Êsêkiêl 16:4 - Nau Brah Ndu Ngơi 2023

⁴ Rnôk bu deh ay, nar ay mhe deh, klŏ ay ê hŏ bu koh, Gâp ăt mâu hŏ lĕ rao ay tâm dak kloh, mâu hŏ rao ma dak boh, mâu hŏ put ma bok.

Êsêkiêl 16:4 ပူးပေါင်းရင်းမြစ်များ

Nau Ntơm 15:13

Brah Yêhôva lah ma Y-Abram: “Ăn may gĭt n'hêl nanê̆ pô aơ noi deh may mra jêng bunuyh bu năch tâm n'gor bu êng, mra jêng dĭk ma phung ƀon tơm, jêh ri phung nây mra tŭn jot khân păng tâm puăn rhiăng năm.

Nau Nhĭm Vơl 2:20

Ơ Brah Yêhôva dăn mêt uănh! Mbu may hŏ ƀư nâm bu pô aơ? Mâm ƀư me păng sa lơi play proch khŭng păng nơm, Nây jêng phung kon păng nơm dôl ut ra u tâm ti? Mâm ƀư kôranh ƀư brah jêh ri nơm mbơh lor Geh lĕ bu nkhĭt tâm jrô kloh ueh Kôranh Brah?

Nau Nhĭm Vơl 2:22

May hŏ rgum nau klach krit gâp tă bơh lĕ rngôch mpeh, Nâm bu tâm nar rƀŭn; Tâm nar Brah Yêhôva ji nuih, Mâu geh nơm klaih mâu lah nơm hôm gŭ rêh klen. Phung gâp hŏ chông ra-u jêh ri pêt rong ntĭm nti, Lĕ rngôch lĕ phung rlăng nkhĭt da dê jêh.

Êsêkiêl 16:3

May lah hom: ‘Kôranh Brah Yêhôva lah ma ƀon Yêrusalem: Ntŭk ntơm saơm jêh ri nau deh ay jêng ta n'gor Kanaan; mbơ̆ ay jêng du huê bunuyh Amôrit, mê̆ ay jêng bunuyh Hitit.

Êsêkiêl 20:13

Ƀiălah ngih Israel, tâm rdâng đah Gâp tâm bri rdah. Khân păng mâu ŭch chuat tĭng ôh nau vay dăp bơh Gâp, dun lơi nau vay ƀư bơh Gâp jêng nau ăn ma mbu nơm tông mra yor nau nây dơi rêh; khân păng ƀư tih rlau keh lĕ rngôch nar saƀat Gâp. Rnôk nây, Gâp lah Gâp mra nkhŭt nau Gâp ji nuih ta klơ khân păng jêh ri ƀư rai tâm bri rdah.

Êsêkiêl 20:8

Ƀiălah khân păng ŭch tâm rdâng đah Gâp jêh ri mâu ŭch iăt Gâp ôh; ăp nơm mâu mƀăr ôh lĕ nau ƀơ̆ măt khân may jêh ri mâu chalơi phung rup brah bri Êjipt. Rnôk nây, Gâp lah pô aơ Gâp mra nkhŭt nau Gâp ji nuih ta klơ khân păng, nkhŭt lĕ nau ji nuih Gâp mra tâm rdâng ma khân păng ta nklang bri Êjipt.

Ndrom Samƀŭt bơh Ôsê 2:3

Tơlah mâu, Gâp mra doh lơi rhôk păng, Ăn păng nâm bu nar mhe luh bơh ndŭl mê̆, Njêng păng jêng bri rdah, Jêng ntŭk neh kro, Ăn păng mra khĭt ji hir.

Ndrom Samƀŭt bơh Ôsê 2:5

Ngăn yơh, mê̆ khân păng văng tĭr, Bunuyh ntreo ma khân păng hŏ ƀư jêh nau prêng. Yorlah păng lah: ‘Gâp mra hăn tĭng phung rŏng gâp; Khân păng mra ăn ƀănh, dak, rsau biăp, brai mhay, Dak ngi jêh ri ndơ nhêt.’

Luka 2:12

Aơ jêng nau mbên gay ma khân may dơn gĭt Păng: Khân may mra tâm mâp du huê kon se jê̆ nkŭm ma bok gŭ bê̆ch tâm hip gơ̆.”

Luka 2:7

Păng deh kon bu klâu bôk rah, sŏk bok nkŭm kon păng nơm jêh ri n'gân lâng tâm hip gơ̆, yor ntŭk njưh mâu hôm tŏng ntŭk ma khân păng.

Nau Vay Nkah Tay 15:15

Kah gĭt hom khân may lĕ tă ƀư dĭk jêh tâm n'gor Êjipt jêh ri Yêhôva Brah Ndu khân may tâm chuai jêh khân may. Yor nây nar aơ gâp ntĭnh ma khân may nau aơ.

Nau Vay Nkah Tay 5:6

‘Gâp jêng Yêhôva Brah Ndu may, Nơm hŏ ngluh jêh may luh bơh n'gor bri Êjipt jêng phung dĭk nă.

Yôsuê 24:2

Y-Yôsuê lah ma lĕ rngôch phung ƀon lan pô aơ: “Brah Yêhôva, Brah Ndu phung Israel, geh lah: ‘Rnôk kăl e, phung chô yau khân may jêng Y-Têra, mbơ̆ ma Y-Abraham jêh ri Y-Nahôr, gŭ ta kơh đah ri dak krong Ơphrat jêh ri pah kan ma phung brah êng.