Êsêkiêl 13:18 - Nau Brah Ndu Ngơi 2023

¹⁸ Đă hom khân păng pô aơ: ‘Kôranh Brah Yêhôva lah: Rêh ni ngăn ma phung bu ur jĭm bok rƀên dok ta ti jêh ri tĭng kơt jong gleh dŏng ƀư bok nkŭm bôk âk ntil gay nchron nhŭp huêng bunuyh. Khân may mra joi nhŭp huêng bunuyh phung ƀon lan Gâp gay ma king n'gang huêng khân may nơm lĕ?

Êsêkiêl 13:18 ပူးပေါင်းရင်းမြစ်များ

Nau Hôr 6:26

Yorlah bu dơi nkhôm ma bu ur văng tĭr rnoh knŏng du glo piăng let dơm, Bi ma bu ur lâm sai ƀư roh nđâp ma huêng dŭt khlay.

Yêrêmi 4:10

Gâp lah ro: “Ơ! Kôranh Brah Yêhôva! Nanê̆ May hŏ ndơm phung ƀon lan aơ jêh ri Yêrusalem jêh. May ton: ‘Khân may mra dơi geh nau đăp mpăn,’ pôri đao dôl kêng trô ko!”

Yêrêmi 6:14

Khân păng ƀư bah sôt rmanh phung ƀon lan Gâp ma nau ƀlơr, Jêh nây lah: ‘Đăp mpăn! Đăp mpăn!’ Mâu geh nau đăp mpăn ôh.

Êsêkiêl 13:10

N'hêl nanê̆ ngăn, yorlah khân păng ndơm phung ƀon lan Gâp, lah pô aơ: ‘Đăp mpăn’, ƀiălah mâu geh nau đăp mpăn ôh. Tơlah geh bunuyh ndâk mpêr, pôri, khân păng mhĭng ma klo nglang!

Êsêkiêl 13:16

Khân păng jêng phung nơm mbơh lor Israel mbơh lor lah ma Yêrusalem jêh ri uănh nau tâm saơ đăp mpăn ma ƀon nây ƀiălah mâu geh nau nđăp mpăn ôh, Kôranh Brah Yêhôva lah pônây.”’

Êsêkiêl 13:20

Yor nây, Kôranh Brah Yêhôva lah: ‘Aơ Gâp tâm rmot ma lĕ bok rƀên khân may ma ndơ nây khân may dŏng gay nchron nhŭp huêng bunuyh nâm bu sân dăk sĭm. Gâp mra rhuăt lơi luh tă bơh ti khân may jêh ri mƀơk lơi huêng phung khân may nhŭp jêh nâm bu sĭm nây.

Êsêkiêl 13:21

Gâp mra khêk đŏng bok khân may jêh ri rklaih phung ƀon lan Gâp tă bơh ti khân may. Khân păng mâu mra gŭ tâm ti khân may tâm ban ndơ sa đŏng ôh. Rnôk nây, khân may mra gĭt Gâp jêng Brah Yêhôva.

Êsêkiêl 22:25

Phung kôranh mbơh lor păng njêng nchră ta nklang păng nâm bu du mlâm yau mŭr gŭ ngrông dôl grang hêk mpa păng kăp; khân păng sa rvăn lĕ huêng, sŏk ntŭng drăp ndơ jêh ri ndơ khlay; ƀư ăn phung ndrô ntop âk tâm ƀon.

Êphêsô 4:14

Kơt nây, he mâu mra hôm jêng kon se ôh, geh nau rpuh njach jêh ri rdu tĭng sial khôm nau nti nklă, tă bơh nau plĕch rlăm kon bunuyh jêh ri lĕ nau blau nklă khân păng ndơm mƀruh.

II Timôthê 4:3

Yorlah mra tât du rnôk phung bunuyh mâu hôm ŭch iăt nau nti nau ngăn, ƀiălah tĭng nuih n'hâm ŭch kơnh, khân păng mra tâm rgum phung kôranh nơm nti jŭm khân păng nơm gay iăt lĕ nau ƀư maak ma tôr;

II Pêtrôs 2:14

bar măt khân păng prăp bêng ma nau mĭn văng tĭr, ƀư tih mâu blau dĭl ôh. Khân păng ndơm phung mâu nâp; nau mĭn nuih n'hâm khân păng mơng kơnh rlau ir. Khân păng jêng phung kon khư ma nau rtăp rak!