Êsêkiêl 17:18 - Nau Brah Ndu Ngơi 2023

¹⁸ Ngăn pônây yơh, Sêdêkia tâm rmot ma nau ton, chalơi rlau nau tâm rnglăp. Yorlah păng hŏ sŏk ti ƀư nau tâm rnglăp ƀiălah ăt hôm ƀư lĕ rngôch nau nây yor ri n'hêl nanê̆ păng mâu mra klaih ôh!’

Êsêkiêl 17:18 ပူးပေါင်းရင်းမြစ်များ

II Phung Hađăch 10:15

Tơlah du luh tă bơh ntŭk nây, Y-Jêhu tâm mâp đah Y-Jêhônadap, kon Y-Rêkap, dôl văch chuă vơt ma păng. Y-Jêhu mbah ma Y-Jêhônadap jêh ri ôp: “Nuih n'hâm may jêng răp jăp ma gâp lĕ, nâm bu nuih n'hâm gâp răp jăp ma may?” Y-Jêhônadap plơ̆ lah: “Nanê̆ ngăn.” Y-Jêhu lah: “Tơlah pônây, yơr hom ti may.” Y-Jêhônadap yơr ti, jêh ri Y-Jêhu ăn păng hao klơ ndeh seh ndrel păng.

I Nau Rêh Jêng 29:24

Lĕ rngôch phung kôranh, phung tahan janh ktang, ndrel ma phung kon bu klâu hađăch Đavit đŏng tông bâr hađăch Salômôn da dê.

II Nau Rêh Jêng 30:8

Aƀaơ, lơi ta dăng ko ôh nâm bu phung che khân may; yơr hom ti khân may nơm rle mpeh ma Brah Yêhôva jêh ri lăp hom Ntŭk Kloh Ueh jêng ntŭk ƀư kloh ueh n'ho ro jêh ri pah kan hom ma Yêhôva Brah Ndu khân may, gay ma nau Păng ji nuih dơi du ngai bơh khân may.

Nơm Nti 8:2

Gâp ntĭm djôt prăp hom nau ntrŭnh bơh hađăch ntăm, yorlah Brah Ndu geh sơm ton ma hađăch.

Nau Nhĭm Vơl 5:6

Hên nchŏng ti dăn ma phung Êjipt Jêh ri Asiri, gay geh tŏng ƀănh sa.

Êsêkiêl 17:15

Ƀiălah, hađăch nây hŏ tâm rdâng đah hađăch Babilôn, mprơh nơm hăn mbơh tât ma n'gor bri Êjipt gay ma phung Êjipt ăn seh gay tâm lơh jêh ri du phung tahan âk. Păng mra dơi lĕ? Du huê bunuyh dơi klaih lĕ dôl ƀư pônây? Dơi lĕ păng chalơi rlau nau hŏ tâm rnglăp mâm dơi klaih lĕ?’

Êsêkiêl 17:16

Kôranh Brah Yêhôva lah: ‘Tĭng nâm gâp gŭ rêh mro mrăng, hađăch nây mra khĭt ta bri Babilôn, tâm ntŭk păng hŏ njêng hađăch jêh, yorlah păng tâm rmot nau ton jêh ri chalơi rlau nau tâm rnglăp.

Êsêkiêl 17:19

Yor nây, Kôranh Brah Yêhôva lah: ‘Tĭng nâm Gâp gŭ rêh mro mrăng, păng hŏ tâm rmot jêh nau ton Gâp, chalơi nau Gâp tâm rnglăp yor nây Gâp mra nkhŭt lĕ rngôch ta klơ bôk păng.

Êsêkiêl 21:23

Geh nau Brah Yêhôva lah ma Gâp: