Êsêkiêl 1:28 - Nau Brah Ndu Ngơi 2023

²⁸ Nchrat nchrang gâp saơ jŭm ntŭk nây nâm bu nau ang bêh tŭng tĭng tâm tŭk dôl nar mih. Nây jêng nau tâm mpơl rup nau chrêk rmah Brah Yêhôva. Tơlah gâp saơ pônây, gâp păn muh măt ta neh jêh ri gâp tăng bâr dôl lah ma gâp.

Êsêkiêl 1:28 ပူးပေါင်းရင်းမြစ်များ

Nau Ntơm 17:3

Y-Abram chŭn muh măt ta neh. Brah Ndu lah ma păng:

Nau Ngluh Êjipt 16:10

Dôl Y-Arôn hôm ngơi ma lĕ rngôch phung Israel tâm rƀŭn, khân păng uănh mpeh let bri rdah jêh ri saơ ro nau chrêk ma lơp Brah Yêhôva tâm mpơl tâm ndâr tŭk.

Nau Ngluh Êjipt 16:7

jêh ri ôi taơ, khân may mra saơ nau chrêk ma lơp Brah Yêhôva, yorlah Păng hŏ tăng jêh nau khân may nduyh Păng. Bi hên mbu nơm jêng, dĭng khân may nduyh ma hên?”

Nau Ngluh Êjipt 24:16

Nau chrêk ma lơp Brah Yêhôva gŭ klơ yôk Sinai. Tâm prao nar, tŭk nkŭm yôk; tât nar tal pơh Brah Yêhôva kuăl Y-Môis tă bơh nklang ndâr tŭk.

Nau Ngluh Êjipt 24:17

Nau chrêk ma lơp Brah Yêhôva nchrat nâm bu ŭnh hit ta klơ n'gơn yôk tanăp măt phung ƀon lan Israel.

Êsêkiêl 10:4

Nau chrêk rmah Brah Yêhôva hao du klơ tă bơh chêrub jêh ri dâk ta ntŭk kađar lăp mpông sâng ngih brah. Ngih brah bêng ndâr tŭk jêh ri tâm nkual nhuang bêng nau chrat ang chrêk ma lơp Brah Yêhôva.

Êsêkiêl 3:23

Pôri gâp hăn ro ma ntŭk neh lâng. Jêh ri ta nây, gâp saơ nau chrêk rmah Brah Yêhôva gŭ ta nây nâm bu nau chrêk rmah gâp hŏ saơ jêh ta kơh krong Kêbar. Gâp păn muh măt ta neh.

Êsêkiêl 43:2

Gâp saơ nau chrêk ma lơp Brah Ndu Israel tă bơh mpeh luh nar văch tât. Nteh bâr Păng nâm bu nteh n'gôr dak toyh, jêh ri tâm neh nchrat ang yor nau chrêk ma lơp Păng.

Êsêkiêl 44:4

Jêh nây păng leo gâp tât panăp ngih brah ta mpông pêr mpeh pa lơ. Gâp uănh treng, aơ, nau chrêk ma lơp Brah Yêhôva bêng ngih Brah Yêhôva, jêh ri gâp păn muh măt ta neh.

Êsêkiêl 8:4

Ri nau chrêk rmah Brah Ndu Israel gŭ ta nây nâm bu gâp hŏ uănh nau tâm saơ ta neh lâng.

Daniel 8:17

Nơm nây, văch êp ro ntŭk gâp gŭ dâk. Saơ nơm nây tât, gâp klach ngăn jêh ri păn muh măt ta neh. Ƀiălah nơm nây lah ma gâp: “Hơi kon bunuyh, gĭt rbăng hom nau tâm saơ aơ di ma rnôk nglĕ dŭt.”

Kan Lêvi 9:24

Du chiông ŭnh luh tă bơh tanăp Brah Yêhôva jêh ri su lĕ ndơ ƀư brah gŭch jêh ri ngi ta klơ nơng ƀư brah. Tơlah lĕ rngôch phung ƀon lan saơ nau nây, lĕ rngôch bunuyh ƀon lan nter răm maak jêh ri chon mon ta neh.

Kôranh Oh Mon 9:4

Păng cha lôt ta neh jêh ri tăng nau ngơi lah ma păng: “Hơi Y-Sôl, Y-Sôl, mâm ƀư may ƀư djơh ma Gâp?”

Samƀŭt Pôl Njuăl Ăn Ma Phung Nsing Ta Ƀon Rôm 9:4

nâm bu ntĭt phung Israel, phung ƀon lan dơi dơn jêng kon mât rŏng, nau chrêk rmah, nau tâm rnglăp, nau vay, nau yơk mbah, jêh ri nau ton;

I Kôrintô 13:12

Aƀaơ aơ he knŏng saơ tâm măt rchŏk tâm nau mâu rah vah; tât rnôk nây, he mra saơ muh măt tâm thâng. Aƀaơ aơ gâp gĭt geh nau keh; tât rnôk nây taơ, gâp mra gĭt năl tâm ban ma Kôranh Brah gĭt năl jêh gâp.

Nau Tâm Mpơl 10:1

Pakơi nây, gâp saơ du huê tông mpăr êng geh nau dơi jŭr tă bơh trôk, geh du ndâr tŭk nkŭm păng. Ta klơ bôk tông mpăr geh bêh tŭng tĭng; muh măt tông mpăr nâm bu nar jêh ri jâng nâm bu n'gâng ŭnh.

Nau Tâm Mpơl 4:3

Nơm gŭ ta klơ sưng hađăch uănh nâm bu lŭ khlay jaspidi jêh ri karnêlian; jŭm sưng hađăch nây geh bêh tŭng tĭng nâm bu lŭ khlay êmêrôt.

Phung Kôranh Phat Dôih 13:20

Tơlah chiông ŭnh tă bơh nơng ƀư brah hao leo klơ trôk tông mpăr Brah Yêhôva tâm ban đŏng hao tâm chiông ŭnh tă bơh nơng nây. Saơ pônây, Y-Manôa jêh ri ur păng uănh nau nây khân păng păn muh măt ta neh.