Êsêkiêl 16:13 - Nau Brah Ndu Ngơi 2023

¹³ Tâm ban pônây, ay dơi nkrơ̆ ma mah ma prăk; kho ao ay ma bok mhay rhên, ma bok ek ndrŭng, ma ndơ bu cheh. Ay mât săk ma rnih môi, dak sŭt jêh ri dak ngi ôlive. Ay văch ma toyh ma nau ueh ngăn jêh ri nau ngơi hao kŏ tât jêng ur hađăch.

Êsêkiêl 16:13 ပူးပေါင်းရင်းမြစ်များ

Nau Ntơm 17:6

Gâp mra ăn may geh bĭk rơ̆ dŭt âk, tă bơh may mra luh âk phung ƀon lan, jêh ri phung hađăch mra luh tă bơh may đŏng.

II Samuel 8:15

Y-Đavit chiă uănh lĕ rngôch phung Israel, ƀư nau di jêh ri nau sŏng ma lĕ rngôch phung ƀon lan.

I Phung Hađăch 4:21

Y-Salômôn chiă uănh lĕ rngôch ƀon bri hađăch, ntơm bơh dak krong Ơphrat tât neh phung Philistin, ma tât n'har Êjipt. Lĕ ƀon bri hađăch nây djôt ndơ nhhơr jêh ri pah kan ma hađăch Salômôn lôch du njăr rêh hađăch.

Êsra 4:20

Ta ƀon Yêrusalem hŏ geh phung hađăch geh nau dăng ktang chiă uănh ta mpeh đah ri dak krong, jêh ri bu nhhơr ndơ, chê̆ pi jêh ri chê̆ prăk rvăt samƀŭt rsong trong ma phung hađăch nây.

Êsra 5:11

Khân păng plơ̆ lah kơt aơ: ‘Hên jêng phung oh mon Brah Ndu, Kôranh Brah ma trôk jêh ri neh ntu. Hên dôl ndâk nkra đŏng ngih brah aơ, hŏ jŏ năm jêh lor panăp nơh, geh du huê hađăch toyh Israel hŏ ndâk njêng jêh ri ƀư lôch jêh.

Ndrom Samƀŭt bơh Yôp 29:6

Lah jâng gâp rao tâm dak toh, Jêh ri mpăl lŭ njach dak ngi ăn ma gâp nâm bu dak n'hor!

Nau Mprơ Ơm 147:14

Păng ăn nau đăp mpăn ma bri may, Ƀư ma may bêng ma ba ƀlê ueh lơn.

Nau Mprơ Ơm 48:2

Yôk Siôn prêh ngăn ueh reh Jêng nau răm maak ma lĕ rngôch neh ntu. Jêng yôk prêh lơn ma Saphôn, Jêng ƀon Hađăch dŭt toyh.

Nau Mprơ Ơm 50:2

Bơh Siôn ueh reh rah vah ngăn, Brah Ndu nchrat ang jêh.

Nau Mprơ Ơm 81:16

Gâp mra siăm khân păng ma ba kah lơn, Jêh ri ăn ma khân păng dơi hơm mpay ma dak sŭt ta ntŭk lŭ toyh.”

Êsai 64:11

Ngih brah hên kloh ueh, Jêng ntŭk phung chô yau hên tâm rnê ma May Bu su jêh ma ŭnh; Lĕ rngôch ndơ khlay hên bu ƀư rai da dê jêh.

Yêrêmi 13:20

N'gơr măt uănh hom Phung bunuyh tât tă bơh mpeh pa lơ. Phung biăp hŏ jao jêh ma may, Phung biăp ƀư ăn n'hao nuih may, lĕ rngôch ta ntŭk?

Nau Nhĭm Vơl 2:15

Lĕ rngôch bunuyh rgăn rŏ trong Tap ti, nsŭch, rteh bôk, Ntêh rmot bu ur druh ƀon Yêrusalem: “Di lĕ aơ jêng ƀon toyh bu ntơ: ‘Nau ueh reh rah vah ngăn, Nau răm rhơn ma lĕ rngôch neh ntu’ lĕ?”

Êsêkiêl 16:10

Gâp nsoh ăn ma ay ao bu cheh, ntrŭp ntô jot ntâu ma ay, vân bŭt ay ma bok mhay rhên, jêh ri mpân ay ma bok ek ndrŭng.

Êsêkiêl 16:17

Ay lĕ saơ ndơ nkrơ̆ ueh ƀư ma mah jêh ri ma prăk Gâp hŏ ăn jêh ma ay gay ƀư rup phung bu klâu, jêh nây ƀư nau văng tĭr ma khân păng.

Êsêkiêl 16:19

Ƀănh Gâp hŏ ăn jêh ma ay, rnih môi, dak ngi ôlive jêh ri dak sŭt Gâp ăn ay sa pôri ay djôt nhhơr nâm bu n'hôl ƀâu kah ăn ma khân păng. Ngăn yơh nau nây hŏ geh jêh,’ Kôranh Brah Yêhôva lah pônây.

Êsêkiêl 23:40

Khân may hŏ prơh hăn phung mbơh gay jă kuăl phung bunuyh tă bơh bri ngai văch ma păng. Nôk khân păng hŏ tât, yor phung ay ŭm rao, nchih kach trôm măt ay nơm, jêh ri văn ndơ nkrơ̆ săk.

Êsêkiêl 27:16

Yorlah may geh âk ngăn ndô ndơ yor ri phung Aram tăch drăp đah may; khân păng tăch lŭ khlay jaspidi, bok chăng, bok bu cheh chiăk, bok mhay rhên, lŭ tâm dâng dak mƀŭt, jêh ri lŭ rubi tâm rgâl drăp ndơ đah may.

Ndrom Samƀŭt bơh Ôsê 2:5

Ngăn yơh, mê̆ khân păng văng tĭr, Bunuyh ntreo ma khân păng hŏ ƀư jêh nau prêng. Yorlah păng lah: ‘Gâp mra hăn tĭng phung rŏng gâp; Khân păng mra ăn ƀănh, dak, rsau biăp, brai mhay, Dak ngi jêh ri ndơ nhêt.’

Nau Vay Nkah Tay 8:8

n'gor geh ba ƀlê, ba ôrgơ, tơm krăk ƀâu, tơm rvi, jêh ri tơm pom gra nat, tơm ôlive jêh ri dak sŭt.

I Samuel 10:1

Y-Samuel sŏk du nông dak ƀâu kah, tŏ ta klơ bôk Y-Sôl, chŭm păng, jêh ri lah: “Mâu di hĕ Brah Yêhôva hŏ tŏ dak ƀâu ma may gay may jêng kôranh chiă uănh dơn drăp ndơ Păng?

I Samuel 12:12

Ƀiălah tơlah khân may saơ Y-Nahas, hađăch phung Ammôn, văch lơh khân may, khân may lah ma gâp pô aơ: ‘Mâu ôh, ăn geh du huê hađăch chiă uănh hên;’ nđâp lah Yêhôva Brah Ndu khân may hŏ jêng Hađăch ma khân may jêh.