Êsêkiêl 12:12 - Nau Brah Ndu Ngơi 2023

¹² Hađăch tă bơh nklang khân păng mra mbăk ndô ndơ klơ săng nglik păng du luh dôl bri măng. Khân păng mra lôk trôm ta mpêr gay djôt ndơ du luh padih; hađăch mra put muh măt yor măt hađăch mâu dơi saơ ôh bri aơ.

Êsêkiêl 12:12 ပူးပေါင်းရင်းမြစ်များ

II Phung Hađăch 25:4

Nôk nây bu kuar trôm tâm mpêr ƀon. Dôl măng, lĕ rngôch phung tahan nchuăt du rŏ trong mpông pêr vah vang bar đah mpêr, dăch n'gar kao hađăch. Tơlah phung Kaldê dôl nchueng jŭm ƀon, hađăch Yuđa nchuăt du tĭng mpeh ma Arabah.

II Phung Hađăch 7:5

Tâm nôk ƀhit rvi ang, phung phŭng hăn trong tât ta pôih phung tahan Aram. Ƀiălah dôl tât jêh ta bôk pôih tahan, khân păng mâu saơ bunuyh gŭ ta nây.

Ndrom Samƀŭt bơh Yôp 24:16

Tâm klong măng khân păng lôk mpir, Bi nôk nar khân păng du krap; Khân păng mâu gĭt mâm nau ang.

Yêrêmi 24:8

Brah Yêhôva lah: ‘Ƀiălah, tâm ban bunuyh ƀư ma play rvi mhĭk, mhĭk kŏ tât bu mâu dơi sa ôh, pônây lĕ ăt Gâp mra ƀư ma Y-Sêdêkia, hađăch Yuđa, phung kôranh, phung ƀon lan hôm e klen bơh Yêrusalem dôl gŭ tâm bri aơ, jêh ri phung dôl hôm gŭ rêh ntŭk bri Êjipt pônây lĕ.

Yêrêmi 32:5

Y-Sêdêkia bu mra leo nsĭt rlet Babilôn păng mra gŭ ta nây kŏ tât Gâp chop khâl păng; nđâp lah khân may tâm rdâng đah phung Kaldê mâu mra dơi ôh.’ Brah Yêhôva lah pônây?”

Yêrêmi 37:17

Jêh nây, Hađăch Sêdêkia prơh hăn njŭn leo Y-Yêrêmi sĭt ma ngih hađăch jêh ri ôp păng ma nau ndâp: “Geh lĕ nau Brah Yêhôva lah?” Y-Yêrêmi plơ̆ lah: “Geh lĕ!” Jêh nây păng lah tay: “Bu mra jao may tâm ti hađăch Babilôn.”

Yêrêmi 39:4

Lah saơ khân păng, Y-Sêdêkia, hađăch Yuđa, jêh ri lĕ rngôch phung tahan du krap luh du tă ƀon toyh. Dôl măng, khân păng tĭng trong tâm n'gar kao hađăch, rgăn mpông pêr vah vang bar mpêr jêh ri hăn rlet mpeh ma Arabah.

Yêrêmi 42:7

Jât nar pakơi, geh nau Brah Yêhôva lah ma Y-Yêrêmi.

Yêrêmi 52:7

Mpêr ƀon lĕ bu kuar trôm. Dôl măng, nđâp lah phung Kaldê nchueng jŭm, lĕ rngôch phung tahan nchuăt du da dê bơh ƀon ma mpông pêr vah vang bar đah mpêr, dăch n'gar kao hađăch. Khân păng hăn tĭng trong rlet mpeh ma Arabah.

Êsêkiêl 12:4

Ăn may mra djôt leo ndô ndơ may nâm bu ndô ndơ phung jêng bu nă panăp măt khân păng dôl nôk nar. Jêh nây kêng mhaơ, may yơh mra hăn du nâm bu du huê bunuyh ƀư bu nă tanăp măt khân păng.

Êsêkiêl 12:6

Tanăp măt khân păng, may ăn ndô ndơ klơ săng nglik jêh ri djôt leo hăn dôl bri măng. May nkŭm lơi muh măt gay lơi hôm may saơ ôh n'gor bri aơ; yorlah Gâp hŏ njêng may ƀư du nau mbên ma ngih Israel.”