Êsêkiêl 11:5 - Nau Brah Ndu Ngơi 2023

⁵ Huêng Brah Yêhôva jŭr ta gâp jêh ri lah: “Lah hom! Aơ jêng nau Brah Yêhôva lah: ‘Hơi ngih Israel! Khân may hŏ ngơi jêh tâm ban pônây yorlah Gâp gĭt lĕ nau tât tâm nau mĭn khân may.

Êsêkiêl 11:5 ပူးပေါင်းရင်းမြစ်များ

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

Nau Mprơ Ơm 50:21

Nây jêng nau may hŏ ƀư jêh, bi Gâp gŭ rklăk; May mĭn pô aơ Gâp ăt tâm ban ma may. Ƀiălah Gâp mra nduyh rmal may, Mpơl lĕ nau nây tanăp măt may.

Nau Mprơ Ơm 7:9

Ơ Brah Ndu sŏng srăng, Jêng nơm sek uănh nuih n'hâm kon bunuyh, Dăn ƀư lôch nau djơh mhĭk phung ƀai Ƀiălah ƀư ăn nâp bunuyh sŏng srăng.

Êsai 28:15

Yorlah khân may lah jêh: “Hên hŏ ƀư jêh nau tâm rnglăp đah nau khĭt, Hên geh du nau tâm rnglăp đah ƀon phung khĭt Lah nau tât geh ƀư rai rmeh ler rgăn Mâu mra tât ma hên ôh. Yorlah hên sŏk jêh nau mƀruh jêng ntŭk hên nsing, Sŏk nau ndơm jêng ntŭk hên du krap.”

Êsai 58:1

“Nter huy hom, lơi têm ôh! Nter huy tâm ban ma du mlâm nŭng! Mbơh hom ma phung ƀon lan Gâp nau khân păng tâm rdâng, Jêh ri mbơh ma ngih Yakôb gĭt nau tih khân păng!

Yêrêmi 11:20

Ơ Brah Yêhôva ma phung tahan! May phat dôih ma nau sŏng, sek uănh nuih n'hâm jêh ri nau mĭn, Dăn ăn ma gâp saơ nau plơng bôk Kôranh Brah ăn ma khân păng, Yorlah gâp mbơh jêh kan gâp ma May.

Yêrêmi 16:17

Yorlah măt Gâp kâp uănh tâm lĕ trong khân păng. Khân păng mâu dơi du ôh bơh măt Gâp, jêh ri nau tih khân păng mâu đŏng dơi king măt Gâp.

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Êsêkiêl 2:2

Păng lah ma gâp pônây Huêng Brah lăp gŭ tâm gâp, ƀư ăn jâng gâp dâk jêh ri gâp tăng Nơm dôl ngơi ma gâp.

Êsêkiêl 2:7

Pôri may mbơh hom nau Gâp lah ma khân păng nđâp lah khân păng iăt mâu lah mâu, yorlah khân păng jêng phung tâm rdâng.

Êsêkiêl 20:32

Khân may lah pô aơ: “Hên ŭch tâm ban ma lĕ ntil mpôl bunuyh, lĕ rngôch bri dak ta klơ neh, mbah ma brah tơm si jêh ri lŭ.” Ƀiălah nau khân may ŭch mĭn nây mâu mra geh tât ôh.’

Êsêkiêl 28:2

“Hơi kon bunuyh, lah hom ma hađăch Tyre pô aơ: Kôranh Brah Yêhôva lah: ‘Yorlah nuih n'hâm may sưr ngăn, May lah pô aơ: “Gâp jêng du huê brah, Gâp gŭ ta sưng hađăch lĕ brah, Ta nklang dak mƀŭt.” Ƀiălah may knŏng jêng bunuyh mâu di jêng brah ôh, Nđâp tơlah n'hao êng nuih n'hâm may nơm Tâm ban ma nuih n'hâm brah kloh ueh.

Êsêkiêl 29:3

Ngơi hom: Kôranh Brah Yêhôva lah: ‘Hơi Pharaôn, hađăch Êjipt, Aơ, Gâp tâm rdâng đah may, May jêng mpa djơh toyh juat Rvel ta nklang lĕ dak krong. May lah pô aơ: “Dak krong Nil jêng ndơ Gâp nơm Gâp nơm yơh hŏ njêng jêh păng.”

Êsêkiêl 3:11

Hăn hom tât ma phung bu mprơh jêng bu nă, tât ma phung ƀon lan may nơm jêh ri lah ma khân păng pô aơ ‘Nau Yêhôva Brah Ndu lah pô aơ,’ nđâp lah khân păng iăt mâu lah mâu.”

Êsêkiêl 3:24

Ƀiălah Huêng Brah lăp tâm gâp ƀư dâk jâng gâp. Jêh nây Păng lah ma gâp pô aơ: “Hăn hom, krŭng êng may nơm tâm ngih may.

Êsêkiêl 3:27

Ƀiălah tơlah Gâp lah ma may, Gâp mra pơk trôm mbung may jêh ri may mra lah ma khân păng pô aơ: ‘Yêhôva Brah Ndu lah kơt aơ: Mbu nơm ŭch iăt, iăt hom; mbu nơm mâu ŭch iăt, lơi ta iăt ôh! Yorlah khân păng jêng du rplay ƀon vay mơng tâm rdâng.’”

Êsêkiêl 8:1

Năm rơh prao, ta năng prăm khay prao, dôl gâp gŭ tâm ngih gâp ndrel ma phung bu ranh Yuđa gŭ panăp, ti Yêhôva Brah Ndu pah ta gâp.

Markôs 2:8

Tâm nau mĭn Brah Yêsu gĭt năl ro lĕ moh nau khân păng lah ndrăng khân păng jêh ri Păng lah: “Mâm ƀư tâm nuih n'hâm khân may geh nau mĭn êng kơt nây?

Yôhan 21:17

Brah Yêsu ôp đŏng ma păng rơh pe: “Y-Simôn kon Y-Yôhan, may rŏng lĕ ma Gâp?” Y-Pêtrôs rngot yor Brah Yêsu ôp păng tât pe tơ̆: “May rŏng lĕ ma Gâp?” Păng ơh pô aơ: “Ơ Kôranh Brah ơi, May gĭt lĕ rngôch ndơ; May gĭt jêh gâp rŏng ma May.” Brah Yêsu lah ma păng: “Mât mray hom phung biăp Gâp.

Kôranh Oh Mon 10:44

Dôl Y-Pêtrôs ngơi, Brah Huêng Ueh jŭr ta lĕ rngôch phung gŭ iăt nau nti nây.

Kôranh Oh Mon 11:15

Tơlah gâp ntơm ngơi, Brah Huêng Ueh jŭr ta khân păng, nâm bu ntơm saơm Păng jŭr ta phung he.

ហេឞ្រើ 4:13

Mâu geh du ntil ndơ rhăk njêng jêh dơi gŭ ndâp tanăp măt Kôranh Brah, ƀiălah lĕ rngôch ndơ gŭ săk hưl da dê jêh ri tâm mpơl jêh tra năp măt Nơm he mra mbơh nkoch rah vah.

Yakơ 3:6

Mpiăt ăt jêng ŭnh lĕ. Tâm lĕ kô̆ săk jăn he, mpiăt jêng neh ntu nau tih mhĭk, ƀư ƀơ̆ lĕ săk jăn, su lĕ nau rêh, jêh ri ŭnh tă bơh ndrung ŭnh ăt su păng.

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.

I Samuel 10:10

Tơlah Y-Sôl hăn tât ta Gibêa, geh du phung mbơh lor tâm mâp ma păng. Huêng Brah Yêhôva văch gŭ ndrel ma păng ma nau brah, jêh ri păng mbơh lor ta nklang khân păng.

I Samuel 10:6

Huêng Brah Yêhôva mra văch gŭ ndrel ma may ma nau brah, jêh ri may mra mbơh lor ndrel ma khân păng, jêh ri may mra njêng săk jêng du huê bunuyh êng.