Êsêkiêl 12:2 - Nau Brah Ndu Ngơi 2023

² “Hơi kon bunuyh, may gŭ ta nklang phung ƀư nau tâm rdâng. Khân păng geh trôm măt gay ma saơ ƀiălah mâu saơ ôh, geh tôr gay ma tăng ƀiălah mâu ŭch iăt ôh, yorlah khân păng jêng ngih tâm rdâng.

Êsêkiêl 12:2 ပူးပေါင်းရင်းမြစ်များ

II Phung Hađăch 17:14

Ƀiălah, khân păng mâu iăt nau jêh ri dăng ko nâm bu phung chô yau khân păng, jêng phung mâu chroh ôh ma Yêhôva Brah Ndu khân păng.

II Phung Hađăch 17:15

Khân păng mưch rmot ma lĕ nau vay dăp bơh Păng tâm ban đŏng nau tâm rnglăp Păng hŏ ƀư jêh ma chô yau khân păng, jêh ri khân păng mưch rmot đŏng lĕ nau tâm rmal Păng hŏ ntăm jêh ma khân păng. Khân păng hăn tĭng ndô̆ phung brah dơm dam jêh ri khân păng nơm ăt rlơ̆ jêng dơm dam. Khân păng kơt phung ntil mpôl bunuyh gŭ văr jŭm, jêng phung ntil mpôl bunuyh Brah Yêhôva ntrŭnh jêh ma khân păng mâu tĭng kơt phung nây.

Nau Mprơ Ơm 78:40

Âk tơ̆ jêh khân păng ƀư nau tâm rdâng đah Brah Ndu tâm bri rdah, Jêh ri ƀư rngot ma Brah Ndu tâm ntŭk rngol!

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Êsai 30:1

Brah Yêhôva lah: “Rêh ni ngăn ma phung kon tâm rdâng! Khân păng tâm nchră kan mâu tĭng nau mĭn Gâp, Ƀư nau tâm rnglăp mâu tă Brah Gâp ôh, Gay ntop nau tih ma nau tih.

Êsai 30:9

Yorlah khân păng jêng du phung ƀon lan tâm rdâng, Jêng phung kon mƀruh, Phung kon mâu ŭch iăt ôh Nau ntrŭnh bơh Brah Yêhôva.

Êsai 43:8

Djôt hom phung ƀon lan aơ luh, phung geh măt ƀiălah chieh, Phung geh tôr ƀiălah tê̆k!

Êsai 44:18

Phung nây mâu gĭt rbăng ôh, mâu lĕ blau sek uănh; yorlah măt khân păng nhêp jêh gay mâu dơi saơ ôh, nuih n'hâm khân păng nchăng jêh gay mâu dơi gĭt rbăng.

Êsai 6:5

Gâp kuăl huy ro: “Rêh ni ngăn ma gâp! Gâp khĭt roh! Yorlah gâp jêng bunuyh geh mpiăt ƀơ̆ ƀơch ta nklang gŭ rêh ta nklang du phung ƀon lan geh mpiăt ƀơ̆ ƀơch, yorlah măt gâp saơ jêh Hađăch, jêng Brah Yêhôva ma phung tahan!”

Êsai 65:2

Lĕ nar Gâp yơr ti Mpeh du phung ƀon lan vay tâm rdâng; Jêng phung hăn tâm trong mâu ueh, Tĭng nâm nau mĭn khân păng nơm;

Yêrêmi 4:17

Khân păng nchueng Yêrusalem nâm bu nơm chiă mir; Yorlah ƀon nây hŏ tâm rdâng đah Gâp.’” Brah Yêhôva lah pônây.

Yêrêmi 5:21

Ăn iăt hom, hơi phung ƀon lan rluk mâl, Geh măt mâu gĭt saơ, Geh tôr mâu gĭt tăng.”

Yêrêmi 5:23

Ƀiălah phung ƀon lan aơ dăng bôk jêh ri tâm rdâng, Khân păng tâm nkhah jêh ri hăn êng.

Yêrêmi 7:26

Ƀiălah khân păng mâu ŭch iăt Gâp, mâu ŭch lĕ srâng iăt, lơ hâu dăng bôk dăng ko, gŭ ngao mhĭk lơn ma phung chô yau khân păng.”

Êsêkiêl 12:1

Nau Brah Yêhôva lah đŏng ma gâp:

Êsêkiêl 12:25

Yorlah Gâp jêng Brah Yêhôva, Gâp mra lah jêh ri nau Gâp lah mra jêng nau ngăn, mâu mra jŏ đŏng ôh. Hơi ngih phung dăng tâm rdâng! Tâm nar khân may nơm Gâp mra mbơh lor jêh ri păng mra jêng nau ngăn, Kôranh Brah Yêhôva lah pônây.”

Êsêkiêl 17:12

“Lah hom ma ngih tâm rdâng nây pô aơ: ‘Khân may mâu gĭt nau nây mâm nau rblang?’ Đă hom ma khân păng: ‘Ri, hađăch Babilôn tât jêh ta ƀon Yêrusalem, nhŭp hađăch jêh ri lĕ rngôch phung ndrŏng djôt leo ma Babilôn ndrel ma păng.

Êsêkiêl 2:3

Păng lah ma gâp: “Hơi kon bunuyh, Gâp prơh may hăn tât ma phung ƀon lan Israel, hăn tât ma phung vay mơng tâm rdâng đah Gâp. Khân păng jêh ri phung chô yau khân păng ƀư tih vay mơng tâm rdâng đah Gâp kŏ tât nar aơ.

Êsêkiêl 24:3

Nkoch hom du nau ngơi ntĭt ma phung ƀon lan vay tâm rdâng jêh ri lah ma khân păng pô aơ: ‘Kôranh Brah lah: N'gân hom glah, n'gân hom glah Jêh ri troch hom dak.

Êsêkiêl 3:9

Gâp ƀư ndăr kleng may dăng nâm bu lŭ diamôn, dăng lơn ma lŭ ŭnh. Lơi ta klach đah khân păng ôh, ăt mâu lĕ râm nsâr yor muh măt khân păng yorlah khân păng jêng ngih mơng vay tâm rdâng.”

Êsêkiêl 44:6

Ăn may lah hom ma phung vay tâm rdâng, jêng ma ngih Israel pô aơ, Kôranh Brah Yêhôva lah: ‘Hơi ngih Israel, lĕ rngôch nau ƀơ̆ khân may hŏ ƀư lĕ găp jêh!

Markôs 4:12

gay ăn: Uănh ăt uănh, ƀiălah mâu saơ, Tăng ăt tăng, ƀiălah mâu gĭt rbăng ôh; Klach lah khân păng rmal nau tih jêh ri geh nau yô̆ an.”

Luka 8:10

Păng plơ̆ lah: “Khân may hŏ dơi ăn nau gĭt rbăng nau khlay ndâp ƀon bri hađăch Brah Ndu; ƀiălah ma phung êng ri mơ Gâp sŏk nau hôr gay lah ma khân păng Uănh ƀiălah mâu saơ ôh, Tăng ƀiălah mâu gĭt rbăng ôh.

Yôhan 12:40

“Brah Yêsu ƀư ăn măt khân păng chieh, Nuih n'hâm khân păng dăng, Klach lah măt khân păng dơi saơ, Nuih n'hâm khân păng gĭt rbăng jêh ri rmal nau tih, Gay ma Gâp ƀư bah khân păng.”

II Kôrintô 3:14

Ƀiălah nuih n'hâm khân păng ăt jêng dăng, yorlah kŏ tât ta nar aơ, tơlah khân păng rŏ Nau Tâm Rnglăp Ơm, bok nching nây ăt ê hŏ dơi sŏk bơh khân păng; yorlah knŏng tâm Brah Krist, bok nching nây dơi sŏk lơi.

Êphêsô 4:18

Nau mĭn khân păng ngo klĕng, gŭ ngai đah nau rêh Brah Ndu, yor nau rluk mâl gŭ tâm khân păng, jêh ri nuih n'hâm khân păng men dăng.

Nau Vay Nkah Tay 29:3

Khân may hŏ saơ jêh lĕ nau rlong uănh dŭt toyh ngăn, jêng lĕ nau mbên, jêh ri nau khlay nây.

Nau Vay Nkah Tay 29:4

Ƀiălah kŏ tât ta nar aơ Brah Yêhôva ê hŏ ăn ôh ma khân may nuih n'hâm gay gĭt, măt gay saơ mâu lah tôr gay tăng.

Nau Vay Nkah Tay 31:27

yorlah gâp gĭt nau tâm rdâng jêh ri nau dăng bôk khân may. Nar aơ, dôl gâp hôm e rêh ndrel khân may khân may hŏ tâm rdâng đah Brah Yêhôva, sa ang lah gâp lĕ khĭt!

Nau Vay Nkah Tay 9:24

Ntơm bơh nar gâp gĭt năl khân may tât aƀaơ, khân may tâm rdâng ƀaƀơ đah Brah Yêhôva.

Nau Vay Nkah Tay 9:7

“Ăn khân may kah gĭt, lơi ta chuêl, tâm bri rdah khân may hŏ nsônh jêh nau ji nuih Yêhôva Brah Ndu kơt nĕ. Tă bơh nar khân may du luh bơh n'gor Êjipt kŏ tât ta ntŭk aơ, khân may hŏ tâm rdâng ƀaƀơ jêh đah Brah Yêhôva.