Êsêkiêl 14:9 - Nau Brah Ndu Ngơi 2023

⁹ Tơlah nơm mbơh lor geh nau ntrôl jêh ri ngơi du bâr, Gâp nơm yơh, Brah Yêhôva, mra ăn bu ntrôl nơm mbơh lor nây jêh ri Gâp mra yơr ti tâm rdâng đah păng, jêh ri ƀư rai lơi păng bơh ta phung ƀon lan Gâp Israel.

Êsêkiêl 14:9 ပူးပေါင်းရင်းမြစ်များ

II Nau Rêh Jêng 18:22

Pônây, aƀaơ uănh ri Brah Yêhôva hŏ dơm jêh du huê brah ngơi mƀruh tâm trôm mbung lĕ rngôch phung nơm mbơh lor may, jêh ri Brah Yêhôva hŏ tâm nal ƀư nau mhĭk ma may.”

Ndrom Samƀŭt bơh Yôp 12:16

Nau dăng n'hâm jêh ri nau blau mĭn jêng ndơ Păng; Nơm ndơm bu nđâp ma bunuyh bu ndơm gŭ tâm ti Păng da dê.

Êsai 10:4

Khân păng knŏng hôm ƀư du ntil kan jêng păn ta nklang phung bu nă Jêh ri cha lôt ta nklang phung khĭt. Nđâp lah pônây, nau ji nuih Kôranh Brah ê hŏ du ôh Jêh ri ti Păng ăt hôm yơr.

Êsai 5:25

Yor nây, Brah Yêhôva hŏ ji nuih đah phung ƀon lan Păng. Păng yơr jêh ti tâm rdâng đah khân păng jêh ri dong khân păng, Yôk n'găr mpât da dê. Săk jăn khĭt khân păng jêng tâm ban ma ndŏk ta nklang trong. Nđâp lah kơt nĕ, nau Păng ji nuih ê bah ôh, Ƀiălah ti Păng ăt hôm yơr ƀư ƀaƀơ.

Êsai 63:16

Nanê̆, May jêng Mbơ̆ hên; Nđâp tơlah Y-Abraham mâu gĭt năl ôh hên, Jêh ri Y-Israel mâu lĕ dơn hên; Ơ Brah Yêhôva, May yơh jêng Mbơ̆ hên, Bơh rnôk n'ho ro May jêng Nơm Tâm Chuai hên.

Êsai 66:4

Gâp mra săch lĕ nau ƀư rêh ni ma khân păng, Mra ăn tât ma khân păng nau klach kir. Yorlah Gâp kuăl jêh ƀiălah mâu geh nơm plơ̆ lah ôh, Gâp ngơi jêh ƀiălah khân păng mâu iăt ôh; Khân păng ƀư jêh nau mhĭk tâm dâng măt Gâp, Jêh ri săch nau Gâp mâu maak.”

Êsai 9:12

Ƀiălah phung ƀon lan mâu sĭt ôh ma nơm dong khân păng, Mâu lĕ khân păng joi Brah Yêhôva ma phung tahan.

Êsai 9:17

Yorlah nau ƀai sa tâm ban ma ŭnh, Păng sa rtau lok jêh ri pih pŭm, Păng sa lĕ tơm si ta krŏng mbâl, Ƀư ma ŭnh nhhŭk dŭk dŭk mpăr leo klơ.

Yêrêmi 14:15

Yor nây, Brah Yêhôva lah ntop đŏng: “Bi ma lĕ phung mbơh lor mâu tă bơh Gâp mprơh tât nănh ngơi tâm amoh Gâp ngơi mbơh lor pô aơ ‘mâu mra geh đao jêh ri sa sât ji ngot geh tât ta n'gor aơ’, pôri phung nơm mbơh lor nây yơh bu mra ƀư rai ma đao jêh ri sa sât ji ngot.

Yêrêmi 4:10

Gâp lah ro: “Ơ! Kôranh Brah Yêhôva! Nanê̆ May hŏ ndơm phung ƀon lan aơ jêh ri Yêrusalem jêh. May ton: ‘Khân may mra dơi geh nau đăp mpăn,’ pôri đao dôl kêng trô ko!”

Yêrêmi 6:14

Khân păng ƀư bah sôt rmanh phung ƀon lan Gâp ma nau ƀlơr, Jêh nây lah: ‘Đăp mpăn! Đăp mpăn!’ Mâu geh nau đăp mpăn ôh.

Yêrêmi 6:15

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,” Brah Yêhôva lah pônây.

Êsêkiêl 13:9

Ti Gâp mra tâm rdâng đah phung nơm mbơh lor tâm saơ dơm dam, nau ƀŭk rƀên mƀruh. Khân păng mâu mra gŭ ôh tâm nau phung ƀon lan Gâp tâm rƀŭn đŏng ôh, mâu geh nchih tâm ndrom samƀŭt ngih Israel đŏng ôh, jêh ri mâu chuat lăp tâm bri Israel. Rnôk nây, khân may mra gĭt Gâp jêng Kôranh Brah Yêhôva.

Êsêkiêl 14:10

Lĕ bar mra dơn nau tâm rmal; nau tâm rmal prăp ma nơm mbơh lor jêh ri nau tâm rmal prăp ma nơm joi ôp jêng tâm ban da dê.

Êsêkiêl 14:5

Tâm ban pônây, Gâp dơi sŏk ăn nuih n'hâm ƀon lan Israel phung nkhah du jêh tă bơh Gâp yor ma khân păng mbah rup brah.

Êsêkiêl 16:27

Yor ri, Gâp hŏ yơr ti Gâp tâm rdâng ma ay; ƀư n'hŭch n'har bri ay jêh ri jao ay ăn ma phung rlăng ay, jêng phung kon bu ur Philistin, jêh ri khân păng bêk prêng ma nau văng tĭr ay.

Êsêkiêl 20:25

Tâm ban lĕ Gâp hŏ ăn jêh ma khân păng lĕ rngôch nau vay dăp mâu ueh ôh jêh ri lĕ rngôch nau vay ƀư mâu yor tă bơh nây dơi rêh.

Ndrom Samƀŭt bơh Ôsê 9:7

Lĕ nar tâm rmal lĕ tât jêh, Lĕ nar phat dôih hŏ tât jêh! Israel mra gĭt nau aơ. Nơm mbơh lor jêng du huê rluk, Bunuyh geh brah huêng jêng rluk, Yor nau tih mhĭk may âk ngăn Jêh ri nau ji nuih may toyh ngăn.

Sakari 13:3

Tơlah hôm e geh bunuyh ngơi nau mbơh lor, pôri mbơ̆ jêh ri mê̆ jêng nơm hŏ deh jêh ăn păng, mra lah ma păng: ‘May mâu mra rêh đŏng ôh, yorlah may ngơi nau mƀruh tâm amoh Brah Yêhôva.’ Jêh ri mê̆ mbơ̆ jêng nơm hŏ deh jêh păng mra ntâp păng lah păng ngơi nau mbơh lor.