Êsêkiêl 17:20 - Nau Brah Ndu Ngơi 2023

²⁰ Gâp mra drăng nhuăl Gâp ta klơ păng, jêh ri păng mra geh văk ta nhuăl Gâp. Gâp mra leo păng rlet ma Babilôn, ta nây, Gâp mra phat dôih păng ma nau tih păng mâu răp jăp đah Gâp.

Êsêkiêl 17:20 ပူးပေါင်းရင်းမြစ်များ

II Samuel 18:9

Nkhêp, phung oh mon Y-Đavit tâm mâp đah Y-Apsalôm ncho du mlâm seh bri nchuăt tâm dâng lĕ n'gĭng si tơm n'ho. Bôk Y-Apsalôm văk ta tơm n'ho yông păng vah vang trôk jêh ri neh, bi seh bri nchuăt na nau.

II Nau Rêh Jêng 33:11

Yor nây, Brah Yêhôva ntrŭt phung kôranh tahan hađăch Asiri tât lơh khân păng, nhŭp chăp Y-Manasê ma rse rvăk kông jêh ri sŏk nklĕ loih nkuăk ta trôm muh têk leo păng ma ƀon Babilôn.

Ndrom Samƀŭt bơh Yôp 10:16

Tơlah gâp n'gơr bôk, May mra nchron gâp nâm bu yau mŭr, Jêh ri ƀư nau khlay ngăn ngên gay ƀư mhĭk tât ma gâp.

Nơm Nti 9:12

Kon bunuyh mâu gĭt nôk găl ma păng nơm. Nâm bu ka geh nhuăl mhĭk ngăn, Nâm bu sĭm geh tâm dăk sân, Kon bunuyh ăt geh dăk sân Nau mhĭk ƀât lât jŭr ma khân păng.

Yêrêmi 2:35

May hôm ngơi: ‘Gâp mâu geh tih, Nau ji nuih Păng du ngai jêh bơh gâp!’ Aơ, yorlah may ngơi: ‘Gâp mâu geh tih.’ Yor ri Gâp mra phat dôih may

Yêrêmi 2:9

Brah Yêhôva lah: “Yor nây, Gâp kât nau tih khân may Jêh ri kât đŏng nau tih lĕ rngôch kon sau khân may.

Yêrêmi 34:21

Ăt Gâp mra jao Y-Sêdêkia hađăch Yuđa, jêh ri phung kôranh hađăch nây tâm ti phung rlăng jêh ri nơm ŭch ƀư mhĭk nau rêh khân păng, nây jêng ma ti phung tahan hađăch Babilôn jêng phung mhe du bơh khân may.’

Yêrêmi 37:17

Jêh nây, Hađăch Sêdêkia prơh hăn njŭn leo Y-Yêrêmi sĭt ma ngih hađăch jêh ri ôp păng ma nau ndâp: “Geh lĕ nau Brah Yêhôva lah?” Y-Yêrêmi plơ̆ lah: “Geh lĕ!” Jêh nây păng lah tay: “Bu mra jao may tâm ti hađăch Babilôn.”

Yêrêmi 50:44

Aơ, nâm bu yau mŭr tă bơh lĕ bri krŏng dak krong Yurdan hăn tât ma ndrêch gơ̆ nse ƀaƀơ; Gâp mra ƀư ăn phung Babilôn ƀât lât nchuăt du jêh ri njêng bunuyh Gâp hŏ săch jêh gay chiă uănh păng. Yorlah mbu moh nâm bu Gâp? Mbu nơm mra dơi ntrŭnh ăn ma Gâp? Mbu rmăk biăp nănh tâm rdâng đah Gâp?”

Nau Nhĭm Vơl 1:13

Tă bơh prêh klơ Păng hŏ ntŭp jêh ŭnh Su nting nđăng gâp. Păng hŏ nthăng nhuăl tâm dâng jâng gâp, Ƀư ăn gâp plơ̆ rŭch. Păng chalơi gâp gŭ êng, Lêt rgănh ăp nar.

Nau Nhĭm Vơl 4:20

Nơm dơn Brah Yêhôva tŏ dak ƀâu kah, nây jêng nau n'hâm nsôr hên, Hŏ geh dăk khân păng jêh; Nây jêng phung hên vay lah: “Nde tâm dâng n'hâm gui săk he mra gŭ rêh ta nklang lĕ bri dak.”

Êsêkiêl 12:13

Gâp mra nthăng jal ta klơ hađăch, jêh ri păng mra geh tâm dăk Gâp. Gâp mra njŭn leo hađăch ma Babilôn jêng bri phung Kaldê. Ƀiălah păng mâu mra saơ bri nây ôh nđâp lah mra khĭt ta nây.

Êsêkiêl 15:8

Gâp mra ƀư ăn ma bri aơ jêng rngol yorlah khân păng hŏ ƀư tih jêh đah Gâp,” Kôranh Brah Yêhôva lah pônây.

Êsêkiêl 17:19

Yor nây, Kôranh Brah Yêhôva lah: ‘Tĭng nâm Gâp gŭ rêh mro mrăng, păng hŏ tâm rmot jêh nau ton Gâp, chalơi nau Gâp tâm rnglăp yor nây Gâp mra nkhŭt lĕ rngôch ta klơ bôk păng.

Êsêkiêl 18:24

Ƀiălah tơlah bunuyh sŏng srăng chalơi nau sŏng srăng păng jêh ri ƀư tih, ƀư nau ƀơ̆ ƀơch nâm bu phung ƀai hŏ ƀư, bunuyh nây dơi geh nau rêh lĕ? Mâu, mâu geh du ntil nau sŏng srăng păng hŏ ƀư dơi kah gĭt tay. Yor nau mâu răp jăp jêh ri nau tih păng hŏ ƀư yor nây păng mra khĭt.’

Êsêkiêl 32:3

Kôranh Brah Yêhôva lah: ‘Gâp mra nthăng jal Gâp ta klơ may, Ndrel du mpôl bunuyh geh âk ntil mpôl bunuyh, Jêh ri khân păng mra đŏt may tâm jal Gâp.

Êsêkiêl 38:22

Gâp mra ƀư nau phat dôih tâm rdâng đah păng ma nau ji tưp jêh ri ma nau pling mham. Gâp mra nkhŭt dak mih toyh, glo dak pler, ŭnh jêh ri lŭ mô ŭnh nkhŭt ta klơ păng, ta klơ phung tahan âk păng jêh ri phung ƀon lan hăn ndrel păng.

Ndrom Samƀŭt bơh Ôsê 2:2

“Phong hom ma mê̆ khân may, Phong hom yorlah păng mâu di ôh jêng ur Gâp, Gâp mâu ôh jêng sai păng! Đă păng mƀăr lơi nau văng tĭr klơ măt păng Jêh ri têl nau văng tĭr ta nklang toh păng.

Ndrom Samƀŭt bơh Ôsê 7:12

Dôl khân păng dâk hăn, Gâp mra nthăng nhuăl ta klơ khân păng; Gâp mra ƀư ma khân păng jŭr tŭp nâm bu sĭm klơ trôk; Gâp mra tâm rmal khân păng Kơt nâm bu nau phung khân păng hŏ tăng.

Mika 6:2

Hơi phung yôk jêh ri lĕ mbon nâp ktang n'ho ro ma neh ntu, Iăt hom nau Brah Yêhôva phong! Yorlah Brah Yêhôva kât nau tih ma phung ƀon lan Păng, Jêh ri Păng mra tâm rlăch đah phung Israel.

Luka 21:35

tâm ban ma lĕ rngôch bunuyh gŭ lam klơ neh ntu.