Êsêkiêl 13:19 - Nau Brah Ndu Ngơi 2023

¹⁹ Khân may ƀư bêk jêh Gâp ta nklang phung ƀon lan Gâp yor lĕ mbăt ba ôrgơ jêh ri lĕ rlat piăng let. Khân may ndơm phung ƀon lan Gâp jêng phung ŭch iăt lĕ nau mƀruh nây gay ŭch nkhĭt bunuyh mâu khư đah nau khĭt ôh jêh ri om rêh phung mâu khư ma nau rêh ôh.’

Êsêkiêl 13:19 ပူးပေါင်းရင်းမြစ်များ

Nau Hôr 17:15

Mbu nơm kơp bunuyh mhĭk jêng sŏng srăng jêh ri nơm nduyh bunuyh sŏng srăng, Lĕ bar hê tâm rmot ma Brah Yêhôva da dê.

Nau Hôr 19:27

Hơi kon gâp, lah mâu iăt đŏng nau ntĭm nti, May mra vĭ hêng lĕ nau blau mĭn âk.

Nau Hôr 28:21

Gŭ nding jêng nau mâu ueh ôh; Yorlah du glo ƀănh dơi ƀư nau tih đŏng.

Êsai 5:20

Rêh ni ngăn ma phung rnha ntơ nau mhĭk jêng ueh, Lah nau ueh jêng mhĭk; Sŏk nau ngo jêng nau ang, Sŏk nau ang jêng nau ngo; Sŏk nau tăng jêng nau njŭng, Sŏk nau njŭng jêng nau tăng.

Êsai 56:11

Khân păng jêng so ŭch sa, Mâu blau hơm ôh. Khân păng jêng phung rmăk biăp mâu gĭt rbăng; Lĕ rngôch khân păng plơ̆ tĭng trong khân păng nơm, Ăp nơm rvê joi drăp ndơ ma păng nơm da dê.

Yêrêmi 23:14

Ƀiălah nklang phung mbơh lor gŭ ta Yêrusalem, Gâp hŏ saơ jêh nau mhĭk: Khân păng ƀư tih văng tĭr, chuat hăn tâm nau mƀruh; Khân păng ƀư ntop nau dăng ktang ăn ma ti phung ƀai, Kŏ tât mâu geh bunuyh chalơi nau mhĭk khân păng. Gâp uănh lĕ rngôch khân păng nâm bu Sôdôm, Jêh ri phung ƀon lan gŭ ta Yêrusalem nâm bu Gômôrơ.”

Yêrêmi 23:17

Khân păng lah ƀaƀơ đah phung tâm rmot ma Gâp pô aơ: ‘Brah Yêhôva lah: Khân may mra geh nau đăp mpăn.’ Jêh ri lah ma phung geh nuih n'hâm dăng: ‘Mâu geh nau mhĭk mra tât ma khân may ôh.’

Êsêkiêl 13:20

Yor nây, Kôranh Brah Yêhôva lah: ‘Aơ Gâp tâm rmot ma lĕ bok rƀên khân may ma ndơ nây khân may dŏng gay nchron nhŭp huêng bunuyh nâm bu sân dăk sĭm. Gâp mra rhuăt lơi luh tă bơh ti khân may jêh ri mƀơk lơi huêng phung khân may nhŭp jêh nâm bu sĭm nây.

Êsêkiêl 13:22

Yorlah khân may sŏk nau nchơt mƀruh ƀư rngot nuih n'hâm phung sŏng srăng nđâp lah Gâp mâu mâp ƀư rdja nuih khân păng ôh. Ƀiălah khân may ƀư ma ti phung ƀai ktang lơn gay ma khân păng mâu chalơi ôh bơh trong nau mhĭk păng gay dơi geh nau rêh.

Êsêkiêl 20:39

Hơi ngih Israel, bi ma khân may Kôranh Brah Yêhôva lah: ‘Hăn hom, ăp nơm tâm phung khân may hăn mbah ma rup brah khân may nơm! Ƀiălah jêh nau nây, n'hêl nanê̆ khân may mra iăt nau Gâp jêh ri mâu mra ƀư ƀơ̆ amoh Gâp đŏng ôh, ma yor ndơ khân may ƀư brah jêh ri ma rup brah khân may.’

Êsêkiêl 22:25

Phung kôranh mbơh lor păng njêng nchră ta nklang păng nâm bu du mlâm yau mŭr gŭ ngrông dôl grang hêk mpa păng kăp; khân păng sa rvăn lĕ huêng, sŏk ntŭng drăp ndơ jêh ri ndơ khlay; ƀư ăn phung ndrô ntop âk tâm ƀon.

Êsêkiêl 22:26

Lĕ rngôch phung kôranh ƀư brah păng ƀư tih đah nau vay Gâp jêh ri ƀư ƀơ̆ ndơ kloh ueh Gâp; khân păng mâu kơp rnglah êng ôh moh ndơ jêng kloh ueh, moh ndơ jêng ƀơ̆; mâu lĕ nti bu gĭt rnglah êng moh ndơ jêng ƀơ̆ ƀơch, moh ndơ jêng kloh; khân păng nhêp măt mâu chrê ôh ma lĕ nar saƀat Gâp, ƀư ƀơ̆ Gâp ta nklang khân păng.

Êsêkiêl 22:27

Phung kôranh chiă uănh ta nklang păng nâm bu so bri hêk sa mpa; khân păng knŏng ŭch ƀư pling mham, ƀư roh lơi huêng gay geh drăp ndơ mâu sŏng.

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Mika 3:5

Aơ jêng nau Brah Yêhôva lah ma phung nơm mbơh lor Jêng phung ƀư vĭ nhhơt trong ma phung ƀon lan Gâp; Tơlah geh mbu ăn khân păng sa Pôri khân păng mbơh pô aơ: “Đăp mpăn!” Bi tơlah mbu mâu ăn moh ndơ lăp tâm mbung khân păng Pôri khân păng ndrăp nkra nau tâm lơh đah nơm mâu ăn ndơ sa.

Malachi 1:10

Brah Yêhôva ma phung tahan lah: “Ŭch ma du huê bunuyh tâm khân may nchăng lơi lĕ rngôch mpông ngih brah gay khân may mâu mpoh ôh ŭnh dơm dam ta nơng ƀư brah Gâp.” Brah Yêhôva ma phung tahan lah: “Nuih n'hâm Gâp mâu maak ôh ma khân may, jêh ri kŏ mâu dơn đŏng bơh ti khân may du ntil ndơ ƀư brah.

Samƀŭt Pôl Njuăl Ăn Ma Phung Nsing Ta Ƀon Rôm 14:15

Tơlah yorlah ndơ may sông sa ƀư rngot rvê ma phung oh nâu may, may mâu gŭ ngao di tĭng nâm nau rŏng ôh. Lơi yor ndơ may sông sa ƀư roh du huê ôh Brah Krist khĭt jêh yor păng.

Samƀŭt Pôl Njuăl Ăn Ma Phung Nsing Ta Ƀon Rôm 16:18

Yorlah phung pônây mâu pah kan ma Brah Krist, Kôranh Brah he ôh, ƀiălah pah kan ma ndŭl khân păng nơm; khân păng sŏk nau ngơi ueh, ngơi rnê gay ma ndơm mƀruh lĕ nuih n'hâm phung sŏng.

I Kôrintô 8:11

Pôri nau may gĭt rbăng ƀư rai yot bunuyh rdja nây, jêng phung Brah Krist khĭt ntrok an jêh.

I Pêtrôs 5:2

Chiăp hom phung biăp Brah Ndu jao jêh ma khân may, mâu di yor ma nau nchâp ôh, ƀiălah ŭch nđơr êng, mâu di yor ma drăp ndơ nkhôm mâu khlay ôh ƀiălah ma lĕ nuih n'hâm nđơr,

I Samuel 9:7

Y-Sôl lah ma oh mon păng: “Di ngăn, ƀiălah tơlah he hăn ta nây, moh ndơ he mra djôt leo ma păng? Yorlah piăng let tâm dŭng he hŏ lĕ jêh, jêh ri he mâu hôm geh du ndơ nhhơr gay djôt leo ma bunuyh Brah Ndu! Moh he geh?”