Êsêkiêl 14:8 - Nau Brah Ndu Ngơi 2023

⁸ Gâp mra tâm rdâng đah nơm nây, ƀư ma păng du nau mbên jêh ri nau hôr. Gâp mra ngroh lơi păng bơh ta nklang phung ƀon lan Gâp. Rnôk aơ, khân may mra gĭt Gâp jêng Brah Yêhôva.

Êsêkiêl 14:8 ပူးပေါင်းရင်းမြစ်များ

Nau Mprơ Ơm 34:16

Ƀiălah muh măt Brah Yêhôva ƀư tâm rdâng đah phung ƀư mhĭk Gay jut lơi ăn kloh nau khân păng ndray kah gĭt bơh neh ntu.

Nau Mprơ Ơm 34:17

Phung sŏng srăng nter kuăl, Brah Yêhôva iăt, Jêh ri tâm rklaih nơm nây bơh lĕ nau rêh ni.

Nau Mprơ Ơm 37:22

Yorlah phung Brah Ndu ăn nau ueh uĭn mra dơn neh, Bi ma phung Păng rak rtăp mra rai yot.

Êsai 65:15

Bu mra prăp amoh săk khân may Gay ma phung Gâp săch jêh ƀư nau rak rtăp; Kôranh Brah Yêhôva mra nkhĭt khân may, Ƀiălah Păng mra rnha phung oh mon Păng ma amoh êng.

Yêrêmi 21:10

Brah Yêhôva lah: ‘Yor Gâp hŏ tâm nal jêh nau ƀư mhĭk ntrok ma nau ƀư ueh ta ƀon aơ, yor nây ƀon aơ mra jao tâm ti hađăch Babilôn, jêh ri hađăch nây mra su ƀon aơ ma ŭnh.’

Yêrêmi 24:9

Gâp mra njêng ăn khân păng plơ̆ jêng nau nkrit, du nau mhĭk tât ma lĕ rngôch ƀon bri hađăch ta neh ntu; du nau prêng, du nau bu gơm mưch, du nau ngơi mhĭk, du nau bu rak rtăp tâm lĕ rngôch ntŭk Gâp mprơh khân păng tât.

Yêrêmi 29:22

Lĕ rngôch phung Yuđa bu nhŭp veng leo gŭ tâm bri Babilôn mra sŏk bar hê aơ ƀư nau ngơi rak rtăp: ‘Dăn Brah Yêhôva rmal may nâm bu Y-Sêdêkia jêh ri Y-Ahap, jêng bar bunuyh hađăch Babilôn hŏ gŭch tâm ŭnh!’

Yêrêmi 44:11

Yor nây, Brah Yêhôva ma phung tahan, Brah Ndu Israel, lah: ‘Aơ, Gâp tâm nal nkhŭt nau mhĭk tât ăn ma khân may jêh ri ngroh lơi lĕ rngôch phung Yuđa.

Êsêkiêl 13:23

Khân may mâu mra hôm saơ ôh nau tâm saơ ndơm jêh ri mâu lĕ ƀư đŏng nau rƀên. Gâp mra tâm rklaih phung ƀon lan Gâp klaih bơh ti khân may jêh ri rnôk aơ khân may mra gĭt Gâp jêng Brah Yêhôva.’”

Êsêkiêl 15:7

Gâp mra rle muh măt tâm rdâng đah khân păng. Khân păng mra luh tă bơh ŭnh ƀiălah ŭnh mra sa khân păng, jêh ri tơlah Gâp rle muh măt tâm rdâng đah khân păng, pôri khân may mra gĭt Gâp jêng Brah Yêhôva.

Êsêkiêl 5:15

Tơlah Gâp hao ji nuih phat dôih may, nkhŭt nau ji nuih nduyh nkra may, pôri may mra jêng bêk prêng jêh ri nau bu mưch rmot, nau mbơh lor jêh ri nau krit toyh ăn ma bri dak gŭ jŭm may. Gâp yơh jêng Brah Yêhôva lah pônây!

Êsêkiêl 6:7

Phung khĭt mra cha lôt ta nklang khân may, jêh ri khân may mra gĭt Gâp jêng Brah Yêhôva!

Kan Lêvi 17:10

‘Mbu nơm bơh ngih Israel mâu lah bơh bunuyh gŭ njưh ta nklang khân păng sa mham, Gâp mra tâm rdâng đah nơm sa mham nây, jêh ri mra mprơh păng luh tă bơh phung ƀon lan păng nơm.

Kan Lêvi 22:3

Lah hom ma khân păng: ‘Tâm lĕ rngôch rnôk, mbu nơm tâm phung kon sau Y-Arôn dôl gŭ tâm nau ƀơ̆ ƀiălah hăn dăch ta lĕ ndơ nhhơr kloh ueh, yor tă phung ƀon lan Israel nhhơr ma Brah Yêhôva, bu mra nsot lơi păng luh bơh tanăp Gâp. Gâp jêng Brah Yêhôva.

Kan Lêvi 26:17

Gâp mra ji nuih đah khân may, khân may mra prah tanăp phung rlăng khân may; phung tâm rmot khân may, khân păng mra chiă uănh khân may jêh ri khân may mra nchuăt du nđâp lah mâu geh nơm hăn tĭng khân may.

Nau Kơp Bunuyh 16:38

Bi lĕ khăl gŭch ƀâu kah phung bunuyh ƀư tih jêh ri kŏ tât roh nau rêh khân păng; pôri ăn bu chiăr jêng lĕ pŏk n'hơ gay nkŭm nơng ƀư brah, yorlah lĕ khăl gŭch ƀâu kah nây hŏ nhhơr panăp Brah Yêhôva jêh ri jêng kloh ueh jêh. Pôri khân păng jêng du ndơ tâm mbên ma phung ƀon lan Israel.”

Nau Kơp Bunuyh 19:20

Bi bunuyh jêng ƀơ̆ jêh, mâu dơi ƀư kloh, nơm nây ăn bu nsot lơi păng bơh nklang phung tâm rƀŭn, yorlah păng lĕ ƀư ƀơ̆ Ntŭk Kloh Ueh Brah Yêhôva. Yorlah bu mâu mâp nsrih ôh ta klơ păng ma dak jut tho nau ƀơ̆, pôri păng ăt hôm jêng ƀơ̆.

Nau Kơp Bunuyh 26:10

Neh hŏ hă mbung rvăn bar hê khân păng ndrel ma Y-Kôra, lĕ bunuyh hăn tĭng khân păng khĭt da dê, tơlah dôl ŭnh sa bar rhiăng prăm jât bunuyh. Khân păng dơi jêng du nau ngơi nkah ma phung ƀon lan.

Samƀŭt Pôl Njuăl Ăn Ma Phung Nsing Ta Ƀon Rôm 11:22

Ăn may uănh hom nau ueh jêh ri nau dăng ngăn Brah Ndu: Nau dăng ngăn ma mbu nơm tŭp jêh, ƀiălah nau ueh ma may, knŏng tơlah may gŭ nâp mro tâm nau ueh Păng; tơlah mâu, Păng ăt mra koh chalơi may đŏng.

I Kôrintô 10:11

Lĕ rngôch nau nây tât geh ma khân păng nâm bu du nau nti, jêh ri bu nchih jêh gay lah lor ma he jêng phung gŭ êp nar dăch lôch.

Nau Vay Nkah Tay 28:37

Jêh ri khân may mra jêng du nau krit kir, du nau bu gơm jêh ri du nau ngơi srơh mbơh bir ta nklang phung ƀon lan Brah Yêhôva mra njŭn khân may tât.

Nau Vay Nkah Tay 28:46

Lĕ nau rak rtăp aơ mra jêng du nau tâm mbên jêh ri nau mbơh ma khân may jêh ri phung kon sau khân may.

Nau Vay Nkah Tay 29:19

Mbu moh tăng lĕ nau ton aơ, pôri lơi lah ôh tâm nuih n'hâm păng pô aơ: ‘Gâp mra dơi geh nau đăp mpăn, nđâp lah gâp geh dăng nuih n'hâm hăn tĭng êng trong gâp nơm,’ nâm bu kơt nây đŏng neh bŏk lĕ rdu hêng tâm ban ma neh ndruyh.