Êsêkiêl 10:10 - Nau Brah Ndu Ngơi 2023

¹⁰ Bi ma rup, lĕ puăn jâng ndeh tâm ban da dê, ăp mlâm nâm bu jâng ndeh gŭ tâm trôm jâng ndeh êng ri.

Êsêkiêl 10:10 ပူးပေါင်းရင်းမြစ်များ

I Phung Hađăch 7:30

Tâm ăp mlâm ndơl geh puăn mlâm jâng ndeh ma kông nđâp ma mâng rnung ma kông. Ta puăn njônh ndơl nây geh lĕ jâng meh gay ndăl ngan grưng dak, nđâp ma lĕ rvang kao ta meng ăp jâng meh.

Nau Mprơ Ơm 104:24

Ơ Brah Yêhôva, kan May âk ngăn ngên! May njêng jêh lĕ rngôch ma nau blau mĭn; Neh ntu bêng ma ndơ May njêng.

Nau Mprơ Ơm 36:6

Nau sŏng srăng May jêng tâm ban ma phung yôk toyh huy; Nau May phat dôih jêng tâm ban ma ntu jru ngăn. Ơ Brah Yêhôva, dăn May prăp phung bunuyh jêh ri mpô mpa.

Nau Mprơ Ơm 97:2

Ndâr tŭk jêh ri nau ngo mbâl nchueng jŭm Păng, Nau sŏng srăng jêh ri nau di ƀư mbon ma sưng hađăch Păng.

Êsêkiêl 1:1

Năm rơh pe jât, năng prăm ta khay puăn, dôl gâp gŭ ta nklang phung bu nă, gŭ ta kơh dak krong Kêbar, lĕ ndâr trôk pơk jêh ri gâp geh nau tâm saơ Brah Ndu mpơl ma gâp.

Êsêkiêl 1:16

Rup jêh ri bu ƀư lĕ jâng ndeh nây nâm bu lŭ khlay bêril nchrat rêp ƀlêp; lĕ rngôch puăn jâng nây tâm ban da dê; rup jêh ri bu ƀư nâm bu jâng ndeh gŭ tâm trôm jâng ndeh êng ri.

Êsêkiêl 10:11

Dôl hăn, khân păng hăn tĭng puăn mpeh, mâu n'gĭl pa ma, pa chiau; tĭng nâm ntŭk rlet mpeh jâng ndeh panăp hăn, khâng păng tĭng rlet mpeh đah nây, dôl khân păng hăn mâu n'gĭl pa chiau pa ma ôh.

Êsêkiêl 10:9

Gâp uănh jêh ri saơ geh puăn mlâm jâng ndeh ta meng phung chêrubim, ăp jâng ndeh ta meng du mlâm chêrub, jêh ri rup lĕ jâng ndeh nây nâm bu lŭ khlay bêril.

Samƀŭt Pôl Njuăl Ăn Ma Phung Nsing Ta Ƀon Rôm 11:33

Ơ! Nau ndrŏng, blau mĭn jêh ri nau gĭt rbăng Brah Ndu khlay ndâp âk ngăn! Nau Păng phat dôih, mbu nơm mâu dơi gĭt, trong Păng mbu nơm mâu dơi gĭt rbăng!