Êsêkiêl 16:47 - Nau Brah Ndu Ngơi 2023

⁴⁷ Bi ay mâu knŏng chuat hăn tâm trong khân păng jêh ri hôm ƀư nau mhĭk tâm ban ma khân păng. Ay kơp nau nây jêng jê̆ lê̆ hĕ? Ay hŏ ƀư êng ma ay nơm mhĭk lơn tâm lĕ rngôch trong ay hăn.

Êsêkiêl 16:47 ပူးပေါင်းရင်းမြစ်များ

II Phung Hađăch 21:9

Ƀiălah khân păng mâu tông bâr ôh; Y-Manasê nsŭk nsôr khân păng ƀư lĕ nau djơh mhĭk âk lơn ma phung ndŭl mpôl Brah Yêhôva hŏ ƀư rai jêh tanăp phung ƀon lan Israel.

Êsêkiêl 16:51

Ƀon Samari mâu mâp ƀư du n'gul nau tih ay ƀư jêh. Ay ƀư jêh nau ƀơ̆ ƀơch âk lơn ma păng, jêh ri tâm rđĭl nau mhĭk ay đah oh nur ay jêng sŏng srăng lơn ma ay.

Êsêkiêl 16:48

Kôranh Brah Yêhôva lah: ‘Tĭng nâm Gâp gŭ rêh mro mrăng, ƀon Sôdôm, oh ay, păng yơh jêh ri phung kon bu ur păng mâu mâp ƀư ôh nâm bu ay jêh ri phung kon bu ur ay ƀư jêh.

I Phung Hađăch 16:31

Hađăch tĭng kơt nau tih bơh Y-Jêrôbôam, kon bu klâu Y-Nêbat, jêng nau jê̆ dơm, yor nây păng hŏ nsông kon bu ur Y-Êtbaal, hađăch phung Sidôn, jêng H'Jêsêbel ƀư ur păng. Hađăch pah kan đŏng jêh ri yơk mbah ma brah Baal.

I Kôrintô 5:1

Geh nau bu nkoch tâm phung khân may geh nau văng tĭr, nau văng tĭr tâm ban pônây bu mâu saơ ôh tâm phung bu năch; yorlah geh nơm hŏ bê̆ch ndrel đah ur yông mbơ̆ păng!

Êsêkiêl 8:17

Păng lah ma gâp: “Hơi kon bunuyh, may saơ lĕ? Ngih Yuđa hŏ ƀư tih lĕ nau ƀơ̆ kơt nây khân păng ƀư tih kơp jêng du ntil nau jê̆ lê̆ lĕ? Khân păng ƀư nau djơh mhĭk bêng bri neh jêh ri nsônh nuih Gâp ji nuih đŏng lĕ bơh. Ri, khân păng sŏk n'gĭng tơm si ăn dăch trôm muh khân păng!

II Phung Hađăch 21:16

Rlau ma nây, lĕ nau tih Y-Manasê hŏ ƀư tih jêh ri ƀư ăn ma phung Yuđa ƀư tih, nsŭk ma khân păng ƀư nau mhĭk tanăp măt Brah Yêhôva, păng hŏ ƀư đŏng nau nkhŭt mham âk bunuyh mâu tih, kŏ tât mham nây bêng ƀon Yêrusalem bơh bôl aơ tât bôl ri.

Yêrêmi 3:7

Gâp mĭn pô aơ lah jêh ƀư lĕ nau kan nây păng mra plơ̆ sĭt ma Gâp, ƀiălah păng mâu plơ̆ sĭt ôh. Oh bu ur mâu răp jăp păng jêng Yuđa hŏ saơ jêh nau nây.

Yêrêmi 3:8

Gâp saơ pô aơ dôl phung Israel ƀư rlăng yorlah nau văng tir, Gâp hŏ chalơi păng jêh ri ndơ̆ du pŏk samƀŭt tâm lơi ăn ma păng, ƀiălah oh bu ur păng jêng phung Yuđa mâu răp jăp mâu klach kir djê̆, ăt hôm thoi đŏng nau văng tĭr.

Êsêkiêl 16:52

Ay phat dôih phung oh nur ay knŏng dơn nau bêk prêng ăn ma ay nơm dơm. Yorlah nau tih ay mhĭk lơn ma khân păng yor nây khân păng jêng sŏng srăng lơn ma ay. Pônây dơn hom nau tâm rmot, nau bêk prêng yor ay ƀư jêh ăn ma oh nur ay dơi kơp jêng sŏng srăng!