Êsêkiêl 16:6 - Nau Brah Ndu Ngơi 2023

⁶ Tơlah Gâp hăn rgăn, saơ ay mpât pung tâm mham ay nơm. Gâp lah ma ay pô aơ: “Nđâp tơlah gŭ ta nklang mham, ay rêh hom!” Nanê̆ ngăn, Gâp lah ma ay: “Nđâp tơlah gŭ ta nklang mham ay rêh hom!”

Êsêkiêl 16:6 ပူးပေါင်းရင်းမြစ်များ

Êsai 14:19

Ƀiălah bu mƀăr may padih môch, Tâm ban ma n'gĭng nse ƀơ̆ ƀơch, Tâm ban ma ao phung bu nkhĭt, ntâp ma đao, Bu nklơ̆ tŭp ta lĕ glo lŭ tâm dâng ntu, Tâm ban ma du săk jăn khĭt bu jot plên tâm dâng jâng!

Êsai 51:23

Gâp mra dơm păng tâm ti phung ƀư rêh ni may, Jêng phung lah jêh ma may pô aơ: ‘Lâng bê̆ch hom gay ma hên dơi rgăn!’ Jêh ri ndŭr kơi may jêng tâm ban ma mbon neh, Tâm ban ma trong bu rgăn.”

Êsêkiêl 16:22

Tâm lĕ nau ƀơ̆ jêh ri nau văng tĭr nây, ay mâu kah gĭt ôh ma rnôk ay hôm jê̆, dôl ay gŭ rhôk, pung tâm mham ay nơm.’

Êsêkiêl 16:5

Mâu geh ôh nơm uănh ma ay gay ŭch ƀư du ntil tâm lĕ nau kan nây ăn ay yor nuih n'hâm yô̆ ma ay, ƀiălah bu hŏ mƀăr ay ta nklang mir hŏng tâm nar bu deh ma ay yorlah bu tâm rmot ma ay.

Êsêkiêl 16:7

Gâp hŏ ƀư ăn ma ay ntop âk nâm bu tơm si hon tâm mir. Ay hŏ chăt jêng, văch ma toyh jêh ri jêng druh ueh ngăn. Toh ay bŭt jêh, sŏk ay lĕ jong ƀiălah ay ăt hôm e rhôk.

Mika 7:10

Nơm rlăng ma gâp mra saơ nau nây, Jêh ri mra geh nau bêk prêng. Păng jêng nơm hŏ lah ma gâp pô aơ: “Ta ntŭk Yêhôva Brah Ndu may?” Măt gâp mra saơ nau păng rlâm rai, Jêh ri bu mra jot mpet Nâm bu dak bŏk rŏ trong.

Mathay 5:13

Khân ay may jêng boh ma neh ntu, ƀiălah tơlah boh mâu hôm kah ôh, mâm bu mra ƀư kah păng? Păng mâu hôm khlay ôh, knŏng mƀăr lơi padih jêh ri bu jot plên ma jâng.

Yôhan 5:25

“Nanê̆ ngăn, Gâp lah ma khân may, mông dăch tât, jêh ri hŏ tât jêh, nôk phung khĭt mra tăng bâr Kon Brah Ndu, jêh ri phung bunuyh tăng bâr Păng mra rêh.

Kôranh Oh Mon 7:34

Gâp saơ jêh nau rêh ni phung ƀon lan Gâp tâm n'gor Êjipt jêh ri hŏ tăng jêh nau khân păng nter rĭ dĭng Gâp jŭr văch gay ma tâm rklaih khân păng. Aƀaơ aơ, văch hom, Gâp mra njuăl may hăn tât ta n'gor Êjipt.’

Samƀŭt Pôl Njuăl Ăn Ma Phung Nsing Ta Ƀon Rôm 9:15

Yorlah Păng lah ma Y-Môis: “Gâp mra ƀư nau ueh ma mbu nơm Gâp ŭch ƀư nau ueh, Gâp mra yô̆ nđach ma mbu nơm Gâp ŭch yô̆ nđach.”

Nau Vay Nkah Tay 9:4

Ƀiălah dôl Yêhôva Brah Ndu hŏ lơh nsot khân păng tanăp khân may, lơi ngơi ôh tâm nuih n'hâm khân may pô aơ: ‘Yor nau sŏng srăng gâp rĭ dĭng Brah Yêhôva hŏ njŭn leo gâp lăp pit sŏk n'gor aơ.’ Ngăn ya, yor nau ƀai phung ndŭl mpôl nây dĭng Brah Yêhôva lơh nsot khân păng bơh tanăp khân may.

ហេឞ្រើ 10:29

Rlau lơn ma phung jot plên Kon Brah Ndu, mưch rmot mham nau tâm rnglăp, nâm bu ntĭt mham ƀư kloh ueh jêh khân păng nơm, jêh ri hôm ngơi djơh ma Brah Huêng Ueh nau yô̆, pôri khân may mĭn bunuyh nây mâu khư geh nau rmal jâk jêr rlau lơn lĕ ƀơh?

Nau Tâm Mpơl 14:20

Bu jot plên khân păng tâm thŭng mpet nây padih ƀon, jêh nây geh mham tă bơh thŭng mpet hoch luh; hao tât ta mbung seh, jêh ri lêng tât geh pe rhiăng kilômet.