Êsêkiêl 16:1 - Nau Brah Ndu Ngơi 2023

¹ Geh nau Brah Yêhôva ngơi ma gâp:

Êsêkiêl 16:1 ပူးပေါင်းရင်းမြစ်များ

Nau Hôr 14:34

Nau sŏng ƀư ăn bri dak dơi geh nau yơk, Ƀiălah nau tih ƀư mpôl bunuyh geh nau bêk prêng.

Êsai 1:21

Vư! Ƀon răp jăp Hŏ plơ̆ jêng bu ur văng tĭr! Păng bêng ma nau di, Jêh ri jêng ntŭk nau sŏng srăng gŭ tâm păng. Ƀiălah aƀaơ aơ bêng ma phung nkhĭt bunuyh!

Yêrêmi 2:23

“Mâm may nănh ngơi: ‘Gâp mâu geh ƀơ̆ ƀơch, Gâp mâu geh tĭng brah Baal ôh’? Uănh hom trong may tâm ntŭk rlŭng; Ăn gĭt nanê̆ nau may hŏ ƀư, Nâm bu seh samô ngăch, nchuăt blă blơ.

Yêrêmi 30:15

Mâm may hôm nter lah yor ji sôt rmanh may? Nau ji may mâu dơi bah ôh. Yorlah nau may tih toyh ngăn, Nau djơh mhĭk may âk ngăn Yor nây Gâp ƀư ma may nâm bu pônây.

Êsêkiêl 15:8

Gâp mra ƀư ăn ma bri aơ jêng rngol yorlah khân păng hŏ ƀư tih jêh đah Gâp,” Kôranh Brah Yêhôva lah pônây.

Êsêkiêl 16:2

“Hơi kon bunuyh, ăn phung ƀon lan Yêrusalem gĭt nau mhĭk khân păng hŏ ƀư jêh.

Êsêkiêl 2:3

Păng lah ma gâp: “Hơi kon bunuyh, Gâp prơh may hăn tât ma phung ƀon lan Israel, hăn tât ma phung vay mơng tâm rdâng đah Gâp. Khân păng jêh ri phung chô yau khân păng ƀư tih vay mơng tâm rdâng đah Gâp kŏ tât nar aơ.

Êsêkiêl 22:2

“Hơi kon bunuyh, di lĕ may mra phat dôih, di lĕ may mra phat dôih ma ƀon pling mham aơ? Pôri ƀư hom ăn păng gĭt lĕ rngôch nau mhĭk păng.

Êsêkiêl 23:23

nây jêng phung Babilôn, lĕ rngôch phung Kaldê, phung Pêkôt, phung Sôa, jêh ri Kôa ndrel ma lĕ rngôch phung Asiri dôl gŭ ndrel ma khân păng, jêng phung bu klâu ndăm ueh, lĕ rngôch phung kôranh chiă uănh jêh ri phung kôranh tahan, lĕ rngôch phung kôranh chiă uănh jêh ri phung kôranh tahan toyh, lĕ rngôch ncho seh da dê.

Ndrom Samƀŭt bơh Ôsê 1:2

Tơlah Brah Yêhôva ntơm lah ma Y-Ôsê, Brah Yêhôva lah ma păng: “Hăn hom nđăp du huê bu ur văng tĭr jêh ri deh phung kon ma nau văng tĭr, yorlah bri dak aơ ƀư tih nau văng tĭr nôk chalơi Brah Yêhôva.”

Ndrom Samƀŭt bơh Ôsê 4:12

Phung ƀon lan Gâp ôp rup trah ma tơm si, Dăn mâng jra plơ̆ sĭt lah. Yorlah bên ka n'hong ƀư vĭ nhhơt ma khân păng, Khân păng rêh văng tĭr, gŭ ngai đah Brah Ndu.

Amôt 2:4

Brah Yêhôva lah: “Yor nau tih mhĭk Yuđa ntop hôm nau tih mhĭk Yor ri Gâp mâu rhuăt tay nau tâm rmal bơh păng. Yorlah khân păng dun jêh ma nau vay Brah Yêhôva, Jêh ri mâu djôt prăp ôh nau vay păng ntĭnh, Ƀiălah lĕ nau mbruh ƀư vĭ trong, Hăn tĭng trong chô yau khân păng,

Sakari 5:7

Jêh nây gâp saơ du mlâm ndrŭp bu ƀư ma ndrak dơi yơk leo klơ, jêh ri geh du huê bu ur gŭ tâm bĭ.