Êsêkiêl 17:12 - Nau Brah Ndu Ngơi 2023

¹² “Lah hom ma ngih tâm rdâng nây pô aơ: ‘Khân may mâu gĭt nau nây mâm nau rblang?’ Đă hom ma khân păng: ‘Ri, hađăch Babilôn tât jêh ta ƀon Yêrusalem, nhŭp hađăch jêh ri lĕ rngôch phung ndrŏng djôt leo ma Babilôn ndrel ma păng.

Êsêkiêl 17:12 ပူးပေါင်းရင်းမြစ်များ

II Phung Hađăch 24:20

Yorlah nau Brah Yêhôva ji nuih tât jêh ta ƀon Yêrusalem jêh ri n'gor Yuđa, kŏ ma tât Păng mprơh khân păng du bơh tanăp măt Păng. Jêh nau nây, Y-Sêdêkia hao tâm rdâng đah hađăch Babilôn.

Nau Ngluh Êjipt 12:26

Lah phung kon sau khân may ôp: ‘Nau rƀŭn aơ mâm jêng?’

Êsai 1:2

Ơ lĕ ndâr trôk gŭ iăt hom, ơ neh ntu rkêng tôr iăt hom! Yorlah Brah Yêhôva lah pô aơ: “Gâp hŏ mât mơh jêh oh kon, ăn khân păng toyh kuăng, Ƀiălah khân păng tâm rdâng jêh đah Gâp.

Êsai 3:2

Păng mra sŏk lơi phung janh ktang jêh ri tahan, Kôranh phat dôih jêh ri nơm mbơh lor, Nơm rƀên jêh ri kôranh bu ranh,

Êsai 39:7

‘Tâm phung kon may, phung bu deh jêh ăn ma may, ƀaƀă bu mra nhŭp djôt leo khân păng mra jêng phung kôranh bu char tâm ngih hađăch Babilôn.’”

Yêrêmi 34:21

Ăt Gâp mra jao Y-Sêdêkia hađăch Yuđa, jêh ri phung kôranh hađăch nây tâm ti phung rlăng jêh ri nơm ŭch ƀư mhĭk nau rêh khân păng, nây jêng ma ti phung tahan hađăch Babilôn jêng phung mhe du bơh khân may.’

Yêrêmi 37:1

Y-Sêdêkia, kon bu klâu Y-Jôsia, nơm Y-Nêbukatnetsar hađăch Babilôn ntăm ƀư jêng hađăch n'gor Yuđa ntrok an ma Y-Jêhôjakin, kon bu klâu Y-Jêhôjakim.

Yêrêmi 52:3

Yorlah nau Brah Yêhôva ji nuih ma lĕ nau mhĭk hŏ geh tât jêh ta ƀon Yêrusalem jêh ri n'gor Yuđa Păng mprơh khân păng du bơh tanăp măt Păng. Y-Sêdêkia hao tâm rdâng đah hađăch Babilôn.

Êsêkiêl 1:2

Ta năng prăm khay nây — jêng năm rơh prăm pakơi bu mprơh Hađăch Jêhôjakin jêng bu nă —

Êsêkiêl 17:11

Rnôk aơ, geh nau Brah Yêhôva lah ma gâp:

Êsêkiêl 17:3

Lah hom pô aơ: ‘Kôranh Brah Yêhôva lah: Geh du mlâm klang lêl, tĭng năr huy, rsau nting năr jong, săk bêng ma rsau âk ntil dak, tât ma n'gor bri Liban jêh ri nkê̆ch chiông tơm si sêdar.

Êsêkiêl 2:8

Ƀiălah hơi kon bunuyh, iăt hom nau Gâp lah ma may. Lơi tâm rdâng ôh nâm bu ngih mơng vay tâm rdâng nây. Hă hom trôm mbung sa ndơ Gâp ăn ma may.”

Êsêkiêl 24:19

Rnôk nây phung ƀon lan lah ma gâp: “May mâu ŭch mbơh ăn ma hên gĭt đơ nau may ƀư aơ geh nau khlay lĕ?”

Êsêkiêl 3:9

Gâp ƀư ndăr kleng may dăng nâm bu lŭ diamôn, dăng lơn ma lŭ ŭnh. Lơi ta klach đah khân păng ôh, ăt mâu lĕ râm nsâr yor muh măt khân păng yorlah khân păng jêng ngih mơng vay tâm rdâng.”

Êsêkiêl 37:18

Tơlah phung ƀon lan may ôp: ‘May mâu mra rblang nau tâm ntĭt aơ ma hên moh lĕ ntil nau nây?’

Mathay 13:51

“Khân may gĭt rbăng lĕ nau aơ?” Phung oh mon lah: “Ơ gĭt rbăng.”

Mathay 16:11

Mâm ƀư khân may mâu gĭt rbăng pô aơ Gâp mâu ŭch ngơi ma piăng let ôh? Njrăng hom ma ndrui phung Pharisi jêh ri phung Sađusê.”

Markôs 4:13

Jêh nây Brah Yêsu lah: “Khân may mâu gĭt rbăng nau hôr aơ? Pôri mâm ƀư dơi gĭt rbăng lĕ rngôch nau hôr êng?”

Luka 9:45

Ƀiălah phung oh mon mâu gĭt rbăng ôh nau ngơi nây. Đah ma khân păng, nau nây hôm nkŭm ndâp ƀư ăn khân păng mâu dơi gĭt rbăng ôh, ƀiălah khân păng klach, mâu nănh ôp Brah Yêsu.

Kôranh Oh Mon 8:30

Y-Philip nchuăt tĭng, păng tăng kôranh Êthiôpi rŏ ndrom samƀŭt nơm mbơh lor Y-Êsai, păng lah pô aơ: “May gĭt rbăng lĕ nau may rŏ nây mâu lah mâu?”

Nau Vay Nkah Tay 6:20

Kăndơ̆ taơ, lah kon sau may ôp: ‘Nâm bu ntĭt lĕ nau ntĭnh, lĕ nau vay dăp jêh ri lĕ nau vay ƀư aơ moh jêng dĭng Yêhôva Brah Ndu ntrŭnh ma mbơ̆ khân may?’

Yôsuê 4:21

Păng lah ma phung ƀon lan Israel: “Du nar kăndơ̆, tơlah phung kon sau khân may ôp ma mbơ̆ khân păng: ‘lĕ rplay lŭ aơ mâm nau bu ntĭt?’

Yôsuê 4:6

gay ma nau aơ dơi jêng du nau tâm mbên tâm nklang khân may. Du nar kăndơ̆, tơlah phung kon sau khân may mra ôp pô aơ: ‘Lĕ rplay lŭ aơ mâm nau bu ntĭt?’