Êsêkiêl 12:16 - Nau Brah Ndu Ngơi 2023

¹⁶ Nđâp tơlah, Gâp mra om lơi ƀaƀă tâm phung khân păng klaih tă bơh tak đao, nau sa sât ji ngot, nau ji tưp nkhĭt gay ma khân păng dơi mbơh tay lĕ nau ƀơ̆ ƀơch khân păng ăn ma phung mpôl băl bunuyh khân păng mra hăn gŭ, jêh ri khân păng mra dơi gĭt Gâp jêng Brah Yêhôva.”

Êsêkiêl 12:16 ပူးပေါင်းရင်းမြစ်များ

Nau Ntơm 13:16

Gâp mra ƀư ma noi deh may jêng âk tâm ban ndruyh klơ neh; tơlah mbu nơm dơi kơp ndruyh klơ neh ri mơ dơi kơp đŏng noi deh may.

Nau Mprơ Ơm 59:12

Yor nau tih bơh mbung khân păng, Jêng nau rak rtăp jêh ri nau ngơi mƀruh luh bơh bâr mbung khân păng ngơi, Ăn khân păng geh dăk tâm nau sưr khân păng nơm!

Êsai 1:9

Tơlah Brah Yêhôva ma phung tahan Mâu lơi ma he du phung djê̆ hôm rêh, Pôri he he hŏ jêng nâm bu ƀon Sôdôm, Jêh ri tâm ban ma ƀon Gômôrơ jêh.

Êsai 10:19

Đơ si hôm tâm krŏng mra hôm e djê̆, Du huê kon se ăt dơi geh đŏng kơp rnoh păng.

Êsai 10:22

Hơi Israel, nđâp lah phung ƀon lan may mra jêng âk tâm ban ma choih tâm dak mƀŭt, knŏng du kô̆ hôm e klen mra plơ̆ sĭt. Bu tâm nal jêh nau ƀư rai, nau di mra ăp ntŭk.

Êsai 24:13

Yorlah ta nklang phung ndŭl mpôl bunuyh ta klơ neh, Mra jêng tâm ban nôk bu rgu tơm ôlive, Jêh ri tâm ban ma bu dônh play krăk ƀâu tơlah jêh yan pĕ play.

Êsai 6:13

Nđâp tơlah du kô̆ tâm jât hôm e tâm khân păng Bu mra ƀư rai lơi; Ƀiălah, nâm bu kăl jêh tơm n'ho, tơm guyh hôm om knŏng yôk ngâl, Ndŭl mpôl kloh ueh jêng yôk ngâl păng.”

Yêrêmi 30:11

Brah Yêhôva lah: ‘Yorlah Gâp gŭ ndrel ma may gay tâm rklaih may; Gâp mra ƀư rai lĕ bri dak Gâp hŏ nchah rai khân may tât ta nây, Ƀiălah đah may Gâp mâu ƀư rai lĕ ôh. May mâu mra der luh bơh nau tâm rmal Ƀiălah Gâp mra nduyh nkra may ma nau di.’

Yêrêmi 4:27

Brah Yêhôva lah: “Lam neh mra rngol, Ƀiălah Gâp mâu ƀư rai tât lôch ôh.

Êsêkiêl 12:15

Dôl Gâp ƀư chah rai ăn khân păng nhhơt tâm phung mpôl băl bunuyh jêh ri srih khân păng tâm ăp bri dak khân păng mra gĭt Gâp jêng Brah Yêhôva.

Êsêkiêl 12:17

Brah Yêhôva lah đŏng ma gâp:

Êsêkiêl 14:21

Pônây Kôranh Brah Yêhôva lah: ‘Gâp sŏk puăn ntil nau tâm rmal jru rlau lơn ma nây jêng gưm đao, nau sa sât ji ngot, mpô mpa bri janh jêh ri nau ji tưp nkhĭt ăn ma ƀon Yêrusalem gay ƀư rai lơi bunuyh jêh ri mpô mpa tâm bri tâm nây.

Êsêkiêl 36:20

Ntŭk khân păng hŏ tât jêh tâm lĕ bri dak, khân păng hŏ ƀư tih đah amoh kloh ueh Gâp da dê, kŏ tât bu lah ma khân păng pô aơ: ‘Nây jêng phung ƀon lan Brah Yêhôva ƀiălah lĕ bu mprơh khân păng hăn du tă bơh bri Brah Yêhôva!’

Êsêkiêl 36:31

Rnôk nây, khân may kah gĭt tay trong mhĭk jêh ri nau kan mâu ueh khân may nơm. Khân may tâm rmot êng khân may nơm yor nau tih jêh ri nau ƀơ̆ khân may.’

Êsêkiêl 7:15

Mpeh padih geh tak đao, mpeh tâm trôm geh nau ji tưp jêh ri sa sât ji ngot! Mbu moh bunuyh gŭ tâm mir mra khĭt ma gưm đao; mbu nơm gŭ tâm trôm ƀon mra khĭt nau sa sât ji ngot jêh ri nau ji tưp ran sŏk rvăn.

Mathay 24:22

Tơlah lĕ nar nây mâu n'hŭch lơi, pôri mâu geh du huê bunuyh dơi rklaih ôh; ƀiălah yor phung bunuyh dơi săch lĕ nar nây mra n'hŭch lơi.

Mathay 7:14

Ƀiălah mpông pêr huêt jêh ri trong jê̆ njŭn leo ma nau rêh, djê̆ bunuyh saơ ntŭk nây.”

Samƀŭt Pôl Njuăl Ăn Ma Phung Nsing Ta Ƀon Rôm 9:27

Bi Y-Êsai hao ngơi ma phung Israel pô aơ: “Nđâp tơlah phung kon Israel âk tâm ban ma choih dak mƀŭt, knŏng du kô̆ hôm e klen mra dơi tâm rklaih;