Êsêkiêl 16:8 - Nau Brah Ndu Ngơi 2023

⁸ Tơlah Gâp hăn rgăn jêh ri uănh ma ay, saơ ay lĕ toyh, tât năm gĭt tâm rŏng jêh. Gâp sŏk ao padih nkŭm ta klơ ay gay ma ndâp nau rhôk ay. Di yơh, Gâp lĕ ton jêh ma ay, ƀư tâm rnglăp đah ay jêh ri ay jêng ndơ Gâp jêh,’ Kôranh Brah Yêhôva lah pônây.

Êsêkiêl 16:8 ပူးပေါင်းရင်းမြစ်များ

Nau Ntơm 22:16

jêh ri lah: “Brah Yêhôva lah: ‘Yorlah may hŏ ƀư jêh nau aơ, mâu nhhuach kon may, nđâp lah knŏng du huê kon nây dơm, rĭ dĭng Gâp sơm ton đah Gâp nơm pô aơ,

Nau Ngluh Êjipt 15:16

Nau klach jêh ri nau krit tât ma khân păng; Ơ Brah Yêhôva! Yor ti nau brah May, Khân păng jêng mlo nâm bu lŭ, kŏ tât phung ƀon lan May rgăn jêh; Kŏ tât phung ƀon lan May sâm chuai rgăn lăn jêh.

Nau Ngluh Êjipt 32:13

Dăn Kôranh Brah kah gĭt tay ma Y-Abraham, Y-Isăk jêh ri Y-Israel, jêng phung oh mon May, May hŏ sŏk amoh May nơm jêh ri ton jêh đah khân păng pô aơ: ‘Gâp mra ƀư ma noi deh khân may âk tâm ban bu mănh tâm trôk. Gâp mra ăn ma noi deh khân may lĕ n'gor aơ, jêng n'gor Gâp hŏ ngơi jêh ma khân may, jêh ri khân păng mra ndơn n'gor nây n'ho ro.’”

Êsai 43:1

Aƀaơ Brah Yêhôva lah: Ơ phung Yakôb! Nơm hŏ rhăk njêng jêh khân may, Ơ phung Israel! Nơm hŏ rhăk njêng khân may, lah: “Lơi klach ôh, yorlah Gâp hŏ chuai jêh may. Gâp hŏ kuăl jêh amoh may jêh ri may jêng ndơ Gâp.

Êsai 43:4

Yorlah Gâp uănh may jêng khlay jêh ri geh nau yơk. Gâp yơh hŏ rŏng ma may, Rĭ dĭng Gâp mra ăn nơm ntrok ma may, Jêh ri ăn lĕ ntil mpôl bunuyh ntrok nau rêh may.

Yêrêmi 31:3

Ntơm bơh ngai Brah Yêhôva hŏ tâm mpơl jêh ma gâp jêh ri lah: “Gâp hŏ rŏng jêh ma may ma nau rŏng n'ho ro Yor nây sŏk nuih n'hâm ueh n'hoch tât ma may.

Yêrêmi 31:32

Nau tâm rnglăp aơ mâu di nâm bu nau tâm rnglăp Gâp ƀư jêh đah phung chô yau khân păng tâm nar Gâp kuăn ti têk njŭn khân păng du luh tă bơh n'gor Êjipt, nau tâm rnglăp khân păng hŏ ƀư rai lơi jêh, nđâp lah Gâp jêng Sai khân păng,” Brah Yêhôva lah pônây.

Êsêkiêl 16:6

Tơlah Gâp hăn rgăn, saơ ay mpât pung tâm mham ay nơm. Gâp lah ma ay pô aơ: “Nđâp tơlah gŭ ta nklang mham, ay rêh hom!” Nanê̆ ngăn, Gâp lah ma ay: “Nđâp tơlah gŭ ta nklang mham ay rêh hom!”

Ndrom Samƀŭt bơh Ôsê 11:1

“Dôl Israel hôm kon se jê̆ Gâp hŏ rŏng jêh păng; Gâp ntơ kon bu klâu Gâp luh tă bơh n'gor bri Êjipt.

Ndrom Samƀŭt bơh Ôsê 2:15

Tă bơh ntŭk nây, Gâp mra ăn ma păng đang krăk ƀâu, Njêng rlŭng Akôr mra jêng mpông nau kâp gân. Ta nây, păng mra plơ̆ lah nâm bu tâm nar mom ndăm, Nâm bu tâm nar păng luh tă bơh n'gor bri Êjipt.”

Ndrom Samƀŭt bơh Ôsê 2:7

Păng mra hăn tĭng phung rŏng păng ƀiălah mâu ban, Joi ƀiălah mâu mâp khân păng. Rnôk nây, păng lah êng: ‘Gâp mra plơ̆ sĭt ma sai saơm, Yorlah nôk nây gâp jêng ueh lơn ma aƀaơ aơ.’

Malachi 1:2

Brah Yêhôva lah: “Gâp rŏng jêh ma khân may,” ƀiălah khân may lah pô aơ: “Hŏ geh Kôranh Brah rŏng ma hên?” Brah Yêhôva lah: “Mâu di Y-Êsau jêng nâu Y-Yakôb?

Samƀŭt Pôl Njuăl Ăn Ma Phung Nsing Ta Ƀon Rôm 5:8

Ƀiălah Brah Ndu tâm mpơl nau Păng rŏng ma he, dôl he hôm jêng bunuyh tih, Brah Krist khĭt ntrok an ma he.

Nau Vay Nkah Tay 4:31

Yorlah Yêhôva Brah Ndu khân may jêng Brah Ndu bêng ma nau yô̆ nđach; Păng mâu mra chalơi khân may, mâu ƀư rai khân may, mâu đŏng chuêl nau tâm rnglăp Păng hŏ ton ma phung chô yau khân may.”

Bu ur Rut 3:9

Y-Bôas ôp: “Mbu ay?” Păng plơ̆ lah: “Gâp jêng H'Rut, oh mon bu ur may. Dăn ma may ntâk phôi ta klơ oh mon bu ur may yorlah may geh nau dơi chuai drăp ndơn gâp.”

I Samuel 12:22

Brah Yêhôva mâu mra chalơi ôh phung ƀon lan Păng, yor amoh toyh Păng, jêh ri yorlah Brah Yêhôva hŏ maak nuih n'hâm ăn ma khân may njêng du phung ƀon lan ma Păng nơm.