Êsêkiêl 13:17 - Nau Brah Ndu Ngơi 2023

¹⁷ Hơi kon bunuyh, rle muh măt may mpeh ma phung kon bu ur ƀon lan may, jêng phung mbơh lor tĭng nâm nau khân păng nơm mĭn, jêh ri may mbơh lor hom nau tâm rdâng đah khân păng.

Êsêkiêl 13:17 ပူးပေါင်းရင်းမြစ်များ

II Phung Hađăch 22:14

Pônây, kôranh ƀư brah Y-Hilkia, Y-Ahikam, Y-Akbôr, Y-Saphan, jêh ri Y-Asaya hăn mâp ma H'Hulda nơm mbơh lor bu ur, ur Y-Salum, nơm mât mray ao nau rƀŭn, kon Y-Tikva, sau Y-Harhas. Bu ur nây gŭ tâm nkual mrô bar ta ƀon Yêrusalem. Khân păng mbơh nau kan ma păng.

Nêhêmi 6:14

“Hơi Brah Ndu gâp! Kah gĭt hom ma Y-Tôbia jêh ri Y-Sanbalat tĭng nâm lĕ nau kan khân păng ƀư jêh; tâm ban lĕ kah gĭt hom ma H'Nôadia, nơm mbơh lor bu ur jêh ri phung nơm mbơh lor êng hŏ ƀư jêh ma gâp klach!”

Êsai 4:4

Tơlah Kôranh Brah sŏk nau di jêh ri huêng brah nau su gay rao lơi nau ƀơ̆ ƀơch phung kon bu ur ƀon Siôn, jêh ri ƀư kloh lơi mham tă bơh tâm nklang ƀon Yêrusalem,

Êsêkiêl 13:2

“Hơi kon bunuyh, mbơh lor hom nau tâm rdâng đah phung nơm mbơh lor Israel jêng phung dôl mbơh lor, jêh ri lah hom ma phung mbơh lor tĭng nâm khân păng mĭn pô aơ: ‘Iăt hom nau Brah Yêhôva ngơi!’

Êsêkiêl 21:2

“Hơi kon bunuyh, rle hom muh măt may leo rđŭng pa dâng jêh ri nti nau tâm rdâng mpeh pa dâng. Mbơh lor hom nau tâm rdâng đah bri krŏng ntŭk n'gor bri lâng Nêgep.

Êsêkiêl 4:3

Jêh nây sŏk đŏng du plơp loih rlat ƀư mpêr loih rgăn vah vang may đah ƀon, jêh ri rle muh măt may đah păng. Bu mra nchueng păng jêh ri may mra nchueng păng. Nây jêng nau mbên ăn ma ngih Israel.

Luka 2:36

Geh đŏng nơm mbơh lor bu ur H'Anna, kon bu ur Y-Panuel, ndŭl mpôl Aser, hŏ ranh ngăn. Jêh gŭ ndrel sai, păng rêh đah sai dơi pơh năm,

Kôranh Oh Mon 21:9

Păng geh puăn nuyh kon bu ur druh, geh nau yô̆ ngơi nau mbơh lor.

II Pêtrôs 2:1

Ƀiălah geh jêh âk phung mbơh lor nklă mpơl tâm phung ƀon lan, jêh ri mra geh đŏng kôranh nti nklă tâm khân may; khân păng mra mbơh nkoch ndâp lĕ nau chroh nklă blau hâu ngăn, dun ma Kôranh Brah jêng Nơm tâm chuai jêh khân păn nơm, sŏk dơn nau ƀư rai gơnh ro ma khân păng nơm.

Nau Tâm Mpơl 2:20

Ƀiălah geh nau Gâp nduyh may, nây jêng may ăn ma H'Jêsêbel, bu ur kơp êng săk păng nơm jêng nơm mbơh lor, ntĭm nti jêh ri ndơm phung oh mon Gâp, gay ma khân păng ƀư tih nau văng tĭr jêh ri sa ndơ ƀư brah ma rup brah.

Phung Kôranh Phat Dôih 4:4

Tâm nôk nây, bu ur mbơh lor H'Dêbôra, ur Y-Lapidôt, jêng kôranh phat dôih ma phung ƀon lan Israel.