Êsêkiêl 14:3 - Nau Brah Ndu Ngơi 2023

³ “Hơi kon bunuyh, phung aơ prăp rup brah tâm nuih n'hâm jêh ri dơm nau mhĭk panăp khân păng nơm ƀư chêh prah. Di lĕ Gâp lŏ ăn khân păng ôp Gâp?

Êsêkiêl 14:3 ပူးပေါင်းရင်းမြစ်များ

II Phung Hađăch 3:13

Y-Êlisê lah ma hađăch Israel: “Moh nau gâp geh đah may? Hăn ôp hom ma phung nơm mbơh lor mbơ̆ may jêh ri phung nơm mbơh lor mê̆ may.” Ƀiălah hađăch Israel plơ̆ lah: “Mâu ôh. Yorlah Brah Yêhôva yơh kuăl jêh pe nuyh hađăch hên văch gay jao ma ti phung Môap.”

Nau Mprơ Ơm 101:3

Gâp mâu mra dơm du ntil ndơ djơh mhĭk ôh tanăp măt gâp; Gâp tâm rmot ma kan phung mâu răp jăp, Khân păng mâu mra krêp ôh tât ma gâp.

Nau Mprơ Ơm 66:18

Tơlah nuih n'hâm gâp n'gĭl uănh nau mĭn mhĭk Kôranh Brah mâu mra iăt nau gâp ôh.

Nau Hôr 15:29

Brah Yêhôva gŭ ngai phung ƀai, Ƀiălah Păng iăt nau mbơh sơm bơh phung sŏng srăng.

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Nau Hôr 21:27

Mpa ƀư brah bơh phung mhĭk jêng du ndơ ƀơ̆ ƀơch; Lơ hô khân păng djôt leo ndrel ma nau mĭn djơh mhĭk.

Nau Hôr 28:9

Mbu nơm nsêt tôr mâu ŭch iăt ôh nau vay, Nau mbơh sơm bơh bunuyh nây khư ma nau tâm rmot.

Êsai 1:15

Yor ri, lah khân may yơr klơ, Gâp mra nkŭm măt gâp ma khân may. Nđâp tơlah khân may mbơh sơm âk, Gâp mâu iăt ôh. Yor ti khân may pung mham.

Êsai 33:15

Nơm nhuat tĭng nau sŏng srăng jêh ri ngơi nau di, Tâm rmot ma nau sa ndơ mâu tâm di, Mât mray ti mâu sŏk dơn drăp blŏl; Nsêt tôr mâu ŭch iăt ôh nau nkhŭt mham, Nhêp măt mâu ŭch uănh ma nau mhĭk ôh.

Yêrêmi 11:11

Yor nây, Brah Yêhôva lah pô aơ: ‘Aơ, Gâp mra ăn nau mhĭk tât ma khân păng jêh ri khân păng mâu dơi der ôh. Nđâp tơlah khân păng kuăl dăn ma Gâp, Gâp ăt mâu tăng ôh.

Yêrêmi 17:9

Nuih n'hâm bu jêng mƀruh nchơt lơn ma lĕ ntil mpô mpa, Jêh ri jêng nau djơh mhĭk ngăn. Mbu nơm dơi gĭt?

Yêrêmi 21:2

“Ôp hom ma Brah Yêhôva kơl ma hên yorlah Nêbukatnetsar, hađăch Babilôn, văch tât gay tâm lơh đah hên; gĭt lah Brah Yêhôva yor ma hên mra ƀư lĕ rngôch kan khlay Păng jêh ri ƀư ăn ma hađăch nây du bơh hên.”

Êsêkiêl 11:21

Ƀiălah phung geh nuih n'hâm ŭch ma lĕ ndơ tâm rmot jêh ri ƀơ̆ ƀơch Gâp mra ƀư ma trong khân păng nkhŭt tay ta klơ bôk khân păng nơm,’ Yêhôva Brah Ndu lah pônây.”

Êsêkiêl 14:2

Rnôk nây geh nau Brah Yêhôva lah ma gâp:

Êsêkiêl 14:4

Yor ri, lah hom ma khân păng pô aơ: Brah Yêhôva Brah lah: Mbu nơm tâm ngih Israel prăp rup brah tâm nuih n'hâm păng jêh ri dơm nau mhĭk panăp măt păng nơm ƀư ăn chêh prah, jêh ri bunuyh nây văch tât mra nơm mbơh lor, pôri Gâp nơm jêng Brah Yêhôva mra plơ̆ sĭt lah ma păng yorlah rup brah păng âk ngăn ngên.

Êsêkiêl 14:7

Yorlah lĕ rngôch phung tâm ngih Israel, mâu lah bu năch gŭ njơh tâm n'gor bri Israel du ngai jêh đah Gâp prăp rup brah păng tâm nuih n'hâm jêh ri dơm nau djơh mhĭk panăp măt păng ƀư ăn chêh prah, jêh nây văch tât ma nơm mbơh lor gay ôp Gâp, Gâp nơm yơh jêng Brah Yêhôva mra plơ̆ lah ma păng.

Êsêkiêl 20:16

Yorlah khân păng dun jêh nau vay ƀư bơh Gâp, mâu tông nau vay dăp Gâp jêh ri ƀư ƀơ̆ jêh ma lĕ nar saƀat Gâp, yorlah nuih khân păng rle mpeh ma rup brah khân păng nơm.

Êsêkiêl 20:3

“Hơi kon bunuyh, ngơi hom ma phung bu ranh Israel jêh ri lah ma khân păng Pô aơ: ‘Brah Yêhôva lah: Di lĕ khân may văch ŭch ôp ma Gâp hĕ?’ Brah Yêhôva lah: ‘Tĭng nâm Gâp gŭ rêh mro mrăng, Gâp mâu mra ăn khân may ôp ma Gâp ôh.’

Êsêkiêl 20:31

Tơlah nhhơr ndơ jêh ri nhhơr kon khân may gŭch ma ŭnh, khân may ƀư ƀơ̆ ma lĕ rngôch rup brah khân may kŏ tât ma nar aơ. Hơi ngih Israel, di lĕ Gâp ăn khân may ôp mro hĕ? Brah Yêhôva lah: Tĭng nâm Gâp gŭ rêh mro mrăng, Gâp mâu ăn khân may ôp ma Gâp ôh!

Êsêkiêl 3:20

Tâm ban lĕ, tơlah du huê bunuyh sŏng srăng chalơi nau sŏng srăng ƀư nkhơng nau tih jêh ri Gâp mra dơm nau king panăp măt păng, păng mra khĭt. Yorlah may mâu mbơh ôh ma păng yor nây păng mra khĭt yor nau tih păng, jêh ri lĕ kan sŏng srăng păng hŏ ƀư jêh gâp mâu hôm dơi kah gĭt ôh, ƀiălah Gâp mra kêh mham păng ta ti may.

Êsêkiêl 33:30

Hơi kon bunuyh, phung ƀon lan may gŭ n'gŏ mpêr ƀon jêh ri nkoch may tanăp mpông ngih; khân păng tâm ngơi ndrăng khân păng nơm, nơm aơ đă nơm ri: ‘Ăn văch hom iăt nau mbơh tă bơh Brah Yêhôva.’

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Êsêkiêl 44:12

Yorlah khân păng hŏ pah kan jêh ma phung ƀon lan tanăp phung rup brah khân păng jêh ri ƀư ma ngih Israel tŭp tâm nau tih; yor ri, Gâp hŏ yơr ti tâm rdâng đah khân păng jêh ri khân păng mra anh nau tih khân păng, Kôranh Brah Yêhôva lah pônây.

Êsêkiêl 6:9

Phung bunuyh hŏ dơi klaih jêh tâm khân may mra kah gĭt ma Gâp dôl gŭ tâm lĕ bri dak bu leo khân păng hăn tât, jêh ri khân păng gĭt nuih n'hâm Gâp ji ngăn yor nau khân păng văng tĭr hŏ ƀư ma khân păng chalơi Gâp jêh ri măt nau văng tir khân păng rle ma rup brah khân păng nơm. Rnôk nây, khân păng tâm rmot êng khân păng nơm ma lĕ nau mhĭk khân păng hŏ ƀư jêh ri ma lĕ nau kan ƀơ̆ ƀơch khân păng.

Êsêkiêl 7:19

Khân păng mƀăr lơi prăk khân păng tâm trong toyh, mah khân păng jêng ndơ ƀơ̆ ƀơch. Prăk mâu lah mah ăt mâu dơi tâm rklaih ôh khân păng tâm nar Brah Yêhôva ji nuih. Khân păng mâu dơi ƀư ma khân păng bah ji ngot mâu hơm ndŭl yorlah nây jêng ndơ ƀư ăn ma khân păng tŭp tâm nau tih!

Ndrom Samƀŭt bơh Ôsê 4:5

May mra chêh prah dôl nôk nar; Phung nơm mbơh lor mra chêh prah ndrel may dôl bri măng tâm ban lĕ, Jêh ri Gâp mra ƀư rai mê̆ may.

Sôphôni 1:3

Gâp mra pih kloh lĕ kon bunuyh jêh ri mpô mpa, Gâp mra pih kloh lĕ sĭm klơ trôk jêh ri ka tâm dak mƀŭt; Gâp mra ƀư ma phung mhĭk chêh prah, Jêh ri ƀư rai lơi phung bunuyh bơh neh ntu.” Brah Yêhôva lah pônây.

Sakari 7:13

Brah Yêhôva ma phung tahan lah: ‘Lah Gâp kuăl, khân păng mâu ŭch iăt ôh, pôri lĕ, lah khân păng kuăl dăn, kŏ Gâp mâu iăt lĕ.

Luka 20:8

Brah Yêsu plơ̆ lah: “Gâp mâu mra lah ma khân may gĭt ôh moh tă nau dơi Gâp ƀư nau aơ.”

Êphêsô 5:5

Ăn khân may gĭt rah vah ma phung bunuyh văng tĭr, mâu kloh ueh, mâu lah kơnh rlau keh — kơnh rlau keh jêng mbah rup brah — mâu geh du huê dơi dơn drăp ndơn tâm ƀon bri hađăch Brah Krist jêh ri Brah Ndu ôh.

I Pêtrôs 2:8

jêh ri jêng “Lŭ ƀư chêh jâng, Lŭ toyh ƀư chêh prah bu;” Khân păng chêh prah yorlah mâu tông prăp ma nau chroh, tâm ban ma tâm nal jêh ma khân păng.

Nau Tâm Mpơl 2:14

Ƀiălah Gâp geh nau ƀaƀă nduyh may: Ntŭk may gŭ geh bunuyh ƀaƀă hăn tĭng nau ntĭm nti Y-Balam, păng hŏ ntĭm ma Y-Balak dơm lŭ chêh jâng tanăp phung Israel gay ma khân păng sa ndơ ƀư brah ma rup brah jêh ri ƀư tih nau văng tĭr.

I Samuel 28:6

Y-Sôl ôp ma Brah Yêhôva, ƀiălah Brah Yêhôva mâu plơ̆ lah ôh, mâu lĕ saơ nau mbơi, mâu lah ma Urim, mâu lah ma phung nơm mbơh lor.