Êsêkiêl 1:26 - Nau Brah Ndu Ngơi 2023

²⁶ Ta klơ đôr panăp ta klơ bôk lĕ mpa rêh geh ndơ nâm bu sưng hađăch lŭ khlay saphir, jêh ri ta sưng hađăch nây geh ndơ nâm bu rup du huê bunuyh.

Êsêkiêl 1:26 ပူးပေါင်းရင်းမြစ်များ

I Phung Hađăch 22:19

Y-Mika lah tay: “Pônây, iăt hom nau Brah Yêhôva ngơi: Gâp saơ Brah Yêhôva gŭ ta klơ sưng hađăch, jêh ri lĕ rngôch phung tahan tâm trôk gŭ dâk mpeh pa ma jêh ri mpeh pa chiau Păng.

Nau Mprơ Ơm 45:6

Ơ Brah Ndu, sưng hađăch May hôm ƀaƀơ n'ho ro; Nau dơi ƀon bri hađăch May jêng nau dơi sŏng.

Nau Ngluh Êjipt 24:10

khân păng saơ Brah Ndu Israel. Tâm dâng jâng Păng geh du ntil ndơ tâm ban ma du ndơl lŭ saphir rsang nâm bu trôk nđôch.

Êsai 54:11

“Ơ phung rêh ni, nơm phŭt sial ktang rpuh đô̆, jêh ri nơm mâu geh bonh leng ôh, Aơ, gâp sŏk lŭ saphir ƀư lŭ gay ndâk ngih may, Jêh ri gâp mra dơm mbon may ma lŭ ônik.

Êsai 6:1

Năm hađăch Usia khĭt, gâp hŏ saơ Kôranh Brah gŭ ta du mlâm sưng hađăch dŭt prêh ngăn, ntôr ao jâr Păng ƀư bêng ngih brah.

Êsêkiêl 1:22

Ta klơ lĕ bôk mpa rêh geh du đôr nchrat ang nâm bu lŭ rsang klach ngăn lĭ lam bôk khân păng.

Êsêkiêl 1:5

Tă bơh tâm nklang păng, geh ndơ nâm bu puăn mlâm mpa rêh, rup nâm bu kơt aơ: khân păng tâm ban rup bunuyh,

Êsêkiêl 10:1

Gâp uănh jêh ri saơ đôr trôk ta klơ bôk chêrubim geh ndơ nâm bu du mlâm sưng hađăch ma lŭ chrêk saphir.

Êsêkiêl 43:6

Gâp tăng geh bu ngơi ma gâp tă tâm trôm ngih brah, jêh ri geh du huê bunuyh dâk êp kêng gâp.

Êsêkiêl 43:7

Bunuyh nây lah ma gâp: “Hơi kon bunuyh, aơ yơh jêng ntŭk dơm sưng hađăch Gâp, jêng ntŭk ăn mpang jâng Gâp. Ta aơ, Gâp mra gŭ ta nklang phung kon sau ƀon lan Israel kŏ tât n'ho ro. Ntơm bơh abaơ let kăndơ̆, ngih Israel lĕ rngôch phung ƀon lan jêh ri phung hađăch khân păng mâu mra ƀư ƀơ̆ đŏng ôh amoh kloh ueh Gâp yor nau văng tĭr khân păng jêh ri yor ma săk jăn khĭt phung hađăch khân păng ta klơ lĕ ntŭk prêh đŏng ôh.

Êsêkiêl 8:2

Nôk nây, gâp saơ du mlâm rup tâm ban ma ŭnh. Tă bơh gang bŭt bunuyh nây rlet pa dâng jêng ŭnh; bi ma ntơm bơh bŭt rlet klơ geh nau nchrat lơp nâm bu kông chrêk.

Daniel 10:18

Rnôk nây, nơm geh săk jăn tâm ban bu klâu pah ta gâp jêh ri ntop nau ktang ăn ma gâp.

Daniel 7:14

Nơm Gŭ Rêh Bơh Rnôk Kăl E ăn ma nơm nây nau dơi chiă uănh, Nau chrêk rmah jêh ri ƀon bri hađăch. Ma lĕ rngôch phung ƀon lan, lĕ rngôch bri dak, lĕ rngôch nau ngơi Pah kan ma nơm nây da dê. Nau Păng chiă uănh jêng nau dơi n'ho ro, Mâu mra rlau lôch ôh, Jêh ri ƀon bri hađăch Păng mâu mra rai ôh, Mâu mra rai ôh.”

Sakari 6:13

Păng Nơm ro mra ndâk ngih Brah Yêhôva, păng nơm mra dơi geh nau rnam, gŭ chiă uănh ta klơ sưng hađăch păng, jêh ri ƀư kôranh ƀư brah gŭ klơ sưng hađăch păng; mra geh nau tâm rnglăp ăn đăp mpăn lĕ bar nau kan.’

Mathay 25:13

Pôri, rngeh njrăng hom, yor khân ay may mâu gĭt nar, mâu lĕ gĭt mông đŏng.”

Mathay 28:18

Brah Yêsu hăn tât jêh ri lah ma khân păng pô aơ: “Lĕ rngôch nau dơi ta klơ trôk jêh ri ta neh ntu hŏ jao jêh ma Gâp.

ហេឞ្រើ 1:8

Ƀiălah lah ma Kon geh nau lah: “Ơ Brah Ndu, sưng hađăch May hôm ƀaƀơ n'ho ro, Nau dơi ƀon bri hađăch Kôranh Brah jêng nau dơi sŏng.

ហេឞ្រើ 12:2

Uănh hom ma Brah Yêsu, Nơm ntơm bơh saơm jêh ri lôch nau chroh, jêng Nơm yor nau răm maak dơm jêh tanăp măt Păng nơm, maak dơn si tâm rkăng, tâm rmot ma nau bêk prêng, jêh ri gŭ jêh mpeh pa ma sưng hađăch Brah Ndu.

ហេឞ្រើ 8:1

Nau khlay dôl he lah jêng: He geh du huê kôranh ƀư brah toyh lơn dŭt khlay, gŭ jêh mpeh pa ma sưng hađăch Nơm Dŭt Prêh ta klơ trôk,

Yôsuê 5:13

Dôl Y-Yôsuê gŭ dăch Yêrikô, păng n'gơr măt uănh, păng saơ du huê bunuyh djôt đao rnglay dâk tra năp măt păng. Y-Yôsuê hăn văch dăch ma păng jêh ri ôp: “May mpeh ma hên mâu lah mpeh ma phung rlăng hên?”

I Pêtrôs 3:22

jêng Nơm hao jêh ta klơ trôk, dôl gŭ pa ma Brah Ndu, geh phung tông mpăr, phung chiă uănh jêh ri lĕ rngôch nau ktang yơk tâm Păng da dê.

Nau Tâm Mpơl 1:13

ta nklang lĕ jâng kađen geh du huê tâm ban ma Kon Bunuyh nsoh ao jâr jong, rêt ma rse mah ta ntang ntơh.

Nau Tâm Mpơl 14:14

Jêh nây gâp uănh saơ, ri, geh du ndâr tŭk nglang; klơ ndâr tŭk geh bunuyh nâm bu Kon Bunuyh dôl gŭ, bôk ndô đon hađăch ma mah, ti djôt du mlâm nhuĕ hơr.

Nau Tâm Mpơl 20:11

Nôk nây gâp saơ du mlâm sưng hađăch toyh jêh ri nglang ndrel ma Nơm gŭ ta sưng hađăch. Tanăp măt Păng neh ntu jêh ri trôk du lĕ, mâu hôm saơ geh ntŭk ma khân păng ôh.

Nau Tâm Mpơl 3:21

Mbu nơm dơi, Gâp mra ăn păng gŭ ndrel ma Gâp ta sưng hađăch Gâp, nâm bu Gâp nơm hŏ dơi jêh, jêh ri gŭ ndrel ma Mbơ̆ Gâp ta sưng hađăch Păng.

Nau Tâm Mpơl 5:13

Gâp tăng lĕ rngôch mpa rhăk jêh ta klơ trôk, ta neh ntu, tâm dâng neh ntu, tâm dak mƀŭt, jêh ri lĕ rngôch ndơ tâm ntŭk nĕ lah pô aơ: “Ma Nơm gŭ ta sưng hađăch jêh ri ma Kon Biăp Geh nau tâm rnê, nau yơk, nau chrêk rmah jêh ri nau dơi ma tât n'ho ro!”