Êsêkiêl 12:4 - Nau Brah Ndu Ngơi 2023

⁴ Ăn may mra djôt leo ndô ndơ may nâm bu ndô ndơ phung jêng bu nă panăp măt khân păng dôl nôk nar. Jêh nây kêng mhaơ, may yơh mra hăn du nâm bu du huê bunuyh ƀư bu nă tanăp măt khân păng.

Êsêkiêl 12:4 ပူးပေါင်းရင်းမြစ်များ

II Phung Hađăch 25:4

Nôk nây bu kuar trôm tâm mpêr ƀon. Dôl măng, lĕ rngôch phung tahan nchuăt du rŏ trong mpông pêr vah vang bar đah mpêr, dăch n'gar kao hađăch. Tơlah phung Kaldê dôl nchueng jŭm ƀon, hađăch Yuđa nchuăt du tĭng mpeh ma Arabah.

Yêrêmi 39:4

Lah saơ khân păng, Y-Sêdêkia, hađăch Yuđa, jêh ri lĕ rngôch phung tahan du krap luh du tă ƀon toyh. Dôl măng, khân păng tĭng trong tâm n'gar kao hađăch, rgăn mpông pêr vah vang bar mpêr jêh ri hăn rlet mpeh ma Arabah.

Yêrêmi 52:7

Mpêr ƀon lĕ bu kuar trôm. Dôl măng, nđâp lah phung Kaldê nchueng jŭm, lĕ rngôch phung tahan nchuăt du da dê bơh ƀon ma mpông pêr vah vang bar đah mpêr, dăch n'gar kao hađăch. Khân păng hăn tĭng trong rlet mpeh ma Arabah.

Êsêkiêl 12:12

Hađăch tă bơh nklang khân păng mra mbăk ndô ndơ klơ săng nglik păng du luh dôl bri măng. Khân păng mra lôk trôm ta mpêr gay djôt ndơ du luh padih; hađăch mra put muh măt yor măt hađăch mâu dơi saơ ôh bri aơ.

Êsêkiêl 12:5

May lôk du mlâm trôm tâm mpêr tanăp măt khân păng, jêh nây tă tâm trôm nây may djôt leo ndô ndơ luh padih.