Êsêkiêl 14:7 - Nau Brah Ndu Ngơi 2023

⁷ Yorlah lĕ rngôch phung tâm ngih Israel, mâu lah bu năch gŭ njơh tâm n'gor bri Israel du ngai jêh đah Gâp prăp rup brah păng tâm nuih n'hâm jêh ri dơm nau djơh mhĭk panăp măt păng ƀư ăn chêh prah, jêh nây văch tât ma nơm mbơh lor gay ôp Gâp, Gâp nơm yơh jêng Brah Yêhôva mra plơ̆ lah ma păng.

Êsêkiêl 14:7 ပူးပေါင်းရင်းမြစ်များ

Nau Ngluh Êjipt 12:48

Lah geh bu năch gŭ njưh tâm ngih khân may ŭch kah gĭt prăp rƀŭn Nau Găn tanăp Brah Yêhôva, ăn lĕ rngôch bu klâu khân păng dơn nau koh ntâu, pôri mơ păng dơi văch dăch jêh ri kah gĭt prăp nau rƀŭn aơ; bunuyh aơ dơi uănh tâm ban ma bunuyh tơm bri. Ƀiălah mbu mâu koh ntâu mâu mra dơi sa.

Nau Ngluh Êjipt 20:10

ƀiălah nar tal pơh jêng nar rlu prăp ma Yêhôva Brah Ndu may. Tâm nar nây, may, kon bu klâu, kon bu ur, oh mon bu klâu, oh mon bu ur, mpô mpa may rong, jêh ri bu năch gŭ tâm ngih may, mâu dơi lĕ ƀư du ntil kan.

Êsai 63:17

Ơ Brah Yêhôva, mâm ƀư May ăn hên nkhah du bơh trong may? Mâm dĭng ăn nuih n'hâm hên dăng kŏ tât hên mâu hôm klach yơk ma May ôh? Yor phung oh mon May jêh ri phung ndŭl mpôl drăp ndơn May. Dăn Kôranh Brah plơ̆ sĭt hom!

Yêrêmi 37:17

Jêh nây, Hađăch Sêdêkia prơh hăn njŭn leo Y-Yêrêmi sĭt ma ngih hađăch jêh ri ôp păng ma nau ndâp: “Geh lĕ nau Brah Yêhôva lah?” Y-Yêrêmi plơ̆ lah: “Geh lĕ!” Jêh nây păng lah tay: “Bu mra jao may tâm ti hađăch Babilôn.”

Êsêkiêl 3:20

Tâm ban lĕ, tơlah du huê bunuyh sŏng srăng chalơi nau sŏng srăng ƀư nkhơng nau tih jêh ri Gâp mra dơm nau king panăp măt păng, păng mra khĭt. Yorlah may mâu mbơh ôh ma păng yor nây păng mra khĭt yor nau tih păng, jêh ri lĕ kan sŏng srăng păng hŏ ƀư jêh gâp mâu hôm dơi kah gĭt ôh, ƀiălah Gâp mra kêh mham păng ta ti may.

Ndrom Samƀŭt bơh Ôsê 4:14

Gâp mâu mra tâm rmal kon bu ur khân may yor tih ka n'hong, Mâu lĕ tâm rmal ƀăn khân may yor tih văng tĭr; Yorlah phung bu klâu khân may nơm hăn gŭ ndrel ma phung ka n'hong, Nhhơr mpa ƀư brah ndrel ma bu ur ka n'hong; Du phung ndŭl mpôl bunuyh mâu gĭt rbăng mra geh rai yot.

Ndrom Samƀŭt bơh Ôsê 4:5

May mra chêh prah dôl nôk nar; Phung nơm mbơh lor mra chêh prah ndrel may dôl bri măng tâm ban lĕ, Jêh ri Gâp mra ƀư rai mê̆ may.

Ndrom Samƀŭt bơh Ôsê 9:10

Gâp hŏ mâp Israel Nâm bu mâp rkŭm play krăk ƀâu tâm bri rdah; Gâp hŏ saơ chô yau khân may Nâm bu play bôk rah bôk yan ta klơ tơm play rvi nse. Ƀiălah khân păng hŏ tât Baal-Pêôr; Nhhơr săk jăn khân păng ăn ma ndơ khư bêk prêng, Jêh ri jêng ndơ ƀơ̆ nâm bu ndơ khân păng hŏ rŏng jêh.

Kan Lêvi 16:29

Nây mra jêng du nau vay dăp n'ho ro ma khân may: Ta nar jât khay pơh, nđâp lah khân may jêng bunuyh tơm bri mâu lah bunuyh gŭ njưh ta nklang khân may, ât sông sa da dê, chalơi khân păng nơm, mâu ƀư kan,

Kan Lêvi 20:2

“Ăn may lah hom ma phung ƀon lan Israel pô aơ: ‘Ăp phung Israel mâu lah bunuyh gŭ njưh tâm n'gor Israel, lah păng djôt nhhơr phung kon sau păng ma Môlek, ăn bu nkhĭt lơi păng; phung ƀon lan tâm n'gor mra klŭp păng ma lŭ.

Kan Lêvi 24:22

Phung kon knŏng geh du nau vay dơi dŏng ăn ma bunuyh gŭ njưh jêh ri ma bunuyh ƀon tơm; yorlah Gâp jêng Yêhôva Brah Ndu khân may.’”

Nau Kơp Bunuyh 15:15

Tâm phung tâm rƀŭn, knŏng geh du nau vay dăp nsum gay dŏng ma khân may jêh ri ma lĕ phung gŭ njưh ƀât lât ta nklang khân may. Nây jêng du nau vay dăp n'ho ro tâm lĕ rngôch rô̆. Khân may jêh ri phung gŭ njưh ƀât lât da dê du ai tâm ban tanăp Brah Yêhôva.

Nau Kơp Bunuyh 15:29

Knŏng geh du nau vay nsum dŏng ma ăp mbu nơm ƀư tih mâu ŭch ƀư, nđâp lah phung ƀon lan Israel mâu lah bunuyh bu năch gŭ njưh ƀât lât ta nklang khân păng.

Nau Vay Nkah Tay 29:19

Mbu moh tăng lĕ nau ton aơ, pôri lơi lah ôh tâm nuih n'hâm păng pô aơ: ‘Gâp mra dơi geh nau đăp mpăn, nđâp lah gâp geh dăng nuih n'hâm hăn tĭng êng trong gâp nơm,’ nâm bu kơt nây đŏng neh bŏk lĕ rdu hêng tâm ban ma neh ndruyh.

Yuđas 1:19

Khân păng yơh jêng phung tâm nkhah mpôl, phung bunuyh gŭ rêh tĭng nglay săk, mâu geh Brah Huêng Ueh ôh.