Êsêkiêl 17:22 - Nau Brah Ndu Ngơi 2023

²² Kôranh Brah Yêhôva lah: ‘Gâp nơm mra sŏk chiông tơm si sêdar prêh klơ jêh ri Gâp mra tăm. Ta ntŭk dăch dŭt n'gĭng păng, Gâp mra nkê̆ch lơi du nkeh nse jêh ri Gâp nơm mra tăm păng ta yôk dŭt prêh klơ.

Êsêkiêl 17:22 ပူးပေါင်းရင်းမြစ်များ

Nau Mprơ Ơm 2:6

Păng lah: “Gâp yơh, Gâp hŏ ndâk Hađăch Gâp hŏ săch Ta klơ Siôn, jêng yôk kloh ueh Gâp.”

Nau Mprơ Ơm 72:16

Ăn ba mra rmeh ler tâm neh ntu Jêh ri ta klơ lĕ n'gơn yôk; Ăn kao play păng tâm ban ma tơm si Liban, Bi phung gŭ tâm ƀon toyh mra ndrŏng Nâm bu gơ̆ tâm neh.

Nau Mprơ Ơm 80:15

Jêng tơm krăk ƀâu ti ma May tăm jêh, Jêh ri jêng nkeh May hŏ ăn jêh nau ktang.

Êsai 4:2

Tâm nar nây, nkeh Brah Yêhôva mra jêng ueh jêh ri chrêk rmah; play do tâm bri neh jêng nau hâk răm jêh ri n'hao nuih ma phung Israel hôm klen.

Êsai 53:2

Păng văch ma toyh jêh tanăp Brah Yêhôva tâm ban ma du nkŭr chăt, Tâm ban ma reh luh bơh neh sơh. Păng mâu geh nau ueh ôh mâu lĕ geh nau rnam gay ma he ŭch uănh; Săk jăn Păng mâu geh ueh gay ăn he ŭch rŏng ôh.

Êsêkiêl 20:40

Kôranh Brah Yêhôva lah: ‘Yorlah ta klơ yôk kloh Gâp, ta klơ yôk prêh Israel, ta nây lĕ rngôch ngih Israel mra pah kan ma Gâp tâm bri nây. Ta nây, Gâp mra dơn khân păng jêh ri ta nây đŏng Gâp mra kêh ndơ ƀư brah khân may jêh ri lĕ rngôch ndơ nhhơr ma play bôk yan khân may ndrel ma lĕ rngôch ndơ nhhơr kloh ueh.

Êsêkiêl 34:29

Gâp mra ndâk ma khân păng n'gar play lư amoh, khân păng mâu mra khĭt ji ngot đŏng ôh tâm bri khân păng nơm, jêh ri khân păng mâu mra dơn đŏng ôh nau lĕ bri dak văr jŭm ƀư bêk prêng.

Êsêkiêl 37:22

Gâp mra ƀư ăn ma khân păng jêng nguay bri dak tâm neh nây ta klơ lĕ yôk Israel, jêh ri knŏng du huê hađăch mra chiă uănh khân păng. Khân păng mâu mra jêng bar bri dak jêh ri mâu geh tâm pă jêng bar bri hađăch đŏng ôh.

Êsêkiêl 40:2

Tâm lĕ rngôch nau tâm saơ bơh Brah Ndu, gâp saơ Păng leo gâp lăp bri Israel jêh ri dơm gâp ta klơ du gôl yôk prêh ngăn, ta klơ yôk nây, mpeh pa dâng, geh du ntil nau ndâk nkra nâm bu du rplay ƀon.

Daniel 2:35

Rnôk nây loih, neh uk, kông, prăk jêh ri mah nchah hăch da dê, tâm ban ma lâk ta ntŭk mprah ba yan vai, jêh ri sial khôm rdu mâu hôm saơ têl ôh. Ƀiălah glo lŭ hŏ dong ta rup jêng du rplay yôk toyh, bêng lam neh ntu.

Mika 4:1

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ yôk prêh lơn, Jêh ri mra dơi n'hao prêh lơn ma lĕ gôl yôk. Lĕ mpôl băl bunuyh mra hăn plơ̆ sĭt ta nây.

Sakari 3:8

Hơi Y-Yôsuê, kôranh ƀư brah toyh lơn, may jêh ri nđâp phung mĭt jiăng gŭ panăp măt may, iăt hom! Yorlah lĕ phung aơ jêng nau ntĭt ma nau mra tât pô aơ Gâp mra ăn ma phung oh mon Gâp jêng Nkeh Nse văch mpơl.