Êsêkiêl 15:6 - Nau Brah Ndu Ngơi 2023

⁶ Yor ri, Kôranh Brah Yêhôva lah: “Nâm bu rtau tơm krăk ƀâu ta nklang tơm si tâm krŏng Gâp sŏk ƀư long mƀăr tâm ŭnh, Gâp mra jao phung gŭ tâm ƀon Yêrusalem tâm ban pônây lĕ.

Êsêkiêl 15:6 ပူးပေါင်းရင်းမြစ်များ

Êsai 27:11

Lah n'gĭng păng kro jêh ri bu nkê̆ch pă, Phung bu ur sŏk gay ƀư long sŭnh ŭnh. Yorlah phung ƀon lan aơ mâu ŭch gĭt rbăng ôh, Yor nây Nơm njêng khân păng mâu yô̆ nđach ma khân păng ôh, Nơm njêng khân păng mâu ăn nau ueh ôh.

Yêrêmi 21:7

Brah Yêhôva lah: ‘Jêh nây, Gâp mra jao Y-Sêdêkia, hađăch Yuđa, phung oh mon păng jêh ri phung ƀon lan tâm ƀon, nâm bu ntĭt lĕ rngôch phung hôm klen pakơi nau ji tưp, tak đao, nau sât ji ngot, tâm ti Nêbukatnetsar, hađăch Babilôn, tâm ti phung rlăng khân păng jêh ri ma phung joi ƀư ngroh lơi nau rêh khân păng. Nêbukatnetsar mra lơh khân păng ma mpiăt đao, mâu mra yô̆ an, ti mâu djân, mâu geh nau rŏng.’

Yêrêmi 25:18

Yêrusalem jêh ri lĕ rngôch ƀon Yuđa, phung hađăch jêh ri phung kôranh ƀon, gay khân păng jêng rngot njăp rjăp, ƀơ̆ ƀơch, bu gơm mưch jêh ri rak rtăp nâm bu nar aơ;

Yêrêmi 4:7

Yau mŭr hŏ luh tă bơh bri krŏng, Nơm ƀư rai lĕ bri dak hŏ hăn jêh, Hŏ du bơh ntŭk păng, Gay ƀư ăn bri dak may jêng rngot njăp; Lĕ rngôch ƀon toyh may rai ƀhiau Mâu hôm du huê bunuyh.

Yêrêmi 7:20

Yor nây, Kôranh Yêhôva lah: “Aơ, nau ji nuih Gâp, nau ji nuih Gâp, mra nkhŭt jŭr ntŭk aơ, ta klơ bunuyh jêh ri mpô mpa, ta klơ tơm si tâm mir jêh ri kao play neh; nau ji nuih nây mra hit gring gring, mâu dơi buh nhhât ôh.”

Êsêkiêl 15:2

“Hơi kon bunuyh, mâm rtau tơm krăk ƀâu tâm rđĭl đah tơm si êng geh nau ueh rlau lơn lĕ? Jêh ri n'gĭng rtau tơm krăk ƀâu tâm rđĭl đah tơm si tâm krŏng geh nau rlau lĕ?

Êsêkiêl 15:4

Mâu, bu mƀăr păng tâm ŭnh gay ƀư long, jêh ri tơlah ŭnh sa tă bơh bar đah ding chiông jêh ri ta nklang ăt ŭnh sa pôri păng hôm dơi dŏng ma du ntil ndơ lĕ?

Êsêkiêl 15:5

Aơ, tơlah ŭnh ê hŏ sa păng kŏ mâu dơi dŏng ma du ntil ndơ rlau ma nĕ lah lĕ ŭnh de sa rvăn jêh ri păng lĕ lêk rai jêh, moh ndơ bu hôm dơi dŏng ƀư ma du ntil ndơ?”

Êsêkiêl 15:7

Gâp mra rle muh măt tâm rdâng đah khân păng. Khân păng mra luh tă bơh ŭnh ƀiălah ŭnh mra sa khân păng, jêh ri tơlah Gâp rle muh măt tâm rdâng đah khân păng, pôri khân may mra gĭt Gâp jêng Brah Yêhôva.

Sakari 1:6

Ƀiălah, lĕ nau Gâp ngơi jêh ri nau vay Gâp ƀư hŏ ntĭm jêh ma phung oh mon Gâp jêng phung nơm mbơh lor, mâu di bơh lĕ nau nây ban jêh ma phung chô yau khân may? Yor rĭ dĭng khân păng rmal nau tih jêh ri lah: ‘Lĕ rngôch nau Brah Yêhôva ma phung tahan hŏ ton mĭn jêh ma hên tĭng trong jêh ri kan pah bơh hên ƀư, pôri Păng hŏ nkra jêh ma hên di kơt nây.’”