Êsêkiêl 13:9 - Nau Brah Ndu Ngơi 2023

⁹ Ti Gâp mra tâm rdâng đah phung nơm mbơh lor tâm saơ dơm dam, nau ƀŭk rƀên mƀruh. Khân păng mâu mra gŭ ôh tâm nau phung ƀon lan Gâp tâm rƀŭn đŏng ôh, mâu geh nchih tâm ndrom samƀŭt ngih Israel đŏng ôh, jêh ri mâu chuat lăp tâm bri Israel. Rnôk nây, khân may mra gĭt Gâp jêng Kôranh Brah Yêhôva.

Êsêkiêl 13:9 ပူးပေါင်းရင်းမြစ်များ

I Phung Hađăch 13:18

Nơm mbơh lor ranh lah tay: “Gâp jêng du huê nơm mbơh lor nâm bu may đŏng. Du huê tông mpăr hŏ tông bâr Brah Yêhôva ngơi ma gâp pô aơ: ‘Leo hom păng sĭt lăp tâm ngih ndrel ma may, gay ăn păng sa piăng let jêh ri nhêt dak.’” Ƀiălah nơm mbơh lor ranh aơ hŏ lah mƀruh ma păng.

Êsra 2:59

Aơ jêng phung plơ̆ sĭt tă bơh Têl-Mêla, Têl-Harsa, Kêrup, Adan, jêh ri Imer, ƀiălah khân păng mâu gĭt rah vah ôh noi deh jêh ri ntil mpôl khân păng jêng phung Israel mâu lah mâu:

Nêhêmi 7:62

Kon sau Y-Dêlaya, kon sau Y-Tôbia jêh ri kon sau Y-Nêkôda, geh prao rhiăng puăn jât ma bar nuyh.

Nêhêmi 7:64

Phung nây joi amoh khân păng tâm ndrom samƀŭt noi deh ƀiălah mâu saơ ôh, yor nây bu ngluh lơi tă bơh nau kan kôranh ƀư brah yorlah kơp khân păng jêng ƀơ̆ ƀơch.

Nau Mprơ Ơm 101:7

Nơm mƀruh ndơm mâu mra dơi gŭ tâm ngih gâp; Phung mƀruh nchơt mâu mra dơi gŭ ôh tanăp măt gâp.

Nau Mprơ Ơm 69:28

Jut lơi amoh khân păng bơh ndrom samƀŭt nau rêh, Jêh ri lơi ta nchih amoh khân păng ndrel ma phung sŏng srăng.

Nau Mprơ Ơm 69:5

Ơ Brah Ndu! May gĭt nau rluk mâl gâp, Lĕ nau tih gâp mâu dơi pôn ma May ôh.

Nau Mprơ Ơm 87:6

Tơlah Brah Yêhôva nchih phung ƀon lan tâm ndrom samƀŭt Păng mra kơp pô aơ: “Nơm aơ bu deh jêh ta Siôn.” (Sêla)

Nau Mprơ Ơm 95:11

Yor nây, Gâp ji nuih ton pô aơ: “Khân păng mâu mra lăp tâm nau Gâp rlu ôh.”

Êsai 4:3

Phung hôm e klen gŭ tâm ƀon Siôn, phung hôm e klen gŭ tâm ƀon Yêrusalem mra dơi rnha jêng phung kloh ueh. Ăp nơm bu nchih prăp jêh tâm ndrom samƀŭt ma phung rêh tâm ƀon Yêrusalem.

Yêrêmi 14:15

Yor nây, Brah Yêhôva lah ntop đŏng: “Bi ma lĕ phung mbơh lor mâu tă bơh Gâp mprơh tât nănh ngơi tâm amoh Gâp ngơi mbơh lor pô aơ ‘mâu mra geh đao jêh ri sa sât ji ngot geh tât ta n'gor aơ’, pôri phung nơm mbơh lor nây yơh bu mra ƀư rai ma đao jêh ri sa sât ji ngot.

Yêrêmi 17:13

Ơ Brah Yêhôva, nau kâp gân ma phung Israel, Mbu nơm dun May geh nau prêng da dê! Mbu nơm plăch ndŭr kơi đah May bu mra nchih amoh ta ndruyh neh, Yorlah khân păng hŏ chalơi jêh Brah Yêhôva jêng tu dak rêh.

Yêrêmi 23:20

Nau Brah Yêhôva ji nuih mâu mra rngơt ôh Kŏ tât nôk Păng ƀư jêh ri lôch Lĕ nau mĭn tâm nuih n'hâm Păng. Tâm lĕ nar lôch dŭt, Khân may gĭt rbăng rah vah nau nây.

Yêrêmi 4:9

Brah Yêhôva lah: “Tâm nar nây, kôranh hađăch jêh ri phung kôranh chiă uănh roh nau duh nđơr da dê; Lĕ phung kôranh ƀư brah klach krit, Lĕ phung mbơh lor hih rhâl ngăn.”

Êsêkiêl 11:10

Khân may mra cha lôt yor ma đao; Gâp mra tâm rmal khân may ta n'har bri Israel, jêh ri khân may mra gĭt Gâp jêng Brah Yêhôva.

Êsêkiêl 12:20

Ƀon toyh geh âk bunuyh gŭ mra jêng rai, bri dak mra jêng rngol jêh ri khân may mra gĭt Gâp jêng Brah Yêhôva.’”

Êsêkiêl 13:14

Gâp mra ƀư rlâm lơi mpêr khân may lĕ mhĭng ma klo nglang, ntrŭnh păng êp kêng neh, kŏ tât rlơk knŏng hôm mpơl mbon mpêr. Tơlah mpêr lĕ rlâm, bu mra ƀư rai khân may ta nây jêh ri khân may mra gĭt Gâp jêng Brah Yêhôva.

Êsêkiêl 13:23

Khân may mâu mra hôm saơ ôh nau tâm saơ ndơm jêh ri mâu lĕ ƀư đŏng nau rƀên. Gâp mra tâm rklaih phung ƀon lan Gâp klaih bơh ti khân may jêh ri rnôk aơ khân may mra gĭt Gâp jêng Brah Yêhôva.’”

Êsêkiêl 20:38

Gâp mra mprơh du bơh khân may lĕ rngôch phung vay tâm rdâng jêh ri phung hao tâm rdâng đah Gâp. Gâp mra njŭn khân păng du luh tă bơh bri ntŭk khân păng gŭ njưh ƀât lât ƀiălah khân păng mâu mra dơi lăp tâm bri Israel ôh. Tâm ban pônây, khân may mra gĭt Gâp jêng Brah Yêhôva.

Daniel 12:1

“Tâm rnôk nây, tông mpăr toyh Mikel, nơm king n'gang ma phung ƀon lan may mra dâk. Jêh ri mra geh du rơh uh ah mâu mâp saơ ôh bơh ntơm ndâk njêng bri dak kŏ tât ta rnôk nây. Ƀiălah rnôk nây lĕ, mbu nơm tâm phung ƀon lan may geh amoh tâm ndrom samƀŭt ri mra dơi geh nau tâm rklaih.

Ndrom Samƀŭt bơh Ôsê 4:5

May mra chêh prah dôl nôk nar; Phung nơm mbơh lor mra chêh prah ndrel may dôl bri măng tâm ban lĕ, Jêh ri Gâp mra ƀư rai mê̆ may.

Ndrom Samƀŭt bơh Ôsê 9:3

Khân păng mâu mra gŭ tâm bri Brah Yêhôva ôh Ƀiălah Êphraim mra plơ̆ sĭt ma n'gor Êjipt Jêh ri mra sa ndơ sa ƀơ̆ ƀơch tâm bri Asiri.

Mika 3:5

Aơ jêng nau Brah Yêhôva lah ma phung nơm mbơh lor Jêng phung ƀư vĭ nhhơt trong ma phung ƀon lan Gâp; Tơlah geh mbu ăn khân păng sa Pôri khân păng mbơh pô aơ: “Đăp mpăn!” Bi tơlah mbu mâu ăn moh ndơ lăp tâm mbung khân păng Pôri khân păng ndrăp nkra nau tâm lơh đah nơm mâu ăn ndơ sa.

Mika 3:6

Yor ri, nôk măng mra nkŭm tâm khân may yor nây mâu geh ôh nau tâm saơ; Nau ngo mra văch yor nây mâu geh ôh nau mbơh lor; Nar mra nhâp tâm phung mbơh lor nây Jêh ri nôk nar mra jêng ngo klĕng tâm khân păng.

Luka 10:20

Ƀiălah, lơi răm maak ôh yor phung brah mhĭk tông bâr ma khân may, maak răm hom yor amoh săk phung kon hŏ nchih jêh ta klơ trôk.”

Philip 4:3

Gâp dăn đŏng ma may, mĭt jiăng pah kan răp jăp ndrel ma gâp, kơl hom phung bu ur nây; khân păng dâk ndrel ma gâp tâm lơh yor ma Nau Mhe Mhan Ueh, ndrel ma Y-Klêmen jêh ri phung mĭt jiăng ndrel kan êng ma gâp; amoh khân păng Brah Ndu nchih jêh tâm ndrom samƀŭt nau rêh.

ហេឞ្រើ 12:23

dăch Phung Ngih Brah Ndu phung kon bôk rah, amoh săk khân păng nchih jêh tâm lĕ ndâr trôk. Khân may văch dăch Brah Ndu jêng Nơm Phat Dôih ma lĕ rngôch bunuyh, gŭ dăch huêng phung sŏng srăng geh nau ueh,

Nau Tâm Mpơl 13:8

Lĕ rngôch bunuyh gŭ rêh ta neh ntu mra yơk mbah ma păng, nâm bu ntĭt phung mâu geh amoh săk nchih tâm ndrom samƀŭt nau rêh Kon Biăp bu nkhĭt jêh ntơm bơh nau rhăk njêng neh ntu.

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.

Nau Tâm Mpơl 20:12

Gâp saơ phung khĭt, toyh jêh ri jê̆, dâk tanăp sưng hađăch nây da dê, jêh ri bu pơk jêh lĕ ndrom samƀŭt. Du ndrom samƀŭt êng jêng ndrom samƀŭt nau rêh bu pơk đŏng. Bu phat dôih phung khĭt tĭng nâm kan khân păng ƀư jêh, tĭng nâm lĕ nau bu nchih jêh tâm ndrom samƀŭt nây.

Nau Tâm Mpơl 20:15

Mbu nơm mâu geh amoh bu nchih jêh tâm ndrom samƀŭt nau rêh, bu mra klŭp păng tâm nglao ŭnh.