Êsêkiêl 14:4 - Nau Brah Ndu Ngơi 2023

⁴ Yor ri, lah hom ma khân păng pô aơ: Brah Yêhôva Brah lah: Mbu nơm tâm ngih Israel prăp rup brah tâm nuih n'hâm păng jêh ri dơm nau mhĭk panăp măt păng nơm ƀư ăn chêh prah, jêh ri bunuyh nây văch tât mra nơm mbơh lor, pôri Gâp nơm jêng Brah Yêhôva mra plơ̆ sĭt lah ma păng yorlah rup brah păng âk ngăn ngên.

Êsêkiêl 14:4 ပူးပေါင်းရင်းမြစ်များ

II Phung Hađăch 1:16

Păng lah ma hađăch: “Brah Yêhôva lah kơt aơ: ‘Di lĕ tâm phung Israel mâu geh hĕ Brah Ndu gay ôp, mâm ƀư may prơh phung mbơh hăn ôp ma Baal-Sêbup, brah ƀon Êkron? Yor ri, may mâu mra dâk ôh tă bơh sưng may bê̆ch nây, yorlah may nanê̆ ngăn mra khĭt.’”

Êsai 3:11

Rêh ni ngăn ma nơm ƀai! Păng mra tuy nau mhĭk, Yorlah păng mra dơn play mhĭk bơh ti păng ƀư jêh.

Êsai 66:4

Gâp mra săch lĕ nau ƀư rêh ni ma khân păng, Mra ăn tât ma khân păng nau klach kir. Yorlah Gâp kuăl jêh ƀiălah mâu geh nơm plơ̆ lah ôh, Gâp ngơi jêh ƀiălah khân păng mâu iăt ôh; Khân păng ƀư jêh nau mhĭk tâm dâng măt Gâp, Jêh ri săch nau Gâp mâu maak.”

Êsêkiêl 14:3

“Hơi kon bunuyh, phung aơ prăp rup brah tâm nuih n'hâm jêh ri dơm nau mhĭk panăp khân păng nơm ƀư chêh prah. Di lĕ Gâp lŏ ăn khân păng ôp Gâp?

Êsêkiêl 14:6

Yor nây, lah hom ma ngih Israel pô aơ: ‘Kôranh Brah Yêhôva lah: Plơ̆ sĭt hom, chalơi rup brah khân may, rle muh măt du tă bơh lĕ nau mhĭk Gâp tâm rmot khân may.

Êsêkiêl 14:7

Yorlah lĕ rngôch phung tâm ngih Israel, mâu lah bu năch gŭ njơh tâm n'gor bri Israel du ngai jêh đah Gâp prăp rup brah păng tâm nuih n'hâm jêh ri dơm nau djơh mhĭk panăp măt păng ƀư ăn chêh prah, jêh nây văch tât ma nơm mbơh lor gay ôp Gâp, Gâp nơm yơh jêng Brah Yêhôva mra plơ̆ lah ma păng.

Êsêkiêl 2:7

Pôri may mbơh hom nau Gâp lah ma khân păng nđâp lah khân păng iăt mâu lah mâu, yorlah khân păng jêng phung tâm rdâng.

Êsêkiêl 3:4

Păng lah tay: “Hơi kon bunuyh, hăn hom ma ngih Israel jêh ri mbơh nau Gâp ngơi ăn ma khân păng.

Êsêkiêl 44:12

Yorlah khân păng hŏ pah kan jêh ma phung ƀon lan tanăp phung rup brah khân păng jêh ri ƀư ma ngih Israel tŭp tâm nau tih; yor ri, Gâp hŏ yơr ti tâm rdâng đah khân păng jêh ri khân păng mra anh nau tih khân păng, Kôranh Brah Yêhôva lah pônây.

Sôphôni 1:3

Gâp mra pih kloh lĕ kon bunuyh jêh ri mpô mpa, Gâp mra pih kloh lĕ sĭm klơ trôk jêh ri ka tâm dak mƀŭt; Gâp mra ƀư ma phung mhĭk chêh prah, Jêh ri ƀư rai lơi phung bunuyh bơh neh ntu.” Brah Yêhôva lah pônây.