Êsêkiêl 13:5 - Nau Brah Ndu Ngơi 2023

⁵ Phung khân may ê hŏ hăn hao ôh lĕ ntŭk pêch đang jêh ri nkra tay mpêr ƀon ma ngih Israel gay dơi nâp dâk tâm lơh tâm nar Brah Yêhôva.

Êsêkiêl 13:5 ပူးပေါင်းရင်းမြစ်များ

Ndrom Samƀŭt bơh Yôp 40:9

Rnôk nây, Gâp mra tâm rnê ma may Pônây ma ti may nơm djôt nau dơi tâm lơh ăn ma may nơm!”

Nau Mprơ Ơm 106:23

Yor nây, Brah Ndu lah pô aơ Păng mra ƀư rai khân păng. Ƀiălah Y-Môis jêng nơm Păng săch jêh, Dâk ntŭk pêch đang tanăp Păng, Gay dăn lơi ăn Păng ji nuih ƀư rai khân păng.

Nau Mprơ Ơm 76:7

Du huê May yơh khư ma bu klach; Nau May hao ji nuih, Mbu nơm dơi gŭ tanăp May?

Êsai 13:6

Nhĭm nhhiăng hom, yorlah nar Brah Yêhôva dăch jêh! Nar nây mra tât tâm ban ma nau ƀư rai bơh Nơm Geh Lĕ Nau Brah.

Êsai 13:9

Aơ, nar Brah Yêhôva tât jêh, Jêng nar dŭt mhĭk, ma nau ji nuih jêh ri ji nuih hâu ngăn, Gay ăn bri neh jêng rngot njăp, Jêh ri ƀư rai phung tih bơh nây.

Êsai 2:12

Yorlah Brah Yêhôva ma phung tahan hŏ tâm nal jêh du nar Tâm rdâng đah phung sưr, ma phung rnam, jêh ri ma phung n'hao êng khân păng nơm; Bu mra n'glưh lơi khân păng.

Êsai 27:4

Gâp mâu hôm ji nuih ôh. Lah păng knŏng deh rtau lok jêh ri pih pŭm, Gâp mra hăn tâm lơh đah khân păng, Gâp mra su lơi khân păng ndrel n'grŭp.

Êsai 34:8

Yorlah Brah Yêhôva prăp jêh nar ma nau plơng bôk, Geh năm mplơ̆ sĭt nau nkhôm yor ma Siôn.

Êsai 58:12

Phung ƀon lan may mra ndâk tay lĕ ntŭk rlâm rai rnôk kăl e; May mra ndâk tay lĕ mbon ơm bơh âk rô̆ kăl e. Bu mra kuăl may jêng Nơm nkra tay lĕ trôm bluh mpêr ƀon, Jêh ri Nơm nkra tay trong tâm ƀon phung ƀon lan gŭ.

Yêrêmi 15:1

Brah Yêhôva lah ma gâp; “Nđâp lah Y-Môis jêh ri Y-Samuel dâk panăp măt Gâp, nuih n'hâm Gâp mâu hôm n'gĭl uănh ma phung ƀon lan aơ ôh. Mprơh hom khân păng bơh Gâp, jêh ri đă khân păng hăn du!

Yêrêmi 23:22

Tơlah khân păng dâk tâm nau Gâp tâm rgum, Pôri hŏ mbơh nau Gâp ăn ƀon lan Gâp, Kơl ƀon lan Gâp chalơi trong mhĭk, Jêh ri der ngai lĕ nau ƀư mhĭk.”

Yêrêmi 27:18

Tơlah n'hêl nanê̆ ngăn khân păng jêng phung mbơh lor jêh ri nau Brah Yêhôva ngơi gŭ ndrel ma khân păng, pôri ăn khân păng mbơh sơm ma Brah Yêhôva ma phung tahan gay ma lĕ ndơ dŏng hôm e klen tâm ngih Brah Yêhôva, tâm ngih hađăch Yuđa jêh ri tâm ƀon Yêrusalem bu mâu djôt leo ôh ma bri Babilôn.

Êsêkiêl 13:4

Hơi phung Israel, phung nơm mbơh lor khân may jêng nâm bu phung mpik tâm ntŭk rngot njăp!

Êsêkiêl 22:30

Gâp joi jêh du huê bunuyh ta nklang khân păng gay ndâk tay mpêr ƀon toyh, yorlah neh gŭ dâk ta ntŭk lĕ đang chah tanăp Gâp gay ma Gâp mâu ƀư rai păng ôh; ƀiălah Gâp joi mâu dơi geh du huê bunuyh.

Êsêkiêl 30:3

Yor nar nây dăch jêh, Nar Brah Yêhôva hŏ dăch jêh, Jêng nar tŭk mbâl, Rơh nau mhĭk tât ăn ma lĕ rngôch mpôl bunuyh.

Êsêkiêl 7:19

Khân păng mƀăr lơi prăk khân păng tâm trong toyh, mah khân păng jêng ndơ ƀơ̆ ƀơch. Prăk mâu lah mah ăt mâu dơi tâm rklaih ôh khân păng tâm nar Brah Yêhôva ji nuih. Khân păng mâu dơi ƀư ma khân păng bah ji ngot mâu hơm ndŭl yorlah nây jêng ndơ ƀư ăn ma khân păng tŭp tâm nau tih!

Yôel 1:15

Ơ nar nây! Yorlah nar Brah Yêhôva dăch tât jêh. Păng tât nâm bu du nau ƀư rai văch tă bơh Nơm Geh Nau Brah.

Yôel 2:1

Uh hom nŭng jêh ri tâm ƀon Siôn, Uh hom ăn nteh klơ yôk kloh ueh Gâp! Ăn lĕ rngôch phung gŭ tâm n'gor bri râm nsâr! Yorlah nar Brah Yêhôva dăch tât, nar nây dăch jêh.

Yôel 2:31

Nar mra plơ̆ jêng ngo klĕng, Khay chăng nâm bu mham Lor tât nar dŭt toyh jêh ri klach krit văch bơh Brah Yêhôva.”

Yôel 3:14

Mpôl bunuyh âk ngăn, n'hêl nanê̆ jêng âk râk ngăn Tâm rlŭng Nau Phat Dôih! Yorlah nar Brah Yêhôva dăch jêh Tâm rlŭng Nau phat dôih.

Malachi 1:9

Aƀaơ, dăn hom nau yô̆ bơh Brah Yêhôva, gay ma Păng ăn nau yô̆ ma phung he. Ƀiălah yor ti khân may hŏ ƀư pô nĕ, gĭt lah tâm khân may mbu nơm Păng mra dơn?

Malachi 4:5

Aơ, Gâp mra njuăl nơm mbơh lor Y-Êli văch ma khân may êlor tât nar Brah Yêhôva jêng toyh jêh ri klach hâu ngăn.

I Têsalônik 5:2

yorlah khân may nơm gĭt rah vah pô aơ nar Kôranh Brah mra tât nâm bu bunuyh ntŭng dôl măng.

II Pêtrôs 3:10

Nđâp lah kơt nĕ, nar Kôranh Brah mra tât nâm bu nơm ntŭng, nôk nĕ lĕ ndâr trôk mra roh tâm nau nteh ktang, lĕ ndơ mra lêk hoch tâm ŭnh, neh ntu jêh ri lĕ rngôch kan ndâk klơ nây ŭnh mra sa lĕ.

Nau Tâm Mpơl 16:14

Khân păng jêng phung huêng brah mhĭk, ƀư lĕ nau mbên khlay, jêh ri hăn ma phung hađăch lam neh ntu gay ma rgum phung nây ma nau tâm lơh ta nar toyh Brah Ndu Geh Lĕ Nau Brah.

Nau Tâm Mpơl 6:17

yorlah nar phung Păng ji nuih toyh hŏ tât jêh, mbu nơm dơi gŭ tanăp nau nây?”

I Samuel 12:23

Bi ma gâp mâu đŏng ƀư tih ma Brah Yêhôva jêh ri rlu mbơh sơm an ma khân may. Gâp mra nti ma khân may gĭt trong ueh jêh ri sŏng.