Êsêkiêl 11:12 - Nau Brah Ndu Ngơi 2023

¹² Rnôk nây, khân may mra gĭt Gâp jêng Brah Yêhôva, yorlah khân may mâu chuat tĭng ndô̆ ôh nau vay Gâp dăp, mâu lĕ ŭch tông ma nau vay ƀư bơh Gâp, ƀiălah ƀư tĭng nkhơng nau vay phung mpôl băl bunuyh gŭ jŭm khân may.’”

Êsêkiêl 11:12 ပူးပေါင်းရင်းမြစ်များ

I Phung Hađăch 11:33

Yorlah khân păng hŏ chalơi jêh Gâp gay yơk mbah ma brah bu ur Astarôt phung Sidôn, brah Chêmôs phung Môap, jêh ri brah Milkôm phung Ammôn. Khân păng mâu chuat hăn ôh tĭng nâm lĕ trong Gâp gay ƀư nau di tanăp măt Gâp, jêh ri mâu đŏng djôt prăp lĕ nau vay dăp jêh ri lĕ nau vay ƀư bơh Gâp nâm bu Y-Đavit, chô yau khân păng.

II Phung Hađăch 16:3

Ƀiălah hađăch hăn tĭng trong phung hađăch Israel, kŏ tât su kon bu klâu păng tâm ŭnh jêng ndơ ƀư brah, tĭng nâm nau vay ƀơ̆ ƀơch phung ƀon lan Brah Yêhôva hŏ mprơh du jêh tă bơh phung ƀon lan Israel.

II Phung Hađăch 18:12

Nau aơ tât geh yorlah khân păng mâu tông tĭng ôh nau ngơi Yêhôva Brah Ndu khân păng, ƀiălah ƀư tih ma nau tâm rnglăp Păng. Khân păng mâu ŭch iăt jêh ri mâu đŏng ƀư tĭng lĕ rngôch nau Y-Môis, oh mon Brah Yêhôva, hŏ ntăm jêh.

II Phung Hađăch 21:2

Păng ƀư nau mhĭk tanăp măt Brah Yêhôva, jêh ri tĭng lĕ nau vay dŭt ƀơ̆ ƀơch tâm phung ndŭl mpôl Brah Yêhôva hŏ mprơh du jêh tă bơh phung ƀon lan Israel.

II Phung Hađăch 21:22

Păng chalơi Yêhôva Brah Ndu phung chô-yau păng, jêh ri mâu chuat ôh tâm trong Brah Yêhôva.

II Phung Hađăch 21:9

Ƀiălah khân păng mâu tông bâr ôh; Y-Manasê nsŭk nsôr khân păng ƀư lĕ nau djơh mhĭk âk lơn ma phung ndŭl mpôl Brah Yêhôva hŏ ƀư rai jêh tanăp phung ƀon lan Israel.

II Nau Rêh Jêng 13:9

Mâu di hĕ khân may hŏ mprơh jêh phung kôranh ƀư brah Brah Yêhôva, jêng phung kon sau Y-Arôn, jêh ri phung Lêvi hĕ? Khân may hŏ tĭng nau vay phung bu năch gay njêng phung kôranh ƀư brah ma khân may; ăp bunuyh mbu nơm djôt leo du mlâm ndrôk nkuăng rah tât jêh ri pơh mlâm biăp nkuăng gay nhhơr ndơ ƀư brah, dơi jêng du huê kôranh ƀư brah ma brah mâu di jêng brah.

II Nau Rêh Jêng 28:3

Păng su ndơ ƀâu kah tâm rlŭng Ben-Hinôm, jêh ri su kon păng nơm tâm ŭnh jêng ndơ ƀư brah, tĭng nâm nau vay ƀơ̆ ƀơch tâm phung mpôl băl bunuyh Brah Yêhôva hŏ mprơh du jêh tă bơh phung ƀon lan Israel.

II Nau Rêh Jêng 36:14

Rlau ma nĕ, lĕ rngôch kôranh chiă uănh ma phung kôranh ƀư brah jêh ri phung ƀon lan lơ hô mâu gŭ răp jăp, ƀư lĕ nau ƀơ̆ ƀơch nâm bu phung ƀon lan chiau meng hŏ ƀư. Khăn păng ƀư ƀơ̆ ngih Brah Yêhôva, ngih Păng hŏ ƀư kloh jêh tâm ƀon Yêrusalem.

Êsra 9:7

Ntơm rnôk chô yau hên kăl e tât aƀaơ aơ, hên hŏ ƀư tih toyh jêh. Yor nau djơh hên nơm, yor ri phung kon, phung hađăch, phung kôranh ƀư brah hên, lĕ jao jêh hên tâm ti phung hađăch bri bu năch, ma đao tak, bu nhŭp ƀư bu nă, bu pit in drăp ndơ, jêh ri bu gơm mưch kŏ tât ta nar aơ.

Nêhêmi 9:33

Tâm lĕ nau hŏ tât jêh ma hên, Kôranh Brah ăt sŏng srăng; yorlah Kôranh Brah ƀư nau di ngăn, Bi hên ƀư jêh ma nau djơh mhĭk.

Nêhêmi 9:34

Phung hađăch, phung kôranh chiă uănh, phung kôranh ƀư brah jêh ri phung chô yau hên Mâu djôt prăp ôh nau vay Kôranh Brah, Mâu lĕ tông tĭng lĕ nau vay ntăm jêh ri lĕ nau mbơh Kôranh Brah lah jêh ma khân păng.

Nau Mprơ Ơm 78:10

Khân păng mâu djôt prăp ôh nau Brah Ndu tâm rnglăp, Dun đŏng tĭng nâm nau vay Păng.

Yêrêmi 10:2

Brah Yêhôva lah pô aơ: “Lơi ta nti ôh tĭng nau rêh phung ƀon lan êng, Mâu klach râm sâr lĕ nau mbên klơ trôk, Nđâp lah phung ƀon lan êng geh klach nau mbên nây.

Yêrêmi 6:16

Brah Yêhôva lah: “Dâk hom kêng lĕ trong hăn jêh ri kâp uănh, Joi ôp lĕ trong ngai kăl e, Uănh ntŭk jêng trong di lĕ trong sŏng jêh ri hăn trong nây, Joi hom ntŭk rlu ăn ma huêng may. Ƀiălah khân păng plơ̆ lah: ‘Hên mâu ŭch hăn trong nây.’

Êsêkiêl 11:21

Ƀiălah phung geh nuih n'hâm ŭch ma lĕ ndơ tâm rmot jêh ri ƀơ̆ ƀơch Gâp mra ƀư ma trong khân păng nkhŭt tay ta klơ bôk khân păng nơm,’ Yêhôva Brah Ndu lah pônây.”

Êsêkiêl 18:8

mâu ăn bu manh prăk gay sa kao, mâu lah n'hao prăk sa kao ôh; rhuăt ti mâu ƀư nau djơh mhĭk ôh, ƀư nau di nơm aơ đah nơm ri;

Êsêkiêl 18:9

chuat tĭng nau vay dăp Gâp, djôt prăp nau vay ƀư bơh Gâp jêh ri gŭ ngau tâm nau nanê̆ ngăn, bunuyh nây jêng sŏng srăng jêh ri n'hêl nanê̆ păng mra rêh, Kôranh Brah Yêhôva lah pônây.

Êsêkiêl 20:16

Yorlah khân păng dun jêh nau vay ƀư bơh Gâp, mâu tông nau vay dăp Gâp jêh ri ƀư ƀơ̆ jêh ma lĕ nar saƀat Gâp, yorlah nuih khân păng rle mpeh ma rup brah khân păng nơm.

Êsêkiêl 20:21

Ƀiălah phung kon sau khân păng tâm rdâng jêh đah Gâp, khân păng mâu hăn tĭng nau vay dăp Gâp, mâu djôt prăp ôh nau vay ƀư bơh Gâp, jêng ntil nau bunuyh tông dơi rêh, jêh ri khân păng ƀư tih lĕ nar saƀat Gâp đŏng. Rnôk nây, Gâp lah Gâp mra nkhŭt nau Gâp ji nuih ta klơ khân păng, nkhŭt lĕ nau Gâp ji nuih tâm rdâng đah khân păng tâm bri rdah.

Êsêkiêl 20:24

yorlah khân păng mâu tông ôh ma nau vay ƀư Gâp ƀiălah chalơi jêh nau vay dăp Gâp, ƀư ƀơ̆ lĕ nar Saƀat Gâp jêh ri măt khân păng treng uănh ma lĕ rup brah phung chô yau khân păng.

Êsêkiêl 5:6

Ƀiălah păng tâm rdâng đah nau vay ƀư bơh Gâp, ƀư nau ƀai rlau lơn ma lĕ bri dak êng, păng dun nau vay dăp Gâp rlau lơn ma bri dak gŭ jŭm păng yorlah khân păng chalơi nau vay ƀư bơh Gâp jêh ri mâu tĭng nau vay dăp Gâp ôh.

Êsêkiêl 8:10

Pônây gâp chuat lăp jêh ri uănh saơ, ri, jŭm mpêr geh kach nsêr ăp ntil rup brah mpa vơr jêh ri mpô mpa ƀơ̆ ƀơch, lĕ rngôch rup brah ngih Israel.

Êsêkiêl 8:14

Jêh nây Păng leo gâp tât ma ntŭk lăp mpông pêr mpeh pa lơ tâm ngih Brah Yêhôva; ri, ta nây gâp saơ phung bu ur gŭ nhĭm ma brah Y-Tamus.

Êsêkiêl 8:16

Jêh nây, Păng leo gâp lăp nkual nhuang ta trôm ngih Brah Yêhôva, ntŭk trong lăp ngih Brah Yêhôva, ta vah vang ndring jêh ri nơng ƀư brah. Gâp saơ geh tâm bar jât ma prăm nuyh, ndôn kơi mpeh ma ngih Brah Yêhôva, bi muh măt rle mpeh ma luh nar gŭ yơk mbah ma nar mpeh luh nar.

Daniel 9:10

Hên mâu tông bâr ôh nau Yêhôva Brah Ndu hên, mâu gŭ ôh tâm nau vay May dŏng jêh phung oh mon May jêng phung nơm mbơh lor ntĭm nti ma hên.

Kan Lêvi 18:3

Lơi khân may ƀư ôh lĕ nau khân păng ƀư tâm n'gor Êjipt, ntŭk khân may hŏ gŭ njưh jêh, mâu lĕ dơi tĭng ƀư nau khân păng ƀư tâm n'gor Kanaan, jêng n'gor Gâp mra njŭn khân may tât. Mâu dơi hăn tĭng ndô̆ ôh nau vay dăp khân păng.

Kan Lêvi 26:40

Ƀiălah tơlah khân păng mbơh nau tih khân păng nơm jêh ri nau tih phung chô yau khân păng hŏ ƀư tih, jêng nau tih chuêl nau Gâp yô̆ jêh ri tâm rđâng đah Gâp,