Êsêkiêl 10:2 - Nau Brah Ndu Ngơi 2023

² Păng lah ma bunuyh nsoh ao bok mhay pô aơ: “Lăp hom ta nklang lĕ jâng ndeh gŭ rvah tâm dâng phung Chêrub. Sŏk hom ŭnh rnga tă bơh phung chêrubim ăn bêng lĕ bar ti may jêh ri srih ndơ nây ta klơ ƀon aơ.” Bunuyh nây lăp ntŭk nây tanăp măt gâp.

Êsêkiêl 10:2 ပူးပေါင်းရင်းမြစ်များ

II Phung Hađăch 25:9

Păng su rai ngih brah Brah Yêhôva, ngih hađăch, jêh ri lĕ rngôch ngih tâm ƀon Yêrusalem; păng su lĕ rngôch ngih phung ndrŏng.

Nau Mprơ Ơm 140:10

Ăn sa ônh rnga nkhŭt ta klơ khân păng! Ăn bu klŭp khân păng tâm ŭnh, Tâm ntu jru, ta nây khân păng mâu hôm dơi dâk ôh!

Nau Mprơ Ơm 18:10

Păng ncho ta klơ Chêrubim jêh ri mpăr, Păng mpăr ta klơ ma năr n'hâm sial.

Nau Ngluh Êjipt 25:18

Jêh nây ƀư bar chêrubim ma mah chiăr n'hơ, dơm tâm bar bôl ndrŭp nau yô̆.

Êsai 30:30

Brah Yêhôva mra ăn bu iăt bâr nau rnam Păng. Păng mra ăn bu saơ ti ktang Păng tâm nau ji nuih, ma ŭnh sa, ma sial phŭt, sial phŭt ktang jêh ri mih pler.

Êsêkiêl 1:13

Rup săk jăn mpô mpa nây tâm ban ma rup rnga ŭnh dôl hit jêh ri rup chiông ŭnh chai, hăn rsong ta vah vang lĕ mpa rêh nây; ŭnh hit nchrang jêh ri geh lơp nglaih luh tă bơh ŭnh nây.

Êsêkiêl 10:16

Tơlah phung chêrubim hăn lĕ jâng ndeh hăn ta meng; tơlah phung chêrubim lĭ nting năr gay hao klơ tă bơh neh pôri lĕ jâng ndeh hôm gŭ ta meng khân păng.

Êsêkiêl 9:11

Ri, bunuyh nsoh ao bok mhay, hip ndơ nchih plơ̆ sĭt mbơh pô aơ: “Gâp ƀư jêh tĭng nâm nau May hŏ ntăm.”

Daniel 7:9

Gâp uănh kŏ tât Lĕ sưng hađăch dơi dăp ueh djrêp, Geh Nơm Gŭ Rêh Bơh Rnôk Kăl E gŭ ta klơ nây. Ao Păng nglang nâm bu pler, Sŏk ta klơ bôk Păng nâm bu rsau biăp kloh. Sưng hađăch Păng jêng mpiăt ŭnh Geh lĕ jâng ndeh ŭnh sa hit.

Nau Tâm Mpơl 8:5

Jêh nây tông mpăr sŏk khăl ndơ ƀâu kah, sŏk bêng ma ŭnh bơh nơng ƀư brah jêh ri klŭp păng ta neh ntu, geh lĕ nteh nglaih, nau ngơi, lĕ lơp nglaih jêh ri nau n'găr neh.