Êsêkiêl 11:13 - Nau Brah Ndu Ngơi 2023

¹³ Dôl Gâp gŭ mbơh lor, Y-Pêlatia kon bu klâu Y-Bênaya, khĭt. Gâp păn muh măt jêh ri nter ma bâr huy lah pô aơ: “Ơ Yêhôva Brah Ndu! May mra ƀư rai ngăn lĕ phung Israel hôm e klen aơ?”

Êsêkiêl 11:13 ပူးပေါင်းရင်းမြစ်များ

I Phung Hađăch 13:4

Tơlah tăng nau bunuyh Brah Ndu nter tâm rdâng đah nơng ƀư brah ta Bêthel, hađăch Jêrôbôam yơr ti tă bơh nơng ƀư brah jêh ri lah: “Nhŭp hom păng!” Ƀiălah dôl hađăch yơr ti tâm rdâng đah bunuyh nây, nting tur hađăch jêng dăng kro ro, mâu hôm blau kôn tay đŏng ôh.

Nau Mprơ Ơm 106:23

Yor nây, Brah Ndu lah pô aơ Păng mra ƀư rai khân păng. Ƀiălah Y-Môis jêng nơm Păng săch jêh, Dâk ntŭk pêch đang tanăp Păng, Gay dăn lơi ăn Păng ji nuih ƀư rai khân păng.

Nau Mprơ Ơm 119:120

Nglay săk gâp râm sâr yor klach ma May, Gâp klach râm sâr đŏng gŭ tanăp nau May phat dôih.

Nau Hôr 6:15

Yor nây, nau rêh ni mra tât ma păng ma nau ndal; Tâm ƀât lât, păng mra rai roh ro mâu hôm dơi bah ôh.

Êsêkiêl 11:1

Huêng Brah chông gâp leo klơ jêh ri njŭn tât mpông pêr Pa lơ ngih Brah Yêhôva mpeh luh nar. Aơ, ntŭk lăp mpông pêr, gâp saơ geh bar jât ma prăm nuyh, tâm nây geh Y-Jasania, kon bu klâu Y-Asur, jêh ri Y-Pêlatia, kon bu klâu Y-Bênaya, jêng phung kôranh chiă uănh ƀon lan da dê.

Êsêkiêl 11:14

Geh nau Yêhôva ngơi ma gâp:

Êsêkiêl 20:17

Nđâp tơlah pônây, măt Gâp uănh yô̆ jêh ma khân păng, mâu ƀư rai ôh khân păng mâu lah ƀư rai lĕ khân păng tâm bri rdah.

Êsêkiêl 37:7

Pônây, gâp mbơh lor nâm bu Păng hŏ lah jêh. Dôl gâp mbơh lor geh n'găr ktang jêh ri lĕ rngôch nting rgum tay, tâm ntrŭp tay jêng ăp kôp nting ndrăng nting.

Êsêkiêl 7:2

“Hơi kon bunuyh, Yêhôva Brah Ndu lah ma bri dak Israel pô aơ: ‘Nau tât nglĕ dŭt hŏ tât jêh! Puăn njônh bri aơ tât nglĕ dŭt jêh!

Êsêkiêl 9:8

Dôl khân păng lơh nkhĭt gâp gŭ êng du huê. Gâp păn muh măt jêh ri kuăl nter pô aơ: “Ơ Yêhôva Brah Ndu! May ŭch nkhŭt nau ji nuih tâm ƀon Yêrusalem gay ƀư rai lơi lĕ rngôch phung hôm klen ta ƀon Israel mâm ƀư?”

Ndrom Samƀŭt bơh Ôsê 6:5

Yor ri, Gâp dŏng jêh phung nơm mbơh lor koh lơi khân păng; Gâp hŏ nkhĭt khân păng ma nau ngơi tă bơh trôm mbung Gâp, Nau Gâp phat dôih luh hăn nâm bu nau ang.

Amôt 7:2

Tơlah krah sa lĕ jêh gơ̆ tâm bri nây, gâp lah pô aơ: “Hơi Kôranh Brah Yêhôva, gâp vơh vơl dăn May yô̆ an hom! Mâm Y-Yakôb hôm dâk dơi lĕ? Yor păng jê̆ lê̆ ir.”

Amôt 7:5

Rnôk nây gâp lah pô aơ: “Hơi Kôranh Brah Yêhôva, gâp vơh vơl ma May, rlu hom ti! Mâm Y-Yakôb hôm dâk dơi lĕ? Yor păng jêng jê̆ lê̆ ir!”

Kôranh Oh Mon 13:11

Aơ, aƀaơ aơ ti Kôranh Brah rmal may; may mra chieh măt, mâu saơ nar tâm jŏ đê̆.” Ƀât lât, nau chieh măt, nau ngo tŭp ta Y-Êlimas; păng hăn but bi, joi bunuyh kuăn ti gay ma njŭn păng nơm hăn.

Kôranh Oh Mon 5:10

Tâm nôk nây, păng cha lôt ta jâng Y-Pêtrôs jêh ri khĭt. Phung bu klâu ndăm sĭt jêh ri saơ đŏng bu ur nây hŏ khĭt, tung păng hăn tâp dăch ta môch sai păng.

Kôranh Oh Mon 5:5

Dôl Y-Ananias tăng nau ngơi nây, păng cha lôt ta neh jêh ri khĭt. Lĕ rngôch phung tăng nau nây klach da dê.

Nau Vay Nkah Tay 7:4

yorlah khân păng mra ƀư ma phung kon khân may chalơi Kôranh Brah gay pah kan ma phung brah êng, ƀư ma Brah Yêhôva ji nuih ma khân may jêh ri ƀư rai ro khân may.