Êsêkiêl 11:1 - Nau Brah Ndu Ngơi 2023

¹ Huêng Brah chông gâp leo klơ jêh ri njŭn tât mpông pêr Pa lơ ngih Brah Yêhôva mpeh luh nar. Aơ, ntŭk lăp mpông pêr, gâp saơ geh bar jât ma prăm nuyh, tâm nây geh Y-Jasania, kon bu klâu Y-Asur, jêh ri Y-Pêlatia, kon bu klâu Y-Bênaya, jêng phung kôranh chiă uănh ƀon lan da dê.

Êsêkiêl 11:1 ပူးပေါင်းရင်းမြစ်များ

I Phung Hađăch 18:12

Tơlah gâp du jêh tă bơh may, Huêng Brah Yêhôva mra djôt leo may hăn moh ntŭk gâp mâu gĭt ôh. Pôri, tơlah gâp nkoch tay ma Y-Ahap, jêh ri hađăch mâu saơ ôh may, nanê̆ păng mra nkhĭt lơi gâp. Oh mon may klach yơk ma Brah Yêhôva ntơm bơh hôm kon se jê̆.

II Phung Hađăch 2:16

jêh ri lah: “Aơ, tâm phung oh mon may geh prăm jât bunuyh dăng ktang. Dăn ăn khân păng hăn joi kôranh may. Klăp lah Huêng Brah Yêhôva djôt leo jêh păng hao jêh nây dơm păng ta klơ yôk mâu lah tâm rlŭng?” Y-Êlisê plơ̆ lah: “Lơi đă khân păng hăn.”

II Phung Hađăch 25:23

Tơlah lĕ rngôch phung kôranh tahan jêng Y-Ismaêl, kon bu klâu Y-Nêthania; Y-Jôhanan, kon bu klâu Y-Karêa; Y-Sêraya, kon bu klâu Y-Tanhumet tâm ƀon Nêtôphat; Y-Jasania, kon bu klâu Y-Makatit, jêh ri phung tahan khân păng, gĭt da dê ma hađăch Babilôn hŏ dơm jêh Y-Gêdalia ƀư kôranh chiă uănh, pôri khân păng hăn tât ma păng ta ƀon Mispa.

Êsai 1:10

Ơ phung chiă uănh ƀon Sôdôm, Gŭ iăt hom nau Brah Yêhôva ngơi! Ơ phung ƀon lan Gômôrơ, Rkêng hom tôr iăt nau vay Brah Ndu he!

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Êsêkiêl 10:19

Phung chêrubim lĭ nting năr hao du luh tă bơh neh tanăp măt gâp dôl khân păng hăn ndrel ma lĕ jâng ndeh êp meng. Khân păng hăn gŭ ntŭk lăp mpông pêr mpeh luh nar ngih Brah Yêhôva, jêh ri nau chrêk rmah Brah Ndu Israel gŭ ta klơ khân păng.

Êsêkiêl 10:22

Rup muh măt khân păng nâm bu muh măt gâp saơ lĕ rup jêh ri khân păng nơm, ta kơh dak krong Kêbar. Ăp mpa rêh hăn sŏng rlet panăp da dê.

Êsêkiêl 11:13

Dôl Gâp gŭ mbơh lor, Y-Pêlatia kon bu klâu Y-Bênaya, khĭt. Gâp păn muh măt jêh ri nter ma bâr huy lah pô aơ: “Ơ Yêhôva Brah Ndu! May mra ƀư rai ngăn lĕ phung Israel hôm e klen aơ?”

Êsêkiêl 11:24

Huêng Brah chông gâp leo klơ jêh ri ma nau tâm saơ, Huêng Brah, Brah Ndu dơi njŭn gâp lăp n'gor bri Kaldê, tât ma phung bu mprơh du jêng bu nă. Jêh ri nau tâm mpơl gâp hŏ saơ du jêh bơh gâp.

Êsêkiêl 22:27

Phung kôranh chiă uănh ta nklang păng nâm bu so bri hêk sa mpa; khân păng knŏng ŭch ƀư pling mham, ƀư roh lơi huêng gay geh drăp ndơ mâu sŏng.

Êsêkiêl 3:12

Rnôk nây Huêng Brah chông gâp leo klơ jêh ri gâp tăng nau nteh mpât ktang ngăn pakơi gâp pô aơ: “Khư tâm rnê ma nau chrêk rmah Brah Yêhôva tă bơh tâm ntŭk Păng dôl gŭ!”

Êsêkiêl 3:14

Huêng Brah chông gâp leo rlet klơ jêh ri leo gâp hăn; gâp hăn nuih n'hâm bêng ma rngot ngăn ngên, ji nuih ngăn. Ti Brah Yêhôva dơm ta klơ gâp ma nau ktang ngăn.

Êsêkiêl 37:1

Ti Brah Yêhôva dơm ta gâp; Păng leo gâp luh yor ma Huêng Brah Yêhôva jêh ri dơm gâp ta nklang rlŭng; rlŭng nây bêng ma nting.

Êsêkiêl 40:6

Jêh ta nây, păng hăn tât ta mpông pêr mpeh luh nar, chuat hao pe mbak gung gay veh ndring mpông mpêr, nau dĭ du bông mâng; ndring êng ăt du bông mâng.

Êsêkiêl 41:1

Jêh nây, Bunuyh nây leo gâp lăp tâm trôm ngih brah jêh ri păng veh lĕ meh. Lĕ jrŏng dĭ geh pe met đah aơ pe met đah ri; nây jêng tâm nau dĭ lĕ jrŏng ngih bok rnôk kăl e.

Êsêkiêl 8:16

Jêh nây, Păng leo gâp lăp nkual nhuang ta trôm ngih Brah Yêhôva, ntŭk trong lăp ngih Brah Yêhôva, ta vah vang ndring jêh ri nơng ƀư brah. Gâp saơ geh tâm bar jât ma prăm nuyh, ndôn kơi mpeh ma ngih Brah Yêhôva, bi muh măt rle mpeh ma luh nar gŭ yơk mbah ma nar mpeh luh nar.

Êsêkiêl 8:3

Păng yơr ti tâm ban ma rup mpang ti djôt du pha sŏk ta klơ bôk gâp. Huêng Brah chông gâp leo klơ vah vang trôk đah neh tâm nau tâm saơ Brah Ndu mpơl ma gâp. Gâp dơi leo tât ma ƀon Yêrusalem, ta ntŭk lăp mpông pêr tâm nkual tâm trôm mpeh pa lơ, jêng ntŭk geh ndâk rup brah nau ntôn ƀư ma nau ntôn.

Ndrom Samƀŭt bơh Ôsê 5:10

Phung kôranh Yuđa Nâm bu phung tĭt n'har bri; Gâp mra nkhŭt nau ji nuih ta khân păng Nâm bu nkhŭt dak.

Kôranh Oh Mon 8:39

Dôk khân păng hao du luh tă bơh dak, Brah Huêng Ueh Kôranh Brah sŏk Y-Philip hăn; kôranh char mâu gĭt saơ păng ôh, jêh ri păng hăn tay ma nau maak.

Nau Tâm Mpơl 1:10

Ta nar Kôranh Brah, Brah Huêng Ueh ntrŭt ntrôl gâp jêh ri gâp tăng pakơi gâp du bâr ktang nâm bu bâr nŭng