭt huêng brah Brah Ndu kloh ueh gŭ tâm may jêh ri mâu geh du nau ndâp jêng jêr ir ôh ma may, pôri mbơh hom ma gâp lĕ nau tâm saơ gâp saơ jêh tâm nau mbơi jêh ri nau khlay păng.

Ndrom Samƀŭt bơh Ôsê 14:7

Phung gŭ tâm dâng n'hâm gui păng mra plơ̆ sĭt. Khân păng mra dơi rêh đŏng nâm bu ba. Khân păng mra luh kao nâm bu tơm krăk ƀâu Jêh ri n'hôl ƀâu kah Israel mra nâm bu ndrănh bri Liban.

Ndrom Samƀŭt bơh Ôsê 14:8

Hơi Êphraim, mâm Gâp dơi dơh dăch đah lĕ rup brah? Gâp yơh hŏ mplơ̆ lah jêh ri mra uănh treng păng. Gâp mra jêng nâm bu tơm si chiprơ ndrêh ueh; Tă bơh Gâp yơh may luh kao play âk.”

Mika 4:1

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ yôk prêh lơn, Jêh ri mra dơi n'hao prêh lơn ma lĕ gôl yôk. Lĕ mpôl băl bunuyh mra hăn plơ̆ sĭt ta nây.

Mathay 13:32

Grăp dŭt jê̆ ma lĕ rngôch găr ntil, ƀiălah tơlah păng chăt hon jêh păng jêng dŭt toyh tâm lĕ rngôch tơm trau, nau jêng du mlâm tơm si kŏ tât phung sĭm tâm trôk văch ƀư rsuăn ta n'gĭng păng.”

Markôs 4:32

ƀiălah tơlah bu srih jêh, păng chăt hon, dơi jêng dŭt toyh tâm lĕ ntil tơm trau, n'gĭng n'ha pŭm ngăn kŏ tât sĭm tâm trôk ƀư rsuăn tâm dâng nthan păng.”

Luka 13:19

Ƀon bri hađăch nây nâm bu du găr trau, du huê sŏk gay tăm tâm đang trau, păng hon jêng tơm si toyh, jêh ri phung sĭm trôk ƀư rsuăn ta n'gĭng păng.”

Yôhan 12:24

Nanê̆, Gâp lah ngăn ma khân may: Lah du ntil găr ba ƀlê srih ta neh mâu khĭt, păng hôm e du găr nây lĕ; ƀiălah lah păng khĭt, păng geh play âk ngăn.

Galati 3:28

Ta aơ mâu geh kơp rnglah êng phung Yuđa mâu lah phung Grek ôh, phung dĭk mâu lah phung kon me, phung bu klâu mâu lah phung bu ur ôh, yorlah lĕ rngôch khân may jêng nguay tâm Brah Yêsu Krist.

Kôlôh 3:11

Ta aơ mâu hôm tâm nkhah phung Grek, mâu lah phung Yuđa, bunuyh dơn koh ntâu mâu lah mâu dơn koh ntâu, bunuyh bri, mâu lah phung Syth, bunuyh dĭk bu mâu lah kon me; ƀiălah Brah Krist jêng lĕ rngôch jêh ri tâm lĕ rngôch.

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”