Êsêkiêl 11:24 - Nau Brah Ndu Ngơi 2023

²⁴ Huêng Brah chông gâp leo klơ jêh ri ma nau tâm saơ, Huêng Brah, Brah Ndu dơi njŭn gâp lăp n'gor bri Kaldê, tât ma phung bu mprơh du jêng bu nă. Jêh ri nau tâm mpơl gâp hŏ saơ du jêh bơh gâp.

Êsêkiêl 11:24 ပူးပေါင်းရင်းမြစ်များ

Nau Ntơm 17:22

Lôch jêh ngơi, Brah Ndu Y-Abraham jêh ri gŭ klơ trôk.

Nau Ntơm 35:13

Jêh nây Brah Ndu hao klơ du bơh ntŭk Păng hŏ ngơi jêh ma Y-Yakôb.

II Phung Hađăch 2:16

jêh ri lah: “Aơ, tâm phung oh mon may geh prăm jât bunuyh dăng ktang. Dăn ăn khân păng hăn joi kôranh may. Klăp lah Huêng Brah Yêhôva djôt leo jêh păng hao jêh nây dơm păng ta klơ yôk mâu lah tâm rlŭng?” Y-Êlisê plơ̆ lah: “Lơi đă khân păng hăn.”

Nau Mprơ Ơm 137:1

Hên dôl gŭ ta kơh dak krong Babilôn, Kah gĭt ma ƀon Siôn jêh ri nhĭm.

Yêrêmi 50:10

Bu mra ƀư rai pit in phung Kaldê, ma phung pit in păng mra dơi hơm răm ngăn”. Brah Yêhôva lah pônây.

Êsêkiêl 1:1

Năm rơh pe jât, năng prăm ta khay puăn, dôl gâp gŭ ta nklang phung bu nă, gŭ ta kơh dak krong Kêbar, lĕ ndâr trôk pơk jêh ri gâp geh nau tâm saơ Brah Ndu mpơl ma gâp.

Êsêkiêl 1:3

geh nau Brah Yêhôva lah êng ma kôranh ƀư brah Y-Êsêkiêl, kon bu klâu Y-Busi, tâm n'gor Kaldê, ta kơh krong Kêbar. Ta ntŭk nây, ti Brah Yêhôva dơm ta păng.

Êsêkiêl 11:1

Huêng Brah chông gâp leo klơ jêh ri njŭn tât mpông pêr Pa lơ ngih Brah Yêhôva mpeh luh nar. Aơ, ntŭk lăp mpông pêr, gâp saơ geh bar jât ma prăm nuyh, tâm nây geh Y-Jasania, kon bu klâu Y-Asur, jêh ri Y-Pêlatia, kon bu klâu Y-Bênaya, jêng phung kôranh chiă uănh ƀon lan da dê.

Êsêkiêl 3:12

Rnôk nây Huêng Brah chông gâp leo klơ jêh ri gâp tăng nau nteh mpât ktang ngăn pakơi gâp pô aơ: “Khư tâm rnê ma nau chrêk rmah Brah Yêhôva tă bơh tâm ntŭk Păng dôl gŭ!”

Êsêkiêl 3:15

Gâp hăn tât ma phung bu mprơh jêng bu nă gŭ ta ƀon Têlavip, gŭ ta kơh dak krong Kêbar. Gâp nsrŭng ta ntŭk khân păng dôl gŭ jêh ri gŭ ta nây ndrel ma khân păng tâm pơh nar, nuih n'hâm bêng ma nau rngot.

Êsêkiêl 37:1

Ti Brah Yêhôva dơm ta gâp; Păng leo gâp luh yor ma Huêng Brah Yêhôva jêh ri dơm gâp ta nklang rlŭng; rlŭng nây bêng ma nting.

Êsêkiêl 43:5

Huêng Brah chông gâp leo klơ jêh ri njŭn gâp lăp nkual tâm trôm, jêh ri nau chrêk ma lơp Brah Yêhôva bêng ngih brah.

Êsêkiêl 8:3

Păng yơr ti tâm ban ma rup mpang ti djôt du pha sŏk ta klơ bôk gâp. Huêng Brah chông gâp leo klơ vah vang trôk đah neh tâm nau tâm saơ Brah Ndu mpơl ma gâp. Gâp dơi leo tât ma ƀon Yêrusalem, ta ntŭk lăp mpông pêr tâm nkual tâm trôm mpeh pa lơ, jêng ntŭk geh ndâk rup brah nau ntôn ƀư ma nau ntôn.

Kôranh Oh Mon 10:16

Nau ngơi nây tât geh pe tơ̆; jêh ri bok nây hao sĭt ta klơ trôk.

Kôranh Oh Mon 8:39

Dôk khân păng hao du luh tă bơh dak, Brah Huêng Ueh Kôranh Brah sŏk Y-Philip hăn; kôranh char mâu gĭt saơ păng ôh, jêh ri păng hăn tay ma nau maak.