Êsêkiêl 13:23 - Nau Brah Ndu Ngơi 2023

²³ Khân may mâu mra hôm saơ ôh nau tâm saơ ndơm jêh ri mâu lĕ ƀư đŏng nau rƀên. Gâp mra tâm rklaih phung ƀon lan Gâp klaih bơh ti khân may jêh ri rnôk aơ khân may mra gĭt Gâp jêng Brah Yêhôva.’”

Êsêkiêl 13:23 ပူးပေါင်းရင်းမြစ်များ

Yêrêmi 23:14

Ƀiălah nklang phung mbơh lor gŭ ta Yêrusalem, Gâp hŏ saơ jêh nau mhĭk: Khân păng ƀư tih văng tĭr, chuat hăn tâm nau mƀruh; Khân păng ƀư ntop nau dăng ktang ăn ma ti phung ƀai, Kŏ tât mâu geh bunuyh chalơi nau mhĭk khân păng. Gâp uănh lĕ rngôch khân păng nâm bu Sôdôm, Jêh ri phung ƀon lan gŭ ta Yêrusalem nâm bu Gômôrơ.”

Êsêkiêl 12:24

Yorlah mâu mra hôm geh đŏng ôh du nau tâm saơ dơm dam mâu lah gru rƀên nau mâu di đŏng ôh tâm ngih Israel.

Êsêkiêl 13:21

Gâp mra khêk đŏng bok khân may jêh ri rklaih phung ƀon lan Gâp tă bơh ti khân may. Khân păng mâu mra gŭ tâm ti khân may tâm ban ndơ sa đŏng ôh. Rnôk nây, khân may mra gĭt Gâp jêng Brah Yêhôva.

Êsêkiêl 14:8

Gâp mra tâm rdâng đah nơm nây, ƀư ma păng du nau mbên jêh ri nau hôr. Gâp mra ngroh lơi păng bơh ta nklang phung ƀon lan Gâp. Rnôk aơ, khân may mra gĭt Gâp jêng Brah Yêhôva.

Êsêkiêl 15:7

Gâp mra rle muh măt tâm rdâng đah khân păng. Khân păng mra luh tă bơh ŭnh ƀiălah ŭnh mra sa khân păng, jêh ri tơlah Gâp rle muh măt tâm rdâng đah khân păng, pôri khân may mra gĭt Gâp jêng Brah Yêhôva.

Êsêkiêl 34:10

Kôranh Brah Yêhôva lah: ‘Aơ Gâp tâm rdâng đah phung rmăk biăp nây jêh ri Gâp dăn mplơ̆ sĭt tay biăp Gâp tă tâm ti khân păng. Gâp mâu hôm ăn khân păng chiăp đŏng ôh biăp Gâp, jêh ri khân păng ăt mâu dơi lĕ chiăp êng khân păng nơm đŏng ôh. Gâp mra tâm rklaih biăp Gâp luh du tă bơh trôm mbung khân păng gay biăp mâu ƀư ôh ndơ sa ăn ma khân păng.’

Mika 3:6

Yor ri, nôk măng mra nkŭm tâm khân may yor nây mâu geh ôh nau tâm saơ; Nau ngo mra văch yor nây mâu geh ôh nau mbơh lor; Nar mra nhâp tâm phung mbơh lor nây Jêh ri nôk nar mra jêng ngo klĕng tâm khân păng.

Sakari 13:3

Tơlah hôm e geh bunuyh ngơi nau mbơh lor, pôri mbơ̆ jêh ri mê̆ jêng nơm hŏ deh jêh ăn păng, mra lah ma păng: ‘May mâu mra rêh đŏng ôh, yorlah may ngơi nau mƀruh tâm amoh Brah Yêhôva.’ Jêh ri mê̆ mbơ̆ jêng nơm hŏ deh jêh păng mra ntâp păng lah păng ngơi nau mbơh lor.

Mathay 24:24

Yorlah lĕ bunuyh nklă amoh Brah Krist jêh ri phung nơm mbơh lor nklă mra mpơl jêh ri ƀư lĕ nau mbên khlay, nau khlay ngăn toyh gay ndơm, jêh ri tơlah geh dơi ƀư, khân păng ndơm nđâp ma phung hŏ săch jêh.

Markôs 13:22

Lĕ bunuyh nklă amoh Brah Krist jêh ri phung nơm mbơh lor nklă mra mpơl; khân păng ƀư lĕ nau mbên khlay, nau khlay toyh ngăn gay lah dơi ƀư, khân păng ndơm nđâp ma phung hŏ săch jêh.

I Kôrintô 11:19

Nau pă mpôl êng êng tâm phung khân may, n'hêl nanê̆ mâu hôm đing đŏng, ƀiălah geh tâm ban lĕ gay ma gĭt năl mbu nơm jêng bunuyh nanê̆ ngăn.

Nau Vay Nkah Tay 18:20

Ƀiălah mbu nơm mbơh lor janh nănh sŏk amoh Gâp gay ngơi lĕ nau Gâp mâu mâp ntĭnh ăn păng ngơi ôh, mâu lah sŏk amoh phung brah êng gay ngơi, nơm mbơh lor nây mra khĭt.’

II Timôthê 3:9

Ƀiălah khân păng mâu mra hăn ngai lơn ôh, yorlah nâm bu tât jêh ma bar hê nây, nau brŭt rluk khân păng mra tâm mpơl rah vah ma lĕ rngôch bunuyh.

Yuđas 1:24

Mbơh sơm dăn Nơm geh nau brah djôt prăp khân may bơh nau chêh prah jêh ri ƀư ma khân may dâk tanăp nau chrêk rmah Păng mâu geh têl khap, jêh ri tâm nau răm maak,

Nau Tâm Mpơl 12:11

Khân păng geh nau dơi yor mham Kon Biăp, Jêh ri yor nau khân păng mbơh nkoch; Khân păng mâu nhhuach nau rêh khân păng nơm ma tât nau khĭt.

Nau Tâm Mpơl 12:9

Bu klŭp mƀăr bêh nhŭk nhăk toyh jŭr ta neh, jêng bêh ơm, bu rnha jêng brah mhĭk mâu lah Satan, nơm ndơm mƀruh lĕ kon bunuyh. Bu klŭp păng jŭr ta neh ntu; phung mbơh păng bu klŭp mƀăr jŭr ndrel ma păng.

Nau Tâm Mpơl 13:5

Bu ăn ma mpô mpa dŭt janh mbung ngơi lĕ nau ngơi ƀlăch ƀlêr, sưr rlau; bu ăn ma păng dơi vay ƀư nau ktang tâm puăn jât ma bar khay.

Nau Tâm Mpơl 13:8

Lĕ rngôch bunuyh gŭ rêh ta neh ntu mra yơk mbah ma păng, nâm bu ntĭt phung mâu geh amoh săk nchih tâm ndrom samƀŭt nau rêh Kon Biăp bu nkhĭt jêh ntơm bơh nau rhăk njêng neh ntu.

Nau Tâm Mpơl 15:2

Gâp saơ du ndơ nâm bu dak mƀŭt măt rchŏk tâm rlŭk đah ŭnh, phung bunuyh dơi jêh đah mpô mpa dŭt janh jêh ri rup păng ndrel ma mrô amoh păng gŭ dâk êp meng ta dak mƀŭt măt rchŏk, nđâp ma lĕ gong rêng Brah Ndu tâm ti khân păng.