Êsêkiêl 16:30 - Nau Brah Ndu Ngơi 2023

³⁰ Kôranh Brah Yêhôva lah: ‘Mâm nuih n'hâm ay rŏng ir kơt nây! Lĕ nau ay ƀư tih lĕ rngôch nau nây jêng nau bu ur văng tĭr mâu gĭt bêk prêng

Êsêkiêl 16:30 ပူးပေါင်းရင်းမြစ်များ

Nau Mprơ Ơm 78:37

Nuih n'hâm khân păng mâu jêng nâp ôh đah Brah Ndu, Khân păng mâu đŏng gŭ răp jăp đah nau Brah Ndu tâm rnglăp.

Nau Hôr 7:21

Bu ur nây dŏng lĕ nau ngơi ueh ndơm nơm nây, Ƀư păng tŭp nuih n'hâm yor ma nau ngơi njĭp.

Nau Hôr 9:13

Phung bu ur nkhơng brŭt rluk vay rsĭk dăng ngơi, Rluk mâl, mâu gĭt vât du ntil ndơ.

Êsai 1:3

Ndrôk hôm gĭt năl nơm mât păng, Seh bri hôm gĭt năl hip gơ̆ kôranh păng; Ƀiălah phung Israel mâu gĭt ôh, Phung ƀon lan Gâp mâu gĭt vât ôh.”

Êsai 3:9

Muh măt khân păng tâm mpơl an nau tâm rdâng đah khân păng nơm; Khân păng nkoch rah vah nau tih khân păng nâm bu ƀon Sôdôm, Mâu mo ôh. Rêh ni ngăn ma huêng khân păng, Yorlah khân păng hŏ ƀư nau mhĭk ma khân păng nơm!

Yêrêmi 3:1

Brah Yêhôva lah: “Tơlah nơm ri chalơi ur, Ur nơm nây luh du jêh ri sŏk sai êng, Pôri sai ơm păng mra plơ̆ tay Đah bu ur nây lĕ? Mâu di hĕ neh aơ hŏ ƀơ̆ ƀơch ngăn? Păng hŏ ƀư nau văng tĭr đah âk nơm rŏng, Hôm e mĭn plơ̆ tay đah Gâp hĕ?

Yêrêmi 3:3

Yor ri dak mih bu hŏ nchăng lơi jêh, Dak mih dŭt yan ăt mâu tât; Nđâp pônây may ăt mâu blau prêng, Măt kranh kơt lŭ tâm ban ma bu ur văng tĭr.

Yêrêmi 4:22

“Phung ƀon lan Gâp rluk ngăn, Khân păng mâu gĭt năl Gâp ôh. Nây jêng du huê phung kon se rluk, Mâu geh nau gĭt rbăng, Blau ƀư nau mhĭk, Ƀiălah mâu gĭt ƀư nau ueh ôh.”

Êsêkiêl 16:29

Ay ƀư jêh nau văng tĭr ăp ntŭk kŏ tât ma Kaldê jêng n'gor blau tăch rgâl, ƀiălah ay ê hŏ mpay đŏng!’

Ndrom Samƀŭt bơh Ôsê 9:1

Hơi Israel, lơi ta răm rhơn ôh! Lơi maak ir ôh nâm bu phung mpôl băl êng. Yorlah may hŏ ƀư jêh nau ka n'hong, chalơi Brah Ndu may. May ŭch jêh ma nau prăk nkhôm du huê bu ur ka n'hong Ta lĕ rngôch ntŭk mprah ba.