Êsêkiêl 1:8 - Nau Brah Ndu Ngơi 2023

⁸ Tâm dâng nting năr khân păng, puăn njônh geh ti bunuyh da dê. Puăn mlâm mpa nây geh muh măt jêh ri geh nting năr kơt aơ:

Êsêkiêl 1:8 ပူးပေါင်းရင်းမြစ်များ

Êsai 6:6

Rnôk nây, du tâm phung sêraphim mpăr văch ta gâp, tâm ti djôt sa ônh rnga ŭnh sa ônh păng hŏ dŏng nkep tă bơh nơng ƀư brah.

Êsêkiêl 1:17

Tơlah hăn leo panăp khân păng hăn tĭng puăn mpeh jêh ri mâu rle n'gĭl dôl hăn ôh.

Êsêkiêl 10:11

Dôl hăn, khân păng hăn tĭng puăn mpeh, mâu n'gĭl pa ma, pa chiau; tĭng nâm ntŭk rlet mpeh jâng ndeh panăp hăn, khâng păng tĭng rlet mpeh đah nây, dôl khân păng hăn mâu n'gĭl pa chiau pa ma ôh.

Êsêkiêl 10:18

Rnôk nây nau chrêk rmah Brah Yêhôva luh tă bơh kađar lăp mpông sâng ngih brah jêh ri gŭ ta klơ phung chêrubim.

Êsêkiêl 10:2

Păng lah ma bunuyh nsoh ao bok mhay pô aơ: “Lăp hom ta nklang lĕ jâng ndeh gŭ rvah tâm dâng phung Chêrub. Sŏk hom ŭnh rnga tă bơh phung chêrubim ăn bêng lĕ bar ti may jêh ri srih ndơ nây ta klơ ƀon aơ.” Bunuyh nây lăp ntŭk nây tanăp măt gâp.

Êsêkiêl 10:21

Ăp chêrub geh puăn muh măt jêh ri puăn nting năr; tâm dâng nting năr geh rup nâm bu ti bunuyh.

Êsêkiêl 8:3

Păng yơr ti tâm ban ma rup mpang ti djôt du pha sŏk ta klơ bôk gâp. Huêng Brah chông gâp leo klơ vah vang trôk đah neh tâm nau tâm saơ Brah Ndu mpơl ma gâp. Gâp dơi leo tât ma ƀon Yêrusalem, ta ntŭk lăp mpông pêr tâm nkual tâm trôm mpeh pa lơ, jêng ntŭk geh ndâk rup brah nau ntôn ƀư ma nau ntôn.